ກອງປະຊຸມລັດຖະມົນຕີຖະແຫຼງຂ່າວຈີນອາຊຽນຄັ້ງທີສອງຈັດຂຶ້ນຢູ່ນານນິງ
-----------------------------------------------------------------------------------------------------------------
ຕາມຂ່າວCRI, ວັນທີ16ຕຸລານີ້, ກອງປະຊຸມລັດຖະມົນຕີຖະແຫຼງຂ່າວຈີນອາຊຽນຄັ້ງທີສອງທີ່ດຳເນີນເປັນເວລາໜຶ່ງວັນໄດ້ຈັດຂຶ້ນຢູ່ນານນິງເຂດກວາງຊີຈີນ. ຫົວຂໍ້ຂອງກອງປະຊຸມຄັ້ງນີ້ແມ່ນ:ລົງເລິກການແລກປ່ຽນໃນຂົງເຂດຖະແຫຼງຂ່າວ,ຊຸກຍູ້ການຮ່ວມມືລະຫວ່າງຈີນກັບອາຊຽນ.
ເຈົ້າໜ້າທີ່,ຜູ້ຊ່ຽວຊານແລະຜູ້ແທນປະມານ120ຄົນທີ່ມາຈາກຈີນ,10ປະເທດອາຊຽນແລະກອງເລຂາອາຊຽນໄດ້ເຂົ້າຮ່ວມກອງປະຊຸມ.ທ່ານໝູນແກ້ວ ອໍລະບູນ ລັດຖະມົນຕີວ່າການກະຊວງຖະແຫຼງຂ່າວແລະວັດທະນະທຳລາວໄດ້ນຳພາຄະນະເຂົ້າຮ່ວມກອງປະຊຸມແລະກ່າວຄຳປາໄສ.
ໃນເວລາກ່າວຄຳປາໄສ, ທ່ານໝູນແກ້ວກ່າວວ່າ, ຂ້າພະເຈົ້າເຊື່ອວ່າ,ການໄຂກອງປະຊຸມຄັ້ງນີ້, ຍ່ອມຈະຮັດແໜ້ນການຮ່ວມມືລະຫວ່າງສອງຝ່າຍໃນຂົງເຂດນີ້, ແລະຈະມີຜົນສະທ້ອນອັນຕັ້ງໜ້າຕໍ່ການພົວພັນຮ່ວມມືລະຫວ່າງສອງຝ່າຍໃນຂົງເຂດອື່ນໆ, ທ່ານກ່າວວ່າ:"ລັດຖະມົນຕີຫຼືເຈົ້າໜ້າທີ່ຖະແຫຼງຂ່າວຂອງປະເທດຕ່າງໆທີ່ຮ່ວມປະຊຸມກໍຕ່າງໄດ້ກ່າວວ່າ,ຂໍ້ມູນຂ່າວສານແລະສື່ມວນຊົນແມ່ນພາຫະນະສຳຄັນຂອງສອງຝ່າຍເພື່ອດຳເນີນການຮ່ວມມືໃນຂົງເຂດການເມືອງ,ເສດຖະກິດແລະສັງຄົມ, ເພີ່ມທະວີການຕິດຕໍ່ພົວພັນແລະຮ່ວມມືດ້ານຂໍ້ມູນຂ່າວສານແລະສື່ມວນຊົນມີຜົນດີຕໍ່ການເພີ່ມຄວາມເຂົ້າໃຈກັນແລະການຮ່ວມມືກັນລະຫວ່າງສອງຝ່າຍ."
ຫຼັງກອງປະຊຸມ, ສອງຝ່າຍຍັງໄດ້ລົງລາຍເຊັນໃນບົດບັນທຶກຄວາມເຂົ້າໃຈກ່ຽວກັບຈີນກັບອາຊຽນເພີ່ມທະວີການຮ່ວມມືດ້ານຖະແຫຼງຂ່າວແລະສື່ມວນຊົນ ທີ່ມີວັດຖຸປະສົງເພີ່ມທະວີການພົວພັນຮ່ວມມືລະຫວ່າງສອງຝ່າຍຕື່ມອີກ."
