ນາ ຍົກກາຊັກສະ ຖານຕ້ອນ ຮັບການສຳ ພາດ ຂອງສື່ມວນຊົນ
-----------------------------------------------------------------------------------------------------------------
ກ່ອນທ່ານເວີ່ນເຈ່ຍປາວ ນາຍົກລັດຖະມົນຕີຈີນໄປຢ້ຽມຢາມກາຊັກສະຖານຢ່າງເປັນທາງການແລະເຂົ້າຮ່ວມກອງປະຊຸມນາຍົກ ລັດຖະມົນ ຕີຈີນຄັ້ງທີ 7 ຂອງປະເທດສະມາຊິກອົງການຮ່ວມມືຊຽງໄຮ້ທີ່ຈັດຂຶ້ນຢູ່ເມືອງອາສທານາ ນະຄອນຫຼວງກາຊັກສະຖານ. ທ່ານຄາຣິມ ມາຊີມົຟ ນາຍົກລັດຖະມົນຕີກາຊັກສະຖານໄດ້ຕ້ອນຮັບການສຳພາດຂອງສື່ມວນຊົນຈີນ ເຊິ່ງລວມທັງCRI.
ທ່ານໄດ້ຕອບຄຳຖາມຂອງນັກຂ່າວກ່ຽວກັບບັນຫາການພົວພັນຈີນກັບກາຊັກສະຖານແລະການພັດທະນາຂອງອົງການຮ່ວມມືຊຽງໄຮ້ໃນເວລາເວົ້າເຖິງການພົວພັນກາຊັກສະຖານກັບຈີນ. ທ່ານກ່າວວ່າ, ປະຈຸບັນ, ການພົວພັນກາຊັກສະຖານຈີນພວມຢູ່ໃນລະດັບຂະຫຍາຍຕົວທີ່ສູງຫຼາຍ, ຈີນມີຄວາມຫມາຍຍຸດທະສາດສຳຄັນໃນການພົວພັນຕ່າງປະເທດຂອງກາຊັກສະຖານ."ທ່ານນາຈາບາເຢັຟ ປະທານາທິບໍດີກາຊັກສະຖານໄດ້ຊີ້ອອກຢ່າງຈະແຈ້ງວ່າ,ຈີນແມ່ນຄູ່ຍຸດທະສາດຂອງກາຊັກສະຖານ,ຈີນມີຄວາມໝາຍຍຸດທະສາດໃນນະໂຍ ບາຍການຕ່າງປະເທດຂອງກາຊັກສະຖານ.ສອງປະເທດພວກຂ້າພະເຈົ້າມີທັດສະ ນະເປັນເອກະສັນກັນກ່ຽວກັບບັນຫາສາກົນອັນສຳຄັນ,ຫວັງໃຫ້ການພົວພັນລະ ຫວ່າງຈີນກັບກາຊັກສະຖານຈົ່ງສືບຕໍ່ຮັກສາທ່ວງທ່າຂະຫຍາຍຕົວໃນລະດັບສູງ."ທ່ານມາຊີມົຟກ່າວວ່າ,ທ່ານນາຍົກເວີ່ນເຈ່ຍປາວຢ້ຽມຢາມກາຊັກສະຖານຈະກາຍເປັນຫຼັກໝາຍທາງແຫ່ງການລົງເລິກການຮ່ວມມືລະຫວ່າງສອງປະເທດຕື່ມອີກ.ທ່ານກ່າວວ່າ,ກາຊັກສະຖານຄອງຄອຍຢ່າງຈູບຈ້າວຕໍ່ການຢ້ຽມຢາມຂອງທ່ານນາຍົກເວີ່ນເຈ່ຍປາວ,ການຢ້ຽມຢາມເທື່ອນີ້ຈະແມ່ນການຢ້ຽມຢາມທີ່ມີເນື້ອໃນອຸດົມສົມບູນ,ແລະຈະຊຸກຍູ້ໃຫ້ການຮ່ວມມືລະຫວ່າງສອງປະເທດເລິກເຊິ່ງກວ່າເກົ່າ ຢ່າງຮອບດ້ານ.
