ທ່ານມູອຳມາ ກັດດາຟີຢ້ຽມຢາມຣັດເຊຍໄດ້ຮັບໝາກຜົນອັນຕັ້ງໜ້າ
-----------------------------------------------------------------------------------------------------------------
ຕາມຂ່າວcri:ວັນທີ2 ຕຸລານີ້,ທ່ານມູອຳມາກັດດາຟີ ຜູ່ນຳຂອງລີບີໄດ້ສິ້ນສຸດການຢ້ຽມຢາມຣັດເຊຍເປັນເວລາ3ມືແລະອອກເດີນທາງຈາກມົສກູ.ຈຸດປະສົງຕົ້ນຕໍຂອງການຢ້ຽມຢາມຂອງທ່າກັດດາຟີເທື່ອນີ້ແມ່ນຊຸກຍູ້ການຮ່ວມມືທາງເສດຖະກິດແລະການທະຫານລະຫວ່າງສອງປະເທດ,ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຕື່ມອີກ,ການຢ້ຽມຢາມໄດ້ຮັບຜົນສຳເລັດອັນຕັ້ງໜ້າ.
ໃນໄລຍະຢ້ຽມຢາມຣັດເຊຍ,ທ່ານກັດດາຟີໄດ້ຈັດການພົບປະເຈລະຈາອັນເປັນທາງການກັບທ່ານດມີຕຼີ ເມດເວເດຟ ປະທານາທິບໍດີຣັດເຊຍຢູ່ວັງແກຼມແລັງ,ສອງຝ່າຍໄດ້ຫາລືກັນກ່ຽວກັບການເພີ່ມທະວີການຮ່ວມມືທາງເສດຖະກິດລະຫວ່າງສອງປະເທດ,ໂດຍສະເພາະແມ່ນການຮ່ວມມືໃນຂົງເຂດນຳມັນເຊື້ອໄຟແລະອາຍແກັສທຳມະຊາດພ້ອມທັງເປີດກວ້າງການຮ່ວມມືໃນດ້ານການທະການລະຫວ່າງສອງປະເທດແລະບັນຫາອື່ນໆ.ຜູ່ນຳສອງປະເທດຍັງໄດ້ແລກປ່ຽນຄວາມເຫັນກ່ຽວກັບບັນຫາສຳຄັນທາງສາກົນແລະພາກພື້ນ.ທ່ານເມດເວເດຟກ່າວວ່າ,ປັດຈຸບັນ,ການພົວພັນລະຫວ່າງຣັດເຊຍກັບລີບີຂະຫຍາຍຕົວເປັນຢ່າງດີ.ທ່ານເຊື່ອວ່າ,ການພົບປະເຈລະຈາກັບທ່ານກັດດາຟີເທື່ອນີ້ຈະເພີ່ມພະລັງແຮງໃໝ່ໃຫ້ການພົວພັນໄມຕີຈິດມິດຕະພາບລະຫວ່າງຣັດເຊຍກັບລີບີ.ໃນການເຈລະຈາ,ທ່ານກັດດາຟີກ່າວວ່າ,ພາຍໃຕ້ສະພາບປັດຈຸບັນ,ລີບີກັບຣັດເຊຍເພີ່ມທະວີການຮ່ວມມືໃນຂົງເຂດນ້ຳມັນເຊື້ອໄຟແລະອາຍແກສທຳມະຊາດຮີບດ່ວນເປັນເລື່ອງເປັນພິເສດ,ໂດຍສະເພາະແມ່ນຫຼັກໝັ້ນຮ່ວມກັນໃນດ້ານນະໂຍບາຍນ້ຳມັນເຊື້ອໄຟແລະອາຍແກັສທຳມະຊາດ,ຈະເຮັດໃຫ້ຣັດເຊຍກັບລີບີຮ່ວມມືກັນໃຫ້ຊິດກວ່າເກົ່າ.
