ສອງຝັ່ງຊ່ອງແຄບໄຕ້ຫວັນມອບສັດແລະພືດແກ່ກັນ
-----------------------------------------------------------------------------------------------------------------
ຕາມຂ່າວCRI,ວັນທີ6ພະຈິກນີ້,ພິທີແຜ່ນດິນໃຫຍ່ແລະໄຕ້ຫວັນຂອງຈີນມອບສັດແລະພືດແກ່ກັນໄດ້ຈັດຂຶ້ນຢູ່ໄຕເປ.ຝ່າຍແຜ່ນດິນໃຫຍ່ໄດ້ມອບໝີແພນດາສອງໂຕແລະຕົ້ນກົງຖົງ ທີ່ເປັນພືດຫາຍາກ17ຕົ້ນ.ຝ່າຍໄຕ້ຫວັນໄດ້ມອບແບ້ຂົນຍາວແລະກວາງດາວທີ່ເປັນສັດຫາຍາກສະເພາະແຕ່ຢູ່ໄຕ້ຫວັນ.
ທ່ານເສິນຢຸນລິນ ປະທານສະມາຄົມການພົວພັນສອງຝັ່