ຝ່າຍຈີນຍິນດີຕັ້ງໜ້າຊຸກຍູ້ການສ້າງຕັ້ງຄັງສຳຮອງເງິນຕາຕ່າງປະເທດພາຍໃຕ້ຂອບ"10+3"
-----------------------------------------------------------------------------------------------------------------
ຕາມຂ່າວcri:ວັນທີ23 ຕຸລານີ້,ໃນງານຖະແຫຼງຂ່າວທີ່ຈັດຂຶ້ນເປັນປະຈຳ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນຍິນດີຕັ້ງໜ້າຊຸກຍູ້ການສ້າງຕັ້ງຄັງສຳຮອງເງິນຕາຕ່າງປະເທດພາຍໃຕ້ຂອບ" 10+3"ຄື10ປະເທດອາຊຽນກັບຈີນຍີ່ປຸ່ນແລະສ.ເກົາຫຼີ.
ທ່ານຊິນກ່າງກ່າວວ່າ,ການສ້າງຕັ້ງຄັງສຳຮອງເງິນຕາຕ່າງປະເທດພາຍໃຕ້ຂອບ"10+3"ແມ່ນບາດກ້າວຕົວຈິງຂອງ"ສັນຍາຊຽງໄໝ່"ຫຼາຍຝ່າຍ,ບັນດາຝ່າຍກ່ຽວຂ້ອງໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບເລື່ອງນີ້,ຝ່າຍຈີນຖືທ່າທີອັງຕັ້ງໜ້າຕໍ່ເລື່ອງນີ້,ຍິນດີສືບຕໍ່ຫາລືກັບບັນດາຝ່າຍທີ່ກ່ຽວຂ້ອງ.
ຕາມໄດ້ຊາບ,ຈຸດປະສົງຕົ້ນຕໍຂອງການສ້າງຕັ້ງຄັງສຳຮອງເງິນຕາຕ່າງປະເທດແມ່ນເພື່ອຊ່ອຍເຫຼືອບາງປະເທດຜ່ານຜ່າຄວາມຫຍຸ້ງຍາກພາຍໃຕ້ສະພາບທີ່ ທະນາຄານສາກົນປະກົດມີການປັ່ນປ່ວນ,ການຈໍລະຈອນເງິນຕາຕ່າງປະເທດມີຄວາມຫຍຸ້ງຍາກ.