ນັກວິເຄາະເຫັນວ່າ,ເຖິງວ່າທ່ານວະລາດີເມຍ ປູຕິນ ນາຍົກລັດຖະມົນຕີຣັດເຊຍບໍ່ໄດ້ພົບປະເຈລະຈາທາງການກັບທ່ານກັດດາຟີກໍຕາມ,ແຕ່ຍັງເປັນເພື່ອທ່ານກັດດາເຂົ້າຮ່ວມງານສະແດງດົນຕີທີ່ຈັດຂຶ້ນຢູ່ຫໍປະຊຸມວັງແກຼມແລງຟີໃນຕອນຄ່ຳວັນທີ1 ພະຈິກນີ້.ໃນເວລາພັກຜ່ອນ,ທ່ານປູຕິນໄດ້ພ້ອມກັນກັບທ່ານກັດດາຟີໄດ້ພົບປະນາງມີເຣ ມາຕີ ນັກຮ້ອງຝັຼງລ່າງທີ່ສະແດງໃນທ່າມກາງງານດົນຕີໃນບັນຍາກາດກັນເອງ.ນີ້ໄດ້ສະແດງໃຫ້ເຫັນບັນຍາກາດໄມຕີຈິດແລະຄວາມໃກ້ຊິດຂອງການພົວພັນລະຫວ່າງສອງປະເທດໃນການຢ້ຽມຢາມຂອງທ່ານກັດດາຟີເທື່ອນີ້.
ແຕ່ປີນີ້ເປັນຕົ້ນມາ,ຜູ້ນຳຊັ້ນສູງຂອງລີບີກັບຣັດເຊຍໄດ້ໄປມາຢ້ຽມຢາມເຊິ່ງກັນແລະກັນເລື້ອຍໆ,ການພົວພັນສອງຝ່າຍນັບມື້ນັບດີຂຶ້ນ.ເດືອນເມສາປີນີ້,ທ່ານປູຕິນໄດ້ໄປຢ້ຽມຢາມລີບີກ່ອນພົ້ນຕຳແໜ່ງປະທານາທິບໍດີ,ທ່ານແມ່ນປະທານາທິບໍດີລັດເຊຍຜູ່ທຳອິດທີ່ໄປຢ້ຽມຢາມລີບີ,ສອງປະເທດໄດ້ເຊັນສັນຍາຮ່ວມມືຫຼາຍສະບັບ.ເດືອນກໍລະກົດປີນີ້,ທ່ານ ບາກດາດີ ອາລີ ມາມູດີ ເລຂາທິການໃຫຍ່ຄະນະກຳມະການປະຊາຊົນລີບີຢ້ຽມຢາມຣັດເຊຍ,ແລະພົບປະເຈລະຈາກັບທ່ານປູຕິນກ່ຽວກັບການຮ່ວມມືໃນຂົງເຂດນ້ຳມັນເຊື້ອໄຟແລະອາຍແກສ,ເນື້ອໃນຮ່ວມມືກ່ຽວພັນກັບການສຳຫຼວດຊັບພະຍາກອນ,ບຸກເບີກແລະປຸງແຕ່ງນ້ຳມັນເຊື້ອໄຟເປັນຕົ້ນ.ເດືອນຕຸລາປີນີ້,ກຳປັ່ນຂອງກອງທັບທະຫານເຮືອຣັດເຊຍຢ້ຽມຢາມລີບີ,ການຮ່ວມມືແລະແລກປ່ຽນທາງການທະຫານລະຫວ່າງສອງປະເທດໄດ້ເພີ່ທະວີຂຶ້ນຕື່ມອີກ.
ນັກວິເຄາະເຫັນວ່າ,ທ່ານກັດດາຟີຢ້ຽມຢາມຣັດເຊຍໄດ້ຮັບໝາກຜົນໃນດ້ານປະສານງານຕື່ມອີກພະຍາຍາມຈັດຕັ້ງປະຕິບັດສັນຍາຕ່າງໆທີ່ສອງປະເທດເຊັນກັນແຕ່ເດືອນເມສາປີນີ້ເປັນຕົ້ນມາ,ໄດ້ເພີ່ມທະວີການພົວພັນລະຫວ່າງສອງຝ່າຍແລະການຮ່ວມມືທາງເສດຖະກິດການທະຫານ,ບັນລຸເປົ້າໝາຍຕາມຄາດໝາຍ.ຄາດວ່າການພົວພັນລະຫວ່າງຣັດເຊຍກັບລີບີຈະໄດ້ຮັບການເພີ່ມທະວີຕື່ມອີກ.
