ທ່ານ​ລີ​ຊຽນ​ລຸງ​ກ່າວ​ວ່າ​ສະ​ມາ​ຄົມ​ຊາວ​ຈີນ​ສາ​ມາດ​ຊ່ວຍ​ເຫຼືອ​ສິງ​ກະ​ໂປ​ກຳ​ໂອ​ກາດ​ການ​ຄ້າ​ຍ້ອນ​ຈີນ​ຈະ​ເລີ​ນຂຶ້ນ

ຕາມ​ຂ່າວສານ​ຊິນ​ຮວາ: ວັນ​ທີ4ຕຸລາ​ນີ້ ​ທ່ານ​ລີ​ຊຽນລຸງ ນາຍົກລັດຖະມົນຕີສິງກະ​ໂປກ່າວ​ວ່າ,​ສະມາຄົມ​ຊາວ​ຈີນຢູ່​ສິງກະ​ໂປ​ນອກຈາກ​ສາມາດປະກອບສ່ວນຢ່າງ​ຕັ້ງໜ້າ​ກ່ວາ​ເກົ່າ​ເພື່ອຮັກສາວັດທະນະທຳ​ມູນ​ເຊື້ອ​ແລ້ວ,ຍິ່ງ​ສາມາດ​ຊ່ວຍ​ເຫຼືອ​ສິງກະ​ໂປກຳ​ໂອກາດ​ການ​ຄ້າ​ຍ້ອນ​ຈີນ​ຈະ​ເລີ​ນຂຶ້ນ.

ທ່ານ​ລີ​ຊຽນລຸງ​ແມ່ນ​ໃຫ້ທັດສະນະ​ດັ່ງກ່າວ​ໃນ​ເວລາ​ເຂົ້າຮ່ວມ​ງານ​ລ້ຽງອາຫານ​ຄ່ຳ​ເພື່ອ​ສະຫຼອງ​ວັນ​ສ້າງຕັ້ງສະມາຄົມ​ຊາ​ຢາງ​ສິງກະ​ໂປ​ຄົບຮອບ150ປີ. ທ່ານ​ກ່າວ​ວ່າ,ສະມາຄົມ​ຊາວ​ຈີນ​ແລະ​ອົງການຈັດຕັ້ງ​ສັງຄົມ​ຈີນ​ສາມາດ​ນຳ​ໃຊ້​ອິນ​ເຕີ​ເນັດລະຫວ່າງການ​ພົວພັນ​ພາຍ​ໃນ​ປະ​ເທດ​ຈີນ​ແລະ​ການ​ພົວພັນ​ກັບ​ຊາວ​ຈີນ​ຢູ່​ຕ່າງປະ​ເທດ,ອຳນວຍ​ຄວາມ​ສະດວກ​ໃຫ້ນັກທຸລະກິດ​ສິງກະ​ໂປ​ເປີດ​ຕະຫຼາດ​ແລະ​ລົງທຶນ​ຢູ່​ຕ່າງປະ​ເທດ,​ເພື່ອ​ເພີ່ມ​ທະວີ​ຖານະຕົວ​ເມືອງສາກົນ​ຂອງ​ສິງກະ​ໂປ.