ກອງປະຊຸມວິສາມັນຂອງສະມັດຊາໃຫຍ່ສະຫະປະຊາຊາດຫາລືການຮັບມືກັບວິກິດການການເງິນ
-----------------------------------------------------------------------------------------------------------------
ຕາມຂ່າວCRI:ວັນທີ30ຕຸລານີ້,ຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ,ສະມັດຊາດໃຫຍ່ສະຫະປະຊາຊາດສະໄໝທີ63ໄດ້ຈັດກອງປະຊຸມວິສາມັນ,ຜູ້ແທນປະເທດຕ່າງໆທີ່ຮ່ວມປະຊຸມພ້ອມກັບນັກເສດຖະສາດຊື່ດັງຂອງໂລກໄດ້ຫາ ລືກ່ຽວກັບການຮັບມືກັບວິກິດການການເງິນໃນປະຈຸບັນແນວໃດ,ໂດຍສະເພາະແມ່ນພິນິດພິຈາລະນາແນວໃດຕໍ່ລະບົບການເງິນທົ່ວໂລກປະຈຸບັນ.ຜູ້ຮ່ວມປະຊຸມເຫັນວ່າ,ຄວນປະຕິຮູບລະບົບການເງິນສາກົນທີ່ປະຕິບັດໃນປະຈຸບັນນີ້.ໃນເວລາກ່າວຄຳປາໄສໃນພິທີໄຂປະຊຸມ,ທ່ານມິເກຣ ເດິ ເອັສໂກໂຕ ບຼອກມັນ ປະທານສະມັດຊາໃຫຍ່ສະຫະປະຊາຊາດສະໄໝນີ້ກ່າວວ່າ,ປະຊາຄົມໂລກຕ້ອງດຳເນີນການປະຕິຮູບຢ່າງເຖິງກົກເຖິງຮາກຕໍ່ລະບົບການເງິນທົ່ວໂລກ,ມີແຕ່ເຮັດແນວນີ້,ຈຶ່ງສາມາດເຮັດໃຫ້ຄວາມໝັ້ນໃຈທີ່ໄດ້ເສຍໄປແລ້ວຍ້ອນວິກິດການການເງິນທົ່ວໂລກນັ້ນຟື້ນຟູຄືນໃໝ່.
ທ່ານເຫັນວ່າ,ປະຊາຄົມໂລກມີໜ້າທີ່ຮັບຜິດຊອບກໍ່ມີໂອກາດມາຫາລືມາດຕະການທີ່ຍາວໄກກວ່າ,ບໍ່ແມ່ນຫາລືແຕ່ການກະທຳໃນໄລຍະສັ້ນທໍ່ນັ້ນ ຄື ເຮັດແນວໃດປົກປ້ອງທະນາຄານຮັກສາຄວາມໝັ້ນທ່ຽງຂອງຕະຫຼາດສິນເຊື່ອແລະຮັບປະກັນການລົງທຶນເປັນຕົ້ນ.ທ່ານບຼອກມັນກ່າວເນັ້ນວ່າ,ລະບົບການເງິນສາກົນທີ່ປະຕິບັດໃນປະຈຸບັນບໍ່ສາ ມາດສ່ອງແສງໃຫ້ເຫັນລັກສະນະທົ່ວໂລກແລະຄວາມອາໄສເຊິ່ງກັນແລະກັນຂອງເສດຖະກິດໂລກໃນປະຈຸບັນ.ຊ່ອງທາງທີ່ສາມາດແກ້ໄຂວິກິດການການເງິນທີ່ທົ່ວໂລກປະເຊີນໜ້າໃນປະຈຸບັນແມ່ນສ້າງຕັ້ງລະບົບໃໝ່ທີ່ປະເທດທັງໝົດເຂົ້າຮ່ວມໄດ້ໂດຍຜ່ານລະບຽບການປະຊາທິປະໄຕ.
ທ່ານໂຈເຊຟ ສະຕິກລິສ ຜູ່ທີ່ໄດ້ຮັບລາງວັນເສດຖະສາດຂອງໂນແບນ ອະດີດຫົວຫນ້ານັກເສດຖະສາດຂອງທະນາຄານໂລກໄດ້ໃຫ້ການສະຫນັບ ສະຫນູນຫຼັກຫມັ້ນຂອງທ່ານບຼອກແມນ. ທ່ານກ່າວເນັ້ນວ່າ, ໃນເວລາຮັບມືກັບວິກິດການການເງິນເທື່ອນີ້, ຕ້ອງໂຄລົບຫຼັກການ 4 ຂໍ້ ຄື: ຮັບປະກັນຍຸດຕິທຳແລະຄວາມສາມັກຄີຂອງສັງຄົມ ຮັບປະກັນຄວາມສາມັກຄີແລະການ ຮ່ວມມືລະຫວ່າງປະຊາຄົມໂລກ ຮັບປະກັນໃຫ້ຮັກສາຄວາມສະຫມ່ຳມສະເຫມີກັນອັນຈຳເປັນລະຫວ່າງລັດຖະບານກັບຕະຫຼາດ ແລະຮັບປະກັນປະຊາທິປະໄຕແລະຄວາມໂປ່ງໃສໃນການວາງລະບຽບການທັງຫມົດ.
