ໄທປະກາດວ່າຍົກເລີກພາວະສຸກເສີນຢູ່ບາງກອກ
-----------------------------------------------------------------------------------------------------------------
ຕາມຂ່າວcri:ວັນທີ14 ກັນຍານີ້,ໄທປະກາດຍົກເລີກພາວະສຸກເສີນທີ່ປະຕິບັດຢູ່ເຂດບາງກອກແຕ່ວັນທີ2 ກັນຍາເປັນຕົ້ນມາ.
ຕອນເຊົ້າມື້ດຽວກັນ,ທ່ານສົມຊາຍ ວົງສະຫວັດ ນາຍົກລັດຖະມົນຕີຊົ່ວຄາວທັງເປັນລັດຖະມົນຕີວ່າການກະຊວງສຶກສາທິການ,ທ່ານອານຸພົງ ເຜົ່າຈິນດາ ຜູ່ບັນຊາການທະຫານບົກ,ຫົວໜ້າຄະນະກຳການປະຕິບັດກົດໝາຍພາວະສຸກເສີນຢູ່ບາງກອກແລະທ່ານພັດຊະວາດ ວົງສຸວັນ ຜູ່ບັນຊາການຕຳຫຼວດແຫ່ງຊາດໄດ້ເປິກສາຫາລືກັນກ່ຽວກັບບັນຫາຍົກເລີກພາວະສຸກເສີນຢູ່ບາງກອກຢູ່ກອງບັນຊາການກອງທັບປະກອບອາວຸດທີ່ບາງກອກ.
ໃນງານຖະແຫຼງຂ່າວທີ່ຈັດຂຶ້ນພາຍຫຼັງກອງປະຊຸມ,ທ່ານສົມຊາຍກ່າວວ່າ,ຍ້ອນວ່າສະພາບການເມືອງໃນປະຈຸບັນພວມເຂົ້າສູ່ສະພາບປົກກະຕິໃນປັດຈຸບັນ,ບໍ່ມີເຫດການກຳລັງຮຸນແຮງເກີດຂຶ້ນ,ຖ້າສືບຕໍ່ປະຕິບັດກົດໝາຍພາວະສຸກເສີນຢູ່ບາງກອກ,ຈະພາໃຫ້ມີຄວາມເສຍຫາຍຕໍ່ນັກລົງທຶນ,ເປັນຜົນສະທ້ອນຕໍ່ເສດຖະກິດທົ່ວທັງຊາດ,ສະນັ້ນ,ທ່ານຕົກລົງຍົກເລີກພາວະສຸກເສີນຢູ່ບາງກອກແຕ່ມື້ດຽວກັນເປັນຕົ້ນໄປ.
ທ່ານສົມຊາຍຍັງເປີດເຜີຍວ່າ,ກອງປະຊຸມເທື່ອນີ້ມອບໝາຍທ່ານອານຸພົງ ເຜົ່າຈິນດາເປັນຫົວໜ້າ"ສູນຮັກສາລະບຽບການສັງຄົມ",ຮັບຜິດຊອບວຽກງານຮັກສາຄວາມສະຫງົບຂອງບາງກອກແລະເຂດອ້ອມແອ້ມ.
