ກະຊວງການຕ່າງປະເທດຈີນແລະສະຖານທູດຈີນປະຈຳຕ່າງປະເທດໄດ້ຮັບການບໍລິຈາກກູ້ໄພແຜ່ນດິນໄຫວ1ຕື້919ລ້ານຢວນ
-----------------------------------------------------------------------------------------------------------------
ຕາມຂ່າວສານຊິນຮວາ:ອີງຕາມຂ່າວຂອງກະຊວງການຕ່າງປະເທດຈີນ,ພາຍຫຼັງແຜ່ນດິນໄຫວຮຸນແຮງເວິ້ນຊ່ວນແຂວງເສສວນເກີດຂຶ້ນເປັນຕົ້ນມາ,ນັບມາຮອດວັນທີ27 ສິງຫາແລ້ວນີ້,ກະຊວງການຕ່າງປະເທດແລະສະຖານທູດຈີນປະຈຳຕ່າງປະເທດໄດ້ຮັບເງິນບໍລິຈາກຂອງປະເທດຕ່າງໆ,ໝູ່ຄະນະແລະບຸກຄົນທັງໝົດ1ຕື້919ລ້ານຢວນ.
ຂ່າວແຈ້ງວ່າ,ລັດຖະບານຕ່າງປະເທດ,ອົງການຈັດຕັ້ງສາກົນແລະພາກພື້ນໄດ້ບໍລິຈາກເງິນເກືອບ800ລ້ານຢວນ;ວິສາຫະກິດຕ່າງປະເທດ,ບຸກຄົນວົງການຕ່າງໆຊາວຈີນແລະຈີນຕ່າງດ້າວ,ນັກສຶກສາຮຽນຢູ່ຕ່າງປະເທດແລະອົງການທຶນຈີນບໍລິຈາກ1ຕື້100ລ້ານກວ່າຢວນ.
ກະຊວງການຕ່າງປະເທດໄດ້ມອບເງິນບໍລິຈາກທີ່ໄດ້ຮັບໃຫ້ບັນຊີເງິນພິເສດບໍລິຈາກກູ້ໄພແຜ່ນດິນໄຫວເວິ້ນຊ່ວນທີ່ຂະແໜງການຮັບຜິດຊອບຄຸ້ມຄອງຂອງລັດຖະບານຕັ້ງໄວ້ຫຼືຝ່າຍທີ່ຜູ່ບໍລິຈາກກຳນົດເອງ,ແລະໄດ້ແຈ້ງຈຸດປະສົງສະເພາະໃຫ້ຝ່າຍຜູ້ຮັບບໍລິຈາກຊາບໃນການໃຊ້ເງິນ.
