ອາເມລິກາຈັດການເລືອກຕັ້ງປະທານາທິບໍດີ
-----------------------------------------------------------------------------------------------------------------
ການເລືອກຕັ້ງປະທານາທິບໍດີທີ່ກິນເວລາຍາວກວ່າໝູ່ແລະໃຊ້ເງິນຫຼາຍກວ່າໝູ່ໃນປະຫວັດສາດອາເມລິກາໃນທີ່ສຸດກໍໄດ້ສິ້ນສຸດລົງແລ້ວ.ວັນທີ4 ພະຈິກນີ້ຕາມເວລາທ້ອງຖິ່ນ,ຜູ່ເລືອກຕັ້ງທະຍອຍກັນໄປປ່ອນບັດຢູ່ສະຖາທີ່ປ່ອນບັດ.ຜູ່ມີສິດເລືອກຕັ້ງກ່າວວ່າ,ບໍ່ວ່າທ່ານບາລັກ ໂອບາມາ ຜູ່ສະໝັກຈາກພັກເດໂມແຄຣັດ,ຫຼືແມ່ນທ່ານຈອນ ແມັກເຄນ ຜູ່ສະມັກຈາກພັກຣີພັບບລິກກັນຊະນະ,ລ້ວນແຕ່ຈະແມ່ນການເລືອກຕັ້ງຄັ້ງປະຫວັດສາດ,ສະນັ້ນເຂົາເຈົ້າບໍ່ຢາກພາດໂອກາດປະຫວັດສາດນີ້.
ການປ່ອນບັດຢູ່ຊິຄາໂກເລີ່ມແຕ່6ໂມງວັນທີ4 ພະຈິກນີ້,ບໍ່ຮອດ8ໂມງ,ທ່ານບາລັກ ໂອບາມາ ກໍ່ໄປປ່ອນບັດແລ້ວ.ຊິຄາໂກມີໜ່ວຍປ່ອນບັດຮ້ອຍກວ່າແຫ່ງ,ຍ້ອນວ່າແຫ່ງນີ້ມີຊ່າວຈີນຕ່າງດ້າວອ່າວຫຼາຍ.ນັກຂ່າວໄດ້ສຳພາດຜູ່ປ່ອນບັດເກືອບ20ຄົນ,ເຂົາເຈົ້າສ່ວນຫຼາຍເລືອກເອົາທ່ານໂອບາມາ.
ຜູ່ປ່ອນບັດເອົາທ່ານໂອບາມາພາກັນກ່າວວ່າ,ເຊື່ອວ່າທ່ານໂອບາມາຈະສາມາດນຳເອົາຄວາມຫວັງແລະການປ່ຽນແປງມາໃຫ້ທຳນຽບຂາວໃຫ້ສັງຄົມອາເມລິກາແລະຊີວິດການເປັນຢູ່ຂອງພວກເຂົາເຈົ້າ.ທ້າວເດັກແຄຼນ ໂອໂດໂນວັນ ປະຊາຊົນທີ່ຍົກຍ້າຍມາໃໝ່ຫາກໍ່ກາຍເປັນພົນລະເມືອງອາເມລິກາໃນເດືອນສິງຫາປີນີ້,ເທື່ອນີ້ແມ່ນເທື່ອທຳອິດທີ່ລາວເຂົ້າຮ່ວມການປ່ອນບັດ.ລາວກ່າວວ່າ,
ພາຍຫຼັງທ່ານໂອບາມາຂຶ້ນຮັບຕຳແໜ່ງ,ເສດຖະກິດຍ່ອມຈະດີຂຶ້ນແນ່ນອນແລະບໍ່ຫ່ອນຈະເອົາເງິນໄປຈ່າຍຢູ່ອີຣັກຢ່າງຊະຊາຍ.ສັງຄົມອາເມລິກາຕ້ອງການປະຕິຮູບ,ປັດຈຸບັນ,ເສດຖະກິດອາເມລິກາບໍ່ຈະພັງທະລາຍ,ປະຊາກອນຫວ່າງງານເພີ່ມຂຶ້ນ,ຂ້ອຍເຫັນວ່າທ່ານແມ່ນຜູ່ຖືກຕ້ອງທີ່ສາມາດຊ່ອຍພວກເຮົາໄດ້."
