ລັດ​ຖະ​ບານ​ໄທ​​ທົດ​ແທນ​ຕໍ່​ຜູ່​ປະ​ສົບ​ເຄາະ​ຮ້າຍ​ໃນ​ເຫດ​ການ​ປະ​ທະ​ກັນ​ແບບ​ນອງ​ເລືອດ​ທີ່​ເກີດ​ຂຶ້ນ​ຢູ່​ບາງ​ກອກ

ຕາມ​ຂ່າວCRI:  ວັນ​ທີ 28 ຕຸລາ​ນີ້, ກອງ​ປະຊຸມ​ລັດຖະບານຂອງ​ໄທ​ໄດ້​ຕົກລົງ​ໃຊ້​ງົບປະມານ​​ປະມານ 56 ລ້ານບາດເຂົ້າ​ໃນ​ການທົດ​ແທນຕໍ່​ຜູ່​ປະສົບ​ເຄາະ​ຮ້າຍ​ໃນ​ເຫດການ​ປະ​ທະ​ກັນ​ແບບ​ນອງ ເລືອດທີ່​ເກີດ​ຂຶ້ນ​ຢູ່​ບາງກອກ​ໃນ​ວັນ​ທີ 7 ຕຸລາ​ນີ້.

ຂ່າວ​ຈາກ​ສຳນັກງານນາຍົກລັດຖະມົນຕີ​ຂອງໄທ​ໄດ້​ລາຍ​ງານ​ວ່າ, ມາດຖານ​ທົດ​ແທນ​ເທື່ອ​ນີ້​ແມ່ນ:  ຜູ່​ເສຍ​ຊີວິດ 4 ​ແສນ​ບາດ  ຜູ່​ບາດ​ເຈັບຫນັກ 2 ​ແສນ​ບາດ ​ແລະ​ຜູ່​ບາດ​ເຈັບ​ເບົາ 2 ​ ຫມື່ນ​ບາດ.  ນອກ​ນີ້, ລູກ​ຂອງ​ຜູ່​ເສ​ຍຊີວິດ​​ຈະ​ໄດ້​ຮັບ​ເງິນ​ອຸດ​ຫນູນ​ດ້ານ​ການ​ສຶກສາ 1000 ຫາ 1500 ບາດ​ຕໍ່ເດືອນ, ​ຈົນຮອດ​​ເວລາ​ທີ່​ເຂົາ​ເຈົ້າຮຽນ​ຈົບ​ຈາກມະຫາວິທະຍາ​ໄລ.  ລູກ​ຂອງ​ຄົນ​ພິການທີ່​ໄດ້​ຮັບ​ຜົນ​ກະທົບ​ຈາກ​ເຫດການ​ດັ່ງກ່າວ​ກໍ​ຈະ​ໄດ້​ຮັບ​ເງິນ​ອຸດ​ຫນູນ​ສ່ວນ​ຫນຶ່ງ​ທຸກ​ເດືອນ.  ຕາມ​ການ​ກຳນົດ, ວຽກ​ງານ​ທົດ​ແທນ​ທັງ​ຫມົດ​ຈະ​ສຳ​ເລັດ​ພາຍ​ໃນ 90 ວັນ.