ໃນຫົກເດືອນຕົ້ນປີນີ້,ມູນຄ່າການຄ້າລະຫວ່າງຈີນກັບກາຊັກສະຖານບັນລຸເຖິງ10ຕື້ໂດລາ,ໃນທ້າຍປີນີ້,ອາດຈະບັນລຸເປົ້າໝາຍທີ່ປະມຸກລັດສອງປະເທດວາງອອກນັ້ນກ່ອນເວລາກຳນົດຄືເຮັດໃຫ້ມູນຄ່າການຄ້າລະຫວ່າງສອງຝ່າຍບັນລຸຮອດ20ຕື້ໂດລາ.ທ່ານອາຊີມົຟກ່າວວ່າ,ກາຊັກສະຖານກັບຈີນຄວນເພີ່ມຄວາມແຮງໃນການຮ່ວມມືດ້ານເສດຖະກິດຕື່ມອີກ.ທ່ານກ່າວວ່າ
"ອົງປະກອບເສດຖະກິດຂອງຈີນແລະກາຊັກສະຖານມີລັກສະນະຕາມຈູນກັນ,ສອງຝ່າຍມີກຳລັງບົ່ມຊ້ອນຢ່າງໃຫຍ່ຫຼວງໃນຂົງເຂດເສດຖະກິດ.ພວກເຮົາຄວນຍົກສູງມູນຄ່າການຄ້າສອງຝ່າຍ,ເສີມສ້າງພື້ນຖານໂຄງລ່າງຢູ່ເຂດຊາຍແດນເພື່ອຍົກສູງຄວາມສາມາດຜ່ານດ່ານດ້ານການຄ້າ.ຝ່າຍກາຊັກສະຖານບໍ່ພຽງແຕ່ດຶງດູດຈີນໄປລົງທຶນຢູ່ກາຊັກສະຖານເທົ່ານັ້ນ,ແລະກໍ່ຫວັງໃຫ້ວິສາຫະກິດກາຊັກສະຖານໄປລົງທຶນຢູ່ຈີນ,ຂ້າພະເຈົ້າເຫັນວ່າ,ໃນດ້ານນີ້, ສອງຝ່າຍພວກເຮົາ ມີກຳລັງບົ່ມຊ້ອນອັນໃຫຍ່ຫຼວງໃນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ."
ທ່ານນາຍົກລັດຖະມົນຕີ ຄາຣິມ ມາຊີມົຟຍັງບອກວ່າ, ໃນດ້ານຮັບມືກັບວິກິດການການເງິນທົ່ວໂລກ, ກາຊັກສະຖານໄດ້ຖອດຖອນເອົາບົດຮຽນຂອງຈີນທີ່ໄດ້ສະສົມໃນ 20 30 ປີມານີ້. ທ່ານເຫັນວ່າ, ການເພີ່ມທະວີການຮ່ວມມືລະຫວ່າງສອງຝ່າຍນັ້ນມີຜົນດີຕໍ່ການຮັບມືກັບວິກິດການການເງິນທີ່ແຜ່ລາມໃນທົ່ວໂລກໃນປະຈຸບັນ. ທ່ານກ່າວວ່າ:
ພວກເຮົາເຫັນວ່າ, ປະຈຸບັນ, ວິກິດການການເງິນທົ່ວໂລກຍ້ອນວິກິດການເງິນກູ້ສິນເຊື່ອຂອງອາເມລິກາແມ່ນວິກິດການການເງິນທີ່ຮ້າຍແຮງກວ່າຫມູ່ໃນ 30 ປີຜ່ານມາ. ວິກິດການດັ່ງກ່າວຈະເກີດມີຜົນສະທ້ອນຢ່າງຍາວນານຕໍ່ປະເທດຕ່າງໆໃນໂລກທີ່ຕົກຢູ່ໃນຂະບວນການໂລກາວິວັດ. ຢູ່ຕໍ່ຫນ້າວິກິດການຂະຫນາດນີ້, ປະເທດໃດລ້ວນແຕ່ເອົາຕົວລອດບໍ່ໄດ້. ພາຍໃຕ້ສະພາບດັ່ງກ່າວ, ການປະສານງານລະຫວ່າງສອງຝ່າຍຈະເສີມຂະຫຍາຍບົດບາດໃຫຍ່ກວ່າເກົ່າໃນການຜ່ານຜ່າວິກິດການ, ຕົວຢ່າງຄື: ການພົວພັນລະຫວ່າງກາຊັກສະຖານກັບຈີນ.
ໃນຕອນທ້າຍ, ທ່ານນາຍົກລັດຖະມົນຕີ ຄາລິມ ມາຊີມົຟໄດ້ສະແດງຄວາມອວຍພອນດ້ວຍພາສາຈີນຕໍ່ປະເທດແລະປະຊາຊົນຈີນ. ທ່ານກ່າວວ່າ:ຂ້າພະເຈົ້າອວຍພອນໃຫ້ປະຊາຊົນຈີນຈົ່ງພັດທະນາ ມີມິດຕະພາບແລະສັນຕິພາບ!
