ອົສຕຼາລີກ່າວວ່າຈະຖອນກອງທະຫານຮັກສາສັນຕິພາບສ່ວນໜຶ່ງອອກຈາກຕິມໍເລັສເຕ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ22 ຕຸລານີ້,ທ່ານໂຈວ ຟີສກີບົນ ລັດຖະມົນຕີວ່າການກະຊວງປ້ອງກັນປະເທດອົສຕຼາລີປະກາດວ່າ, ແຕ່ຕົ້ນປີໜ້າເປັນຕົ້ນໄປຈະ ຖອນກອງທະຫານຮັກສາສັນຕິພາບສ່ວນໜຶ່ງທີ່ປະຈຳຢູ່ຕິມໍເລັສເຕກັບຄືນປະເທດ.
ໃນຖະແຫຼງການສະບັບໜຶ່ງ,ທ່ານຟີສກີບົນກ່າວວ່າ,ປະຈຸບັນ,ກອງທະຫານຮັກສາສັນຕິພາບຂອງອົສຕຼາລີ750ຄົນທີ່ປະຈຳຢູ່ຕິມໍເລັສເຕ,ຕົ້ນປີໜ້າຈະຫຼຸດລົງຮອດປະມານ650ຄົນ.ສາເຫດທີທຳການຕົກລົງດັ່ງກ່າວແມ່ນຍ້ອນວ່າຄວາມສາມາດຂອງລັດຖະບານຕິມໍເລັສເຕໃນການຮັບມືກັບສະພາບການຄວາມໝັ້ນຄົງໄດ້ຍົກສູງຂຶ້ນຫຼາຍແລ້ວ.ແຕ່ວ່າໃນຂະນະດຽວກັນ,ທ່ານກໍຊີ້ອອກວ່າ,ກອງທະຫານຮັກສາສັນຕິພາບຂອງອົສຕຼາລີແລະນິວຊີແລນຍັງເສີມຂະຫຍາຍບົດບາດອັນສຳຄັນທີ່ເຮັດໃຫ້ສະຖານະການຕິມໍເລັສເຕມີສະຖຽນລະພາບ.ແຕ່ພາຍໃຕ້ຄວາມຮຽກຮ້ອງຂອງລັດຖະບານຕິມໍເລັສເຕ,ກອງທະຫານຮັກສາສັນຕິພາບຂອງອົສຕຼາລີທີ່ຖອນກັບຄືນປະເທດນັ້ນສາມາດກັບຄືນຕິມໍເລັສເຕຢ່າງວ່ອງໄວ.
