ຈີນຫວັງ ສືບຕໍ່ເພີ່ມ ທະ ວີການຮ່ວມມືກັບສິງ ກະໂປເພື່ອ ບັນ ລຸ ການ ພັດ ທະ ນາພ້ອມກັນ
-----------------------------------------------------------------------------------------------------------------
ຕາມຂ່າວCRI: ວັນທີ 27 ຕຸລານີ້, ໃນເວລາທ່ານອູປາງກົວ ປະທານຄະນະປະຈຳສະພາປະຊາຊົນແຫ່ງຊາດຈີນພົບປະກັບທ່ານລີກວນຢູ ລັດຖະມົນຕີທີ່ປຶກສາຂອງລັດຖະບານສິງກະໂປຢູ່ທີ່ປັກກິ່ງນັ້ນ, ທ່ານກ່າວວ່າ, ຈີນຫວັງເພີ່ມທະວີການຮ່ວມມືກັບສິງກະໂປເພື່ອບັນລຸການພັດທະນາພ້ອມກັນ
ທ່ານອູປາງກົວກ່າວວ່າ, ຍ້ອນຜູ່ນຳທັງສອງປະເທດໄດ້ບຳລຸງ ສ້າງຢ່າງພຽນໃຈແລະປະຊາຊົນສອງຊາດພ້ອມກັນທຳຄວາມພະຍາຍາມ, ການພົວພັນຈີນສິງກະໂປໄດ້ຮັກສາທ່ວງທ່າພັດທະນາຢ່າງດີງາມຕະຫຼອດມາ, ການໄປມາຫາສູ່ກັນໃນລະດັບຕ່າງໆນັບມື້ນັບດຳເນີນເລື້ອຍໆ, ຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ, ຂະຫນາດການຮ່ວມມືດ້ານເສດຖະກິດການຄ້າເປີດກວ້າງຢ່າງບໍ່ຂາດສາຍ, ສັນຍາການຄ້າເສລີທີ່ສອງຝ່າຍເຊັນໃນຫວ່າງມໍ່ໆນີ້ໄດ້ເພີ່ມພະລັງຊີວິດໃຫມ່ເຂົ້າໃນການລົງເລິກການຮ່ວມມືລະຫວ່າງສອງຝ່າຍຢ່າງຕິດແທດຕົວຈິງ.
ທ່ານລີ ກວນຢູ ກ່າວວ່າ, ສິງກະໂປຍ້ອງຍໍນະໂຍບາຍພາຍໃນແລະຕໍ່ຕ່າງປະເທດຂອງຈີນ, ການພັດທະນາຂອງຈີນມີຜົນດີຕໍ່ສັນຕິພາບແລະການພັດທະນາຂອງສິງກະໂປ ອາຊີອາຄະເນແລະຂອງໂລກ.
