ນາຍົກລັດຖະມົນຕີ​ໄທ​ກ່າວ​ຢ້ຳຈະ​ບໍ່​ລາ​ອອກ​ຈາກ​ຕຳ​ແໜ່​ງ

ຕາມ​ຂ່າວCRI,ວັນ​ທີ4​ກັນຍາ​ນີ້,ທ່ານ​ສະໝັກ​ສູນ​ທໍລະ​​ເວດ ນາຍົກລັດຖະມົນຕີ​ໄທ​ໄດ້ ​ຜ່ານ​ວິທະຍຸ​ກະຈາຍສຽງ​ແຫ່ງ​ຊາດ​ໄທກ່າວ​ຄຳ​ປາ​ໄສ​ໂດຍກ່າວ​ຢ້ຳວ່າ,ທ່ານຈະ ​ປົກ​ປັກ​ຮັກສາ​ປະຊາທິປະ​ໄຕ​ຂອງຊາດ,​ເດັດຂາດ​ຈະ​ບໍ່​ລາ​ອອກ​ຈາກ​ຕຳ​ແໜ່​ງຍ້ອນ​​ແຮງ​ກົດ​ດັນ​ຂອງກຸ່ມຄັດຄ້ານ​ລັດຖະບານ.ທ່ານ​ສະໝັກ​ໄດ້​ກ່າວ​ປະນາມ​ກຸ່ມ​ພັນທະ​ມິດ​ປະຊາຊົນ​ເພື່ອ​ປະຊາທິປະ​ໄຕ​ທີ່​ດຳ​ເນີນ​ການ​ເຄື່ອນ​ໄຫວ​ຕ້າ​ນລັດຖະບານ,ທ່ານ​ຮຽກຮ້ອງ​ໃຫ້​ປ​ະຊາ​ຊົນ​ຈົ່ງ​ເຫັນ​ແຈ້ງ​ສະຖານະ​ການ​ຂອງ​ປະ​ເທດ,ຮ່ວມ​ກັນ​ປົກ​ປັກ​ຮັກສາ​ຄວາມ​ເປັນ​ລະບຽບ​ຮຽບຮ້ອຍຂອງ​ປະ​ເທດ.

ມື້​ດຽວ​ກັນ,ທ່ານ​ສະໝັກ​ຍັງ​ຢືນຢັນ​ວ່າ​ທ່ານ​ເຕດ ບຸນນາກ ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ໄດ້​ຍື່ນ​ໃບ​ຂໍ​ລາ​ອອກ​ຈາກ​ຕຳ​ແໜ່​ງ​ໃຫ້​ທ່ານ​ແລ້ວ.ທ່ານ​ສະໝັກ​ກ່າວ​ວ່າ,ທ່ານ​ຈະ​ສະ​ເໜີ​ຊື່​ ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຜູ່​ໃໝ່​ໃນ​ບໍ່​ດົນ​ນີ້.