ປະທານວຸດທິສະພາຂອງໄທຈະເປັນຜູ້ໄກ່ເກ່ຍລະຫວ່າງລັດຖະບານກັບພັນທະມິດປະຊາຊົນເພື່ອປະຊາທິປະໄຕ

(GMT+08:00) 2008-09-06 16:17:36 cri
-----------------------------------------------------------------------------------------------------------------

ຕາມຂ່າວ CRI: ວັນທີ 5 ກັນຍາ, ທ່ານໄຊ ຊິດຊອບ ປະທານສະພາຜູ້ແທນລາຊະດອນຂອງໄທ, ທ່ານປະສົບສຸກ ບູນເດັດ ປະທານວຸດທິສະພາຂອງໄທຈັດການເປິກສາຫາລືກັບທ່ານອະພິສິດເວດຊາຊີວະ ປະທານພັກປະຊາທິປະປັດເຊິ່ງເປັນພັກຝ່າຍຄ້ານ, ເຫັນດີໃຫ້ທ່ານປະສົບສຸກ ເປັນຜູ້ໄກ່ເກ່ຍລະຫວ່າງລັດຖະບານກັບພັນທະມິດປະຊາຊົນເພື່ອປະຊາທິປະໄຕທີ່ຕ້ານລັດຖະບານ, ເພື່ອທຳລາຍສະພາບແຂງກະດ້າງແຫ່ງວິກິດການການເມືອງທີ່ໄທປະເຊີນໃນປະຈຸບັນ.

ພາຍຫຼັງການເປິກສາຫາລື, ທ່ານອະພິສິດເວົ້າຕໍ່ສື່ມວນຊົນວ່າ, ທ່ານກັບປະທານສອງສະພາລ້ວນແຕ່ເຫັນວ່າ, ການເຈລະຈາແມ່ນວິທີທີ່ດີທີ່ສຸດເພື່ອທຳລາຍສະພາບແຂງກະດ້າງແຫ່ງວິກິດການການເມືອງ, ພັກຝ່າຍຕ່າງໆກໍ່ເຫັນດີສ້າງບັນຍາກາດທີ່ມີຜົນດີຕໍ່ການເຈລະຈາ.

ວັນທີ 5 ກັນຍານີ້, ທ່ານສະໝັກ ສຸນທໍລະເວດ ນາຍົກລັດຖະມົນຕີໄທກ່າວວ່າ, ທ່ານຈະບໍ່ດຳເນີນການເຈລະຈາກັບພັນທະມິດປະຊາຊົນເພື່ອປະຊາທິປະໄຕທີ່ຕ້ານລັດຖະບານ. ທ່ານສະໝັກຍັງກ່າວວ່າ, ຄວາມຜິດທີ່ພາໃຫ້ເກີດວິກິດການການເມືອງບໍ່ແມ່ນຍ້ອນຝ່າຍລັດຖະບານ, ລັດຖະບານບໍ່ໄດ້ເຮັດຜິດຫຍັງ.

ນອກນີ້, ຂ່າວແຈ້ງອີກວ່າ, ກຳມະກອນທ່າກ່ຳປັ່ນຄອງຕ່ອຍບາງກອກສະໜັບສະໜູນການນັດຢຸດງານປະທ້ວງຕ້ານລັດຖະບານພັນທະມິດປະຊາຊົນເພື່ອປະຊາທິປະໄຕໄດ້ສ້າງຄວາມເສຍຫາຍດ້ານເສດຖະກິດສູງເຖິງ 450 ລ້ານບາດຕໍ່ມື້. ສະຫະພັນຂົນສົ່ງຂາເຂົ້າຂາອອກໄທໄດ້ຮຽກຮ້ອງໃຫ້ກຳມະກອນກັບຄືນໄປເຮັດວຽກໂດຍໄວ.

ຂ່າວ-ບົດທີ່ກ່ຽວຂ້ອງ

ຄຳເຫັນ