ຜູ່ນຳໄທແລະກຳປູເຈຍເຫັນດີຫຼີກເວັ້ນການປະເຊີນໜ້າກັນທາງການທະຫານຕໍ່ໄປ
-----------------------------------------------------------------------------------------------------------------
ຕາມຂ່າວcri:ວັນທີ24 ຕຸລານີ້,ທ່ານສົມພົງ ອະມອນວິວັດ ລັດຖະມົນຕີວ່າການກະຊວງການຕ່າງປະເທດໄທເຜີຍໃຫ້ຮູ້ວ່າ,ມື້ດຽວກັນ,ທ່ານສົມຊາຍ ວົງສະຫວັດ ນາຍົກລັດຖະມົນຕີໄທແລະທ່ານຮຸນເຊັນ ນາຍົກລັດຖະມົນຕີກຳປູເຈຍທີ່ພວມເຂົ້າຮ່ວມກອງປະຊຸມສຸດຍອດອາຊີເອີລົບຄັ້ງທີ7ຢູ່ປັກກິ່ງໄດ້ຈັດການພົບປະເຈລະຈາຢູ່ປັກກິ່ງ,ເຫັນດີໃຫ້ສອງປະເທດຫຼີກເວັ້ນການປະເຊີນໜ້າກັນທາງການທະຫານຢູ່ຊາຍແດນຕໍ່ໄປ.
ທ່ານສົມພົງກ່າວວ່າ,ຜູ່ນຳຂອງໄທແລະກຳປູເຈຍໄດ້ຫາລືເຫດການຍິງກັນຢູ່ເຂດຊາຍແດນທີ່ເກີດຂຶ້ນຫວ່າງມໍ່ໆນີ້,ບັນຍາກາດການເຈລະຈາແມ່ນມີໄມຕີຈິດຕໍ່ກັນ.ທ່ານກ່າວວ່າ,ຜູ່ນຳຂອງໄທແລະກຳບູເຈຍລ້ວນແຕ່ສະເໜີວ່າ,ກອງທະຫານສອງຝ່າຍຈະບໍ່ປະເຊີນໜ້າກັນທາງການທະຫານຕໍ່ໄປ.ທ່ານຮໍ ນາມ ຮົງ ລັດຖະມົນຕີວ່າການກະຊວງການຕ່າງປະເທດແລະການຮ່ວມມືສາກົນຂອງກຳປູເຈຍກ່າວວ່າ,ການເຈລະຈາຂອງຜູ່ນຳເທື່ອນີ້ບໍ່ພຽງແຕ່ໄດ້ຜ່ອນຄາຍຄວາມເຄັ່ງຕຶງຢູ່ເຂດຊາຍແດນທໍ່ນັ້ນ,ຍັງເພີ່ມທະວີການພົວພັນແລະການຮ່ວມມືລະຫວ່າງສອງປະເທດນຳອີກ.
