ປາກີສະຖານເກີດແຜ່ນດິນໄຫວເສຍຫາຍສາຫັດ
-----------------------------------------------------------------------------------------------------------------
ຕາມຂ່າວCRI: ວັນທີ 29 ຕຸລານີ້, ແຂວງບາລູຊິສທັນ ພາກຕາເວັນຕົກສຽງໃຕ້ຂອງປາກີສະຖານໄດ້ເກີດແຜ່ນດິນໄຫວຮຸນແຮງຂັ້ນ 6,5 ຣິກເຕີ,ເຮັດໃຫ້ເສຍຫາຍທາງຊີວິດແລະຊັບສິນຢ່າງສາຫັດ ຫຼັງຈາກແຜ່ນດິນໄຫວເກີດຂຶ້ນແລ້ວ,ລັດຖະບານປາກີສະຖານສຸມທຸກກຳລັງເພື່ອກອບກູ້ຢ່າງສຸດແຮງ.
ເວລາ 4 ໂມງ 33 ນາທີຕອນຮຸ່ງເຊົ້າ ວັນທີ29 ຕຸລານີ້, ຄົນທັງຫຼາຍທີ່ຍັງນອນຫຼັບໄດ້ພາກັນສະເດີດຕື່ນ, ແຜ່ນດິນໄຫວຂັ້ນ 5 ຣິກເຕີເກີດຂຶ້ນຢ່າງກະທັນຫັນ. ຫຼັງຈາກນັ້ນ 40 ນາທີ,ແຜ່ນດີນໄຫວໄດ້ສັ່ນສະເທື່ອນແຮງກວ່າເກົ່າຈົນເຖິວຂັ້ນ 6,5 ຣິກເຕີ,ໃຈກາງແຜ່ນດິນໄຫວຢູ່ເຂດພູດອຍທີ່ຢູ່ມໍ່ເຄັກທາ ເທດສະບານແຂວງບາລູຊິສຖານ, ໃນຕົວເມືອງເຄັກທາ ມີຄວາມສະເທືອນຢ່າງຮຸນແຮງ,ເຮືອນຫຼາຍພັນຫຼັງໄດ້ຖືກເພພັງ.
ແຜ່ນດິນໄຫວເຮັດໃຫ້ເມືອງຄັກຕາເສຍຫາຍຢ່າງຫນັກຫນ່ງທາງຊັບສົນບັດມີ.ເຈົ້າຫນ້າທີ່ທ້ອງຖິ່ນກ່າວວ່າ,ໃນເຂດປະສົບໄພ ມີປະຊາກອນປະມານ 4 ຫມື່ນ 6 ພັນຄົນ,ໃນນັ້ນ ຢ່າງຫນ້ອຍມີ 8 ບ້ານຖືກປະສົບໄພຫນັກຫນ່ວງ. ມື້ດຽວກັນ, ທ່ານຟາຣຸກ ອາເມັດ ຄານ ປະທານກົມຄຸ້ມຄອງໄພພິບັດຂອງປາກີສະຖານທີ່ບັນຊາການແລະປະສານງານການກູ້ໄພເທື່ອນີ້ໄດ້ເປີດເຜີຍໃຫ້ວົງການພາຍນອກຮູ້ວ່າ,ໄດ້ຢືນຢັນແລ້ວວ່າມີ 160 ຄົນເສຍຊີວິດໃນແຜ່ນດິນໄຫວເທື່ອນີ້, ມີປະຊາກອນ 1 ຫມື່ນ 5 ພັນຄົນບໍ່ມີບ່ອນອາໃສມີປະມານ 300 ຄົນບາດເຈັບແຕ່ຍ້ອນຍັງມີຫຼາຍຄົນຖືກຝັງຢູ່ໃຕ້ຊາກອາຄານທີ່ສະຫຼັກຫັກພັງ,ການກອບກູ້ໄດ້ສິ້ນສຸດລົງ, ຈຳນວນຜູ່ເສຍຊີວິດຍັງອາດຈະເພີ່ມຫຼາຍຂຶ້ນ.
