ດ່ານ​ພາ​ສີ​ເຮີ​ໂຂ​ເລົ່າ​ກ່າຍ​ຈີນ​ຫວຽດ​ນາມ​ເກາະ​ແຂ​ນກັນ​ຊຸກ​ຍູ້ "ການ​ກວດ​ກາ​ຢູ່​ດ່ານ​ດຽວ"

ຕາມ​ຂ່າວສານ​ຊິ່ນ​ຮວາ: ຫວ່າງ​ມໍ່ໆນີ້, ພະນັກງານ 7 ຄົນ​ຂອງ​ດ່ານ​ພາສີ​ເລົ່າກ່າຍ​ຫວຽດນາມ​ໄປ​ຮອດ​ດ່ານ​ພາສີ​ເຮີ​ໂຂ​ທີ່​ຂຶ້ນ​ກັບ​ດ່ານ​ພາສີ​ຂອງ​ນະຄອນ​ຄຸນມິງ​ຈີນ, ສຳຫຼວດ​ລະບຽບ​ເຮັດ​ວຽກ, ວິທີ​ຕິດຕາມ​ຄຸ້ມ​ຄອງ, ການ​ຄຸ້ມ​ຄອງ​ຄວາມສ່ຽງ, ການ​ສ້າງສາ​ໃຫ້​ຫັນ​ເປັນ​ຂໍ້​ມູນ​ຂ່າວສານ​ແລະ​ມາດ​ຕະການ​ໃນ​ດ້ານ​ຊຸກ​ຍູ້​ໃຫ້ການ​ຄ້າ​ສະດວກ​ຂຶ້ນ, ຮ່ວມ​ກັນ​ຄົ້ນຄວ້າ​ແລະ​ຊຸກ​ຍູ້ "ການ​ກວດກາຢູ່​ດ່ານດຽວ".

ໃນ​ເວລາ​ໄປ​ເອົາ​ຂ່າວ​ຢູ່​ດ່ານ​ພາສີ​ເຮີ​ໂຂ, ນັກ​ຂ່າວ​ໄດ້​ຊາບ​ວ່າ, ​ໃນ​ໜຶ່ງ​ອາທິດ​ທີ່​ເລີ່ມ​ແຕ່ວັນ​ທີ 27 ຕຸລາ​ນີ້, ​ພະນັກງານ​ດ່ານ​ພາສີ​ເລົ່າ​ກ່າຍ​ຫວຽດ​ນາມ​ຈະ​ໄປ​ແຫ່ງ​ຕ່າງໆ​ຂອງ​ດ່ານ​ພາສີ​ເຮີ​ໂຂ, ​ເຊັ່ນ: ບ່ອນ​ກວດກາ​ນັກ​ທ່ອງທ່ຽວ, ການ​ເຂົ້າ​ອອກ​ດ່ານ, ການ​ຕິດ​ຕາມ​ຄຸ້ມ​ຄອງ​ການ​ຂົນ​ສົ່ງ​ສິນ​ຄ້າ​ທາງ​ຫຼວງ, ການ​ຕິດຕາມ​ຄຸ້ມ​ຄອງການ​ຂົນ​ສົ່ງ​ສິນຄ້າ​ທາງ​ລົດ​ໄຟ​ແລະ​ການ​ຕິດຕາມ​ຄຸ້ມ​ຄອງ​ຕະ​ຫຼາດ​ຊື້​ຂາຍ​ຂອງ​ປະ​ຊາ​ຊົນ​ເຂດ​ຊາຍ​ແດນ​ເປັນ​ຕົ້ນ,​ແລະ​ແລກປ່ຽນ​ຫາລື​ກັບ​ພະນັກງານ​ດ່ານ​ພາສີ​ເຮີ​ໂຂ.

ປະຈຸ​ບັນ, ດ່ານ​ພາສີ​ຈີນ​ພວມຮ່ວມ​ມື​ກັບ​ດ່ານ​ພາສີ​ຫວຽດ​ນາມ, ຍາດ​ແຍ່ງ​ສ້າງ​ໂຄງການ​ຕົວຢ່າງ "ການ​ກວດກາຢູ່​ດ່ານ​ດຽວ​ລະຫວ່າງ​ເຮີ​ໂຂ​ກັບ​ເລົ່າກ່າຍ"​ໃຫ້​ສຳ​ເລັດໂດຍ​ໄວ.