ນາງລາລີ ວິນເວີດເປັນຄູ່ທີ່ເຄີຍສອນຢູ່ມະຫາວິທະຍາໄລຊີຄາໂກທີ່ທ່ານໂອບາມາເຄີຍສອນຢູ່.ນາງເວົ້າວ່າເວລານັ້ນນາງກໍເຄີຍໄດ້ຍິນຊື່ຂອງທ່ານໂອບາມາ,ທ່ານແມ່ນຜູ່ທີ່ເປັນຕາໄວ້ເນື້ອເຊື່ອໃຈ.
ທ່ານດາວ ກາເດີເນີ ແມ່ນລັດຖະກອນທີ່ອອກບຳນານແລ້ວ.ທ່ານເວົ້າວ່າວໍຊິງຕັນຈະເປັນແນວນີ້ຕໍ່ໄປບໍ່ໄດ້,ທ່ານໂອບາມາຄວນນຳເອົາການປ່ຽນແປງມາໃຫ້ລັດຖະບານ.
ໃນ8ປີມານີ້, ຄົນໂງ່ຈຳພວກໜຶ່ງຄຸ້ມຄອງລັດຖະບານ, ຂ້ອຍອົດບໍ່ໄຫວແລ້ວ, ຂ້ອຍຢາກໃຫ້ທ່ານໂອບາມານຳພາຄະນະທີ່ສະຫຼາດເກັ່ງກ້າເຂົ້າສູ່ທຳນຽບຂາວ, ຊ່ອຍເຫຼືອທ່ານຄຸ້ມຄອງລັດ.
ເຖິງວ່າທ່ານໂອບາມາຢູ່ໃນຖານະນຳໜ້າຕະຫຼອດໃນການຢັ່ງປະຊາມະຕິທັງໝົດຫວ່າງກ່ອນນີ້, ເຖິງວ່າຊີກາໂກແມ່ນທີ່ຕັ້ງສຳນັກງານໃຫຍ່ຂອງການແຂ່ງຂັນເລືອກຕັ້ງຂອງທ່ານໂອບາມາ, ແຕ່ກໍຍັງມີຜູ້ສະໜັບສະໜູນທ່ານແມັກເຄນ, ນັກຂ່າວໄດ້ຊອກພົບຄົນປະເພດນີ້ຜູ້ໜຶ່ງ. ລາວເວົ້າວ່າ, ເພາະວ່າຂ້ອຍເຫັນວ່າລາວເປັນຜູ້ສະໝັກຮັບເລືອກຕັ້ງທີ່ດີທີ່ສຸດ, ສ່ວນຂ້ອຍເອງແມ່ນສະມາຊິກພັກຣີພັບບຼິກັນ.
ທ່ານຊາກສ໌ ສມິສ ພະນັກງານທີ່ເຮັດວຽກຢູ່ໜ່ວຍປ່ອນບັດເວົ້າວ່າ, ປີນີ້ຜູ້ເລືອກຕັ້ງມີຄວາມກະຕືລືລົ້ນຫຼາຍກວ່າແຕ່ກ່ອນຢ່າງເດັ່ນຊັດ.
ຜູ້ປ່ອນບັດບາງຄົນເວົ້າວ່າ, ນັບແຕ່6ໂມງຮອດດຽວນີ້, ໄດ້ມີຜູ້ປ່ອນບັດ250ຄົນ ແລ້ວ, ຕອນເຊົ້າພວກເຮົາຍັງບໍ່ທັນເປີດປະຕູເທື່ອກໍ່ໄດ້ມີ35ຄົນມາລຽນແຖວຄອຍຖ້າແລ້ວ.
ຂ່າວທີ່ຜູ້ເລືອກຕັ້ງສົ່ງອອກມານັ້ນຈະແຈ້ງທີ່ສຸດ, ຄືອາເມລິກາຕ້ອງການການປ່ຽນແປງ, ທ່ານໂອບາມາສາມາດນຳເອົາການປ່ຽນແປງມາໃຫ້, ສ່ວນເຂົາເຈົ້າທຸກຄົນກໍ່ຍິນດີກາຍເປັນກຳລັງສ່ວນໜຶ່ງທີ່ຊຸກຍູ້ການປ່ຽນແປງໃໝ່.