ສະພາບໄພແຜ່ນດິນໄຫວໄດ້ດຶງດູດຄວາມເອົາໃຈໃສ່ໃນລະດັບສູງຂອງຊັ້ນຜູ້ນຳປາກີສະຖານ.ທ່ານອະຊິຟ ຈາດາຣິ ປະທານາທິບໍດີແລະທ່ານຢູສຸຟຣາຈາ ກິລານີ ນາຍົກລັດຖະມົນຕີປາກີສະຖານທີ່ພວມຢ້ຽມຢາມຕວກກີໄດ້ສະແດງຄວາມໄວ້ອາໄລດ້ວຍຄວາມເສົ້າສະຫຼົດໃຈຢ່າງເລິກເຊິ່ງຕໍ່ຜູ້ເສຍຊີວິດໃນໄພແຜ່ນດິນໄຫວ, ແລະສັ່ງໃຫ້ສະຫະລັດແລະອົງການປົກຄອງທ້ອງຖິ່ນນຳໃຊ້ກຳລັງທັງໝົດເພື່ອກອບກູ້ຜູ້ປະສົບໄພ,ແລະສະໜອງການຊ່ວຍເຫຼືອປິ່ນປົວໃຫ້ຜູ້ເຈັບບາດ.ທ່ານກິລານີຍັງປະກາດວ່າ,ລັດຖະບານຈະເປີກຄ່າທົດແທນ3ແສນຣູປີໃຫ້ແກ່ຄອບຄົວຜູ້ເສຍ ຊີວິດ,ແລະເປີກຄ່າຊົດເຊີຍທົດແທນ1ແສນຣູປີໃຫ້ຜູ້ເຈັບບາດ.
ພາຍຫຼັງເກີດແຜ່ນດິນໄຫວເກີດຂຶ້ນແລ້ວ,ອົງການປົກຄອງແລະອົງການປິ່ນປົວຂອງທ້ອງຖິ່ນໄດ້ເຄື່ອນໄຫວຢ່າງວ່ອງໄວ,ລົງຊ່ວຍເຫຼືອປະຊາຊົນທີ່ປະສົບໄພແຜ່ນດິນໄຫວໃນທັນທີ,ຕັ້ງຕູບຜ້າເຕັ້ນຈຳນວນໜຶ່ງຢູ່ເຂດປະສົບໄພເພື່ອໃຊ້ເປັນໂຮງໝໍຊົ່ວຄາວ,ປິ່ນປົວຜູ່ໄດ້ຮັບບາດເຈັບສາຫັດຢ່າງຮີບດ່ວນ.ນອກນີ້,ຜູ່ບາດເຈັບຈຳນວນໜຶ່ງໄດ້ຖືກສົ່ງໄປປົວຢູ່ໂຮງໝໍໃກ້ຄຽງ.ກອງທະຫານປາກີສະຖານຍັງສົ່ງຍົນເຮລິກົບແຕ12ລຳໄປຊ່ວຍຢູ່ເຂດປະສົບໄພ.ປັດຈຸບັນ,ວຽກງານການກູ້ໄພພວມດຳເນີນໄປຢ່າງຮີບຮ້ອນ.
ສະພາບໄພແຜ່ນດິນໄຫວຂອງປາກີສະຖານໄດ້ພາໃຫ້ປະຊາຄົມໂລກເປັນຫ່ວງແລະເຫັນໃຈ.ພາຍຫຼັງໄພແຜ່ນດິນໄຫວເກີດຂຶ້ນແລ້ວ,ທ່ານຫູຈິນທາວ ປະທານປະເທດຈີນ ທ່ານເວິ່ນເຈ່ຍປາວ ນາຍົກລັດຖະມົນຕີຈີນລ້ວນແຕ່ໄດ້ສົ່ງໂທລະເລກສະແດງຄວາມເຫັນໃຈຕໍ່ລັດຖະບານແລະປາຊາຊົນປາກີສະຖານ,ສະແດງຄວາມເສົ້າສະຫຼົດໃຈຕໍ່ຜູ່ເສຍຊີວິດ. ບາງປະເທດເຊັ່ນອາເມລິກາແລະອົງການຈັດຕັ້ງສາກົນກ່າວວ່າຍິນດີໃຫ້ການຊ່ວຍເຫຼືອແກ່ປາກີສະຖານ.ສິ່ງທີ່ໜ້າກ່າວເຖິງນັ້ນແມ່ນເທື່ອນີ້ ລັດຖະບານອິນເດຍມີຄວາມສະດຸ້ງໄວ,ພາຍຫຼັງແຜ່ນດິນໄຫວເກີດຂຶ້ນບໍ່ດົນກໍ່ປະກາດຈະໃຫ້ຄວາມຊ່ວຍເຫຼືອແກ່ປາກີສະຖານຈົນສຸດຄວາມສາມາດ.