ໃນເວລາປະກອບຄຳຄິດຄຳເຫັນ, ທ່ານໂຈເຊຟ ສະຕິກລິສໄດ້ຕິຕຽນການ ກະທຳທີ່ຜິດພາດຂອງອາເມລິກາແລະລັດ ຖະບານຂອງປະເທດຈຳນວນຫນຶ່ງໃນເມື່ອກ່ອນ, ເຫັນວ່າ: ເຂົາເຈົ້າປ່ອຍໃຫ້ທະນາຄານແຜ່ຂະຫຍາຍຢ່າງຫຼັບຫູຫຼັບຕາຕາມລຳພັງ, ຈົນກະທັ້ງຕ້ອງອອກມືຊ່ອຍເຫຼືອແລະບໍ່ສາມາດປ່ອຍໃຫ້ທະນາຄານເຫຼົ່ານີ້ລົ້ມລະລາຍໃນທີ່ສຸດ, ສ່ວນທົ່ວໂລກລ້ວນແຕ່ຕ້ອງຫາບແບກຜົນຮ້າຍຢ້ອນຫຼັງລຽນຕິດທີ່ເກີດຂຶ້ນຍ້ອນຄວາມຜິດພາດດັ່ງກ່າວ.
ທ່ານໂຈເຊຟ ສະຕິກລິສ ກ່າວວ່າ, ປະຈຸບັນ, ຕະຫຼາດຈຳນວນຫນຶ່ງທີ່ຈະເລີນໃຫມ່ໃນໂລກບໍ່ມີການພົວພັນຫຍັງ ກັບ ຄວາມຜິດພາດຂອງວິກິດການບັ້ນນີ້ , ແຕ່ເຂົາເຈົ້າຍັງໄດ້ຖືກກະຫນ່ຳຢ່າງຫຼີກເວັ້ນບໍ່ໄດ້ຄືກັນ, ສະນັ້ນ, ຊ່ອງທາງແກ້ໄຂທີ່ມີລັກສະນະທົ່ວໂລກລ້ວນແຕ່ຄວນພິຈາລະຈາເຖິງປະເທດແລະເຂດແຄວ້ນເຫຼົ່ານີ້. ທ່ານເຫັນວ່າ, ລະບົບການເງິນຂອງທົ່ວໂລກໃນປະຈຸບັນແມ່ນບໍ່ມີຜົນດີຕໍ່ປະເທດພວມພັດທະນາ ໂດຍສະເພາະແມ່ນອົງ ກອນ ເສດຖະ ກິດທີ່ຈະເລີນໃຫມ່ເຫຼົ່ານັ້ນ, ເຂົາເຈົ້າຂາດເຂີນສິດຕັດ ສິນນະໂຍບາຍ ຢ່າງ ພຽງພໍພາຍໃຕ້ສະພາບການໃດຫນຶ່ງ, ສະພາບການດັ່ງກ່າວຄວນໄດ້ຮັບການປ່ຽນແປງອີກ. ທ່ານໂຈເຊຟ ສະຕິກລິສ ສະເຫນີວ່າການຕັດສິນນະໂຍບາຍຂອງພາຍໃນລະບົບການເງິນສາກົນໃນຕໍ່ຫນ້ານີ້ ຕ້ອງສຳເລັດໂດຍ ອົງ ການຈັດຕັ້ງສາກົນທີ່ມີຄວາມຊອບກົດຫມາຍທາງການເມືອງຢ່າງກວ້າງຂວາງກວ່າເກົ່າ, ສ່ວນອົງການນີ້ຄວນມອບສິດປາກເວົ້າອັນພຽງພໍໃຫ້ແກ່ປະເທດທີ່ມີລາຍໄດ້ລະດັບຜ້ານກາງແລະປະເທດດ້ວຍພັດທະນາ, ແລະສະຫະປະຊາຊາດພໍດີແມ່ນອົງການຈັດຕັ້ງສາກົນທີ່ທັງມີລັກສະນະຕົວແທນກວ້າງຂວາງ ທັງມີຄວາມຊອບກົດຫມາຍ.
