ຜູ່​ນຳ​ອີກ​ຜູ່​ຫນຶ່ງ​ຂອງ​ກຸ່ມ​ພັນ​ທະ​ມິດ​ປະ​ຊາ​ຊົນ​ເພື່ອ​ປະ​ຊາ​ທິ​ປະ​ໄຕ​ຂອງ​ໄທ​ຖືກ​ຈັບ

ຕາມ​ຂ່າວCRI:  ຕອນ​ເຊົ້າ​ວັນ​ທີ 5 ຕຸລາ​ນີ້, ຕຳຫຼວດ​ໄທ​ໄດ້​ຈັບຕົວທ່ານຈຳລອງ ສີ​ເມືອງ   ຜູ່​ນຳ​ສຳຄັນ​ຜູ່ຫນຶ່ງ​ໃນ​ 9 ຄົນຂອງ​ກຸ່ມ​ພັນທະ​ມິດ​ປະຊາຊົນ​ເພື່ອ​​ປະຊາ​ທິປະ​ໄຕ​ຫຼື ກຸ່ມPAD, ອະດີດເຈົ້າຄອງ ນະຄອນບາງກອກທີ່ຕ້ານ​ລັດຖະບານ

ສື່​ມວນ​ຊົນ​ທ້ອງ​ຖິ່ນ​ລາຍ​ງານ​ວ່າ,  ວັນ​ທີ 5 ຕຸລາ​ນີ້​ແມ່ນ​ວັນ​ປ່ອນບັດ​ໃນ​ການ​ເລືອກ​ຕັ້ງ​ເຈົ້າ​ຄອງ​ນະຄອນ​ບາງກອກ.  ຫຼັງ​ຈາກ​ທ່ານຈຳລອງ ສີ​ເມືອງ​ໄດ້ອອກ​ຈາກ​ທຳນຽບນາຍົກລັດຖະມົນຕີທີ່ກຸ່ມ​PADຍຶດຄອງ, ​ອອກເດີນທາງ​ໄປ​ປ່ອນ​ບັດຢູ່ໂຮງຮຽນ​ແຫ່ງ​ຫນຶ່ງ​ນັ້ນ​ໄດ້​ຖືກຕຳຫຼວດ​ຈັບ​ຕົວ​ພາຍຫຼັງທ່ານປ່ອນ​ບັດ​ແລ້ວ.

ທ່ານ​ຈຳລອງ ສີ​ເມືອງ​​ແມ່ນ​ຜູ່​ນຳ​ຜູ່​ທີ​ສອງຂອງ PAD ທີ່​ຖືກຈັບ​ຕົວ.  ວັນ​ທີ 3 ຕຸລາ​ນີ້, ທ່ານ​ໄຊ​ວັດ ສິນ​ສຸ​ວົງ ຜູ່​ນຳ​ອີກ​ຜູ່​ຫນຶ່ງ​ຂອງກຸ່ມ​​PAD  ອະດີດ​ລັດຖະມົນຕີວ່າການ​ກະຊວງ​ອຸດສາຫະກຳໄດ້​ຖືກ​ຈັບ​ຕົວ​ຢູ່​ໃນ​​ບ້ານ​​ຂອງ​ທ່ານເອງທີ່ບາງກອກ.