ກອງປະຊຸມລັດຖະມົນຕີການເງິນເຂດໃຊ້ເງິນເອີໂຣຫາລືຮັບມືກັບວິກິດການເສດຖະກິດ
-----------------------------------------------------------------------------------------------------------------
ຕາມຂ່າວCRI, ວັນທີ3ພະຈິກນີ້, ຢູ່ບຣຸກແຊນ, ລັດຖະມົນຕີການເງິນຂອງ15ປະເທດເຂດເງິນເອີໂຣໄດ້ເລີ່ມຈັດກອງປະຊຸມທີ່ດຳເນີນ2ວັນ. ມື້ດຽວກັນ, ບົດລາຍງານຄາດຄະເນເສດຖະກິດລະດູໃບໄມ້ຫຼົ່ນຂອງຄະນະກຳມາທິການສະຫະພາບເອີລົບຂຽນວ່າ, ຫຼັງຈາກໄຕມາດທີ2ປີນີ້ມູນຄ່າເຕີບໂຕດ້ານເສດຖະກິດຫຼຸດລົງໜ້ອຍກວ່າໄຕມາດທີໜຶ່ງເປັນຄັ້ງທຳອິດແລ້ວ, ໃນໄຕມາດທີ3ແລະໄຕມາດທີ4, ເສດຖະກິດຂອງ15ປະເທດເຂດໃຊ້ເງິນເອີໂຣຕ່າງໄດ້ຫຼຸດລົງອີກ, ເສດຖະກິດຂອງເຂດໃຊ້ເງິນເອີໂຣຈະເຂົ້າສູ່ໄລຍະຊຸດໂຊມ. ບຸກຄົນວິເຄາະເຫັນວ່າ, ກອງປະຊຸມລັດຖະມົນຕີການເງິນຂອງເຂດໃຊ້ເງິນເອີໂຣຄັ້ງນີ້ຈະເຈາະຈົງຫາລືບັນຫາເສດຖະກິດຂອງສະຫະພາບເອີລົບແລະເຮັດແນວໃດໃຊ້ການເຄື່ອນໄຫວເປັນເອກະພາບກັນເພື່ອຜ່ອນຄາຍວິກິດການເສດຖະກິດໃນປະຈຸບັນ.
ບົດລາຍງານຄາດຄະເນເສດຖະກິດລະດູໃບໄມ້ຫຼົ່ນຂອງຄະນະກຳມາທິການສະຫະພາບເອີລົບຊີ້ອອກວ່າ, ໃນສາມໄຕມາດທຳອິດປີນີ້, GDPຂອງເຂດໃຊ້ເງິນເອີໂຣປະກົດມີທ່າອ່ຽງຫຼຸດໜ້ອຍລົງຢ່າງຕໍ່ເນື່ອງ, ຄາດວ່າປີ2009ອັດຕາເຕີບໂຕດ້ານເສດຖະກິດຂອງເຂດໃຊ້ເງິນເອີໂຣຈະມີແຕ່0,1%ເທົ່ານັ້ນ, ຮອດ2010ຄາດວ່າຈະສູງຂຶ້ນຄືນໃໝ່ໃນຈັງຫວະຕ່ຳ. ໃນບົດລາຍງານດັ່ງກ່າວ, ຄະນະກຳມາທິການສະຫະພາບເອີລົບຍັງໄດ້ປັບອັດຕາເຕີບໂຕດ້ານເສດຖະກິດຂອງເຂດໃຊ້ເງິນເອີໂຣແລະທົ່ວສະຫະພາບເອີລົບໃຫ້ຕ່ຳລົງ. ບົດລາຍງານຍັງຄາດຄະເນວ່າ, ເສດຖະກິດຂອງເຢຍລະມັນ ຝຣັ່ງແລະອີຕາລີທີ່ເປັນປະເທດໃຫຍ່ດ້ານເສດຖະກິດໃນເຂດໃຊ້ເງິນເອີໂຣຈະບໍ່ມີການເຕີບໂຕ, ແອສະປາຍຈະຕ່ຳລົງ. ເສດຖະກິດຂອງອັງກິດທີ່ບໍ່ຢູ່ໃນເຂດໃຊ້ເງິນເອີໂຣກໍ່ຈະຕ່ຳລົງເຊັ່ນກັນ.
ວັນທີ3 ພະຈິກນີ້,ທ່ານຮົວກິນ ອາມູເນຍ ກຳມະການທີ່ຮັບຜິດຊອບວຽກງານເສດຖະກິດແລະເງິນຕາຂອງຄະນະກຳມະການສະຫະພາບເອີລົບກ່າວວ່າ,ຍ້ອນຖືກຜົນກະທົບຈາກວິກິດການການເງິນທົ່ວໂລກ,ພາບອະນາຄົດຂອງເສດຖະກິດສະຫະພາບເອີລົບຍັງມືດມົນ.ທ່ານເຫັນວ່າ,ໃນຫຼາຍປະເທດສະມາຊິກສະຫະພາບເອີລົບ,ວິກິດການການເງິນພວມເພີ່ມຄວາມຮ້າຍແຮງທີ່ເສຍຄວາມດຸ່ນດ່ຽງຂອງເສດຖະກິດມະຫາພາກ.ສະນັ້ນ,ປະເທດສະມາຊິກສະຫະພາບເອີລົບຕ້ອງໃຊ້ນະໂຍບາຍທາງເສດຖະກິດເປັນເອກະສັນກັນມາຜ່ອນຄາຍວິກິດການໃນປັດຈຸບັນຄືກັບສະໜັບສະໜູນຕະຫຼາດການເງິນ.
ກອງປະຊຸມລັດຖະມົນຕີວ່າການກະຊວງການເງິນທີ່ຈັດຂຶ້ນໃນມື້ດຽວກັນແມ່ນກອງປະຊຸມປະຈຳແຕ່ລະເດືອນຂອງລັດຖະມົນຕີການເງິນເຂດງິນເອີໂລ,ແລະກໍ່ແມ່ນກອງປະຊຸມເທື່ອທີ2ທີ່ຂອງລັດຖະມົນຕີການເງິນບັນດາປະເທດເຂດເອີໂລຈັດຂຶ້ນພາຍຫຼັງເກີດການປັ່ນປ່ວນທາງການເງິນ,ກອງປະຊຸມຈະປະສານ ຫຼັກໝັ້ນໃຫ້ກອງປະຊຸມຜູ່ນຳສຸດຍອດບໍ່ເປັນທາງການທີ່ຈະຈັດຂຶ້ນໃນວັນທີ7 ພະຈິກນີ້.ຍ້ອນວ່າໃນກາງເດືອນນີ້ຈະຈັດກອງປະຊຸມສຸດຍອດການເງິນທົ່ວໂລກ,ສະນັ້ນ,ກອງປະຊຸມເທືອນີ້ສື່ມວນຊົນກໍຈະໃຫ້ຄວາມສົນໃຈຫຼາຍ.
ວັນທີ3 ພະຈິກນີ້,ທ່ານນາງຄຼິສຕີເນ ລາກາດ ລັດຖະມົນຕີວ່າການກະຊວງເສດຖະກິດ,ການເງິນແລະການປະກອບອາຊີບຂອງຝຼັງເຊິ່ງເປັນປະເທດປະທານໝູນວຽນEUທີ່ເຂົ້າຮ່ວມກອງປະຊຸມລັດຖະມົນຕີວ່າການກະຊວງການເງິນເຂດເອີໂລກ່າວວ່າ,ນາງຈະພະຍາຍາມຊຸກຍູ້ສະຫະພາບເອີລົບຮັບຮອງເອົາແຜນການຟື້ນຟູຄວາມຈະເລີນເພື່ອກອບກູ້ເສດຖະກິດອົງກອນ,ເພື່ອຮັບມືຜົນສະທ້ອນຂອງວິກິດການການເງິນຕໍ່ເສດຖະກິດເອີລົບ.ແຕ່ວ່າ,ວັນທີ3 ພະຈິກນີ້,ທ່ານຢັງ ໂຄຼດ ຈຸນເຄີ ປະທານກຸ່ມເງິນເອີໂລ,ນາຍົກລັດຖະມົນຕີທັງເປັນລັດຖະມົນຕີວ່າການກະຊວງການເງິນລຸກຊຳບວກກ່າວວ່າ,ບໍ່ເຫັດດີຮັບຮອງເອົາແຜກການຟື້ນຟູເສດຖະກິດຂອງທົ່ວສະຫະພາບເອີລົບ.ທ່ານເຫັນວ່າ,ນະໂຍບາຍການເງິນຕ່າງໆຂອງສະຫະພາບເອີລົບກໍ່ໄດ້ສະໜອງຊ່ອງທາງທີ່ດີໃຫ້ປະເທດຕ່າງໆຮັບມືກັບຄວາມຫຍຸ້ງຍາກໃນປັດຈຸບັນແລ້ວ.
