ນາຍົກກຳປູເຈຍກ່າວວ່າ,ການປະທະກັນຢູ່ຊາຍແດນກຳປູເຈຍໄທຈະບໍ່ເລື່ອນຂັ້ນ
(GMT+08:00) 2008-10-17 19:09:29 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ17ຕຸລານີ້,ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວ ວ່າ,ການປະທະກັນດ້ວຍກຳລັງອາວຸດລະຫວ່າງກຳປູເຈຍກັບໄທທີ່ເກີດຂຶ້ນຢູ່ເຂດຊາຍແດນເມື່ອວັນທີ15ຕຸລານັ້ນໄດ້ສິ້ນສຸດລົງແລ້ວ,ຈະບໍ່ເລື່ອນຂັ້ນເປັນການຕ້ານຢັນກັນທາງການທະຫານທີ່ໜັກໜ່ວງກວ່າເກົ່າ.
ທ່ານຮຸນແຊນກ່າວວ່າ,ປະຈຸບັນນີ້,ສະຖານະການເຄັ່ງຕຶງຢູ່ເຂດຊາຍແດນກຳປູເຈຍໄທໄດ້ຜ່ອນຄາຍລົງ,ສອງປະເທດຈະບໍ່ເກີດສົງຄາມຂະໜາດໃຫຍ່,ສະນັ້ນປະຊາຊົນທີ່ຢູ່ເຂດຊາຍແດນບໍ່ຕ້ອງເປັນຫ່ວງ.
ທ່ານຮຸນແຊນຍັງກ່າວວ່າ,ປະຈຸບັນນີ້,ຍັງບໍ່ຕ້ອງການປະເທດອື່ນຫຼືອົງການສາກົນມາໄກ່ເກ່ຍ.ລັດຖະມົນຕີການຕ່າງປະເທດຂອງສອງປະເທດໄດ້ໂທລະສັບລົມກັນ,ຕົກລົງແກ້ໄຂບັນຫາຊາຍແດນດ້ວຍກົນໄກທີ່ມີຢູ່ແລ້ວຂອງສອງປະເທດ.
ຂ່າວ-ບົດທີ່ກ່ຽວຂ້ອງ
ຄຳເຫັນ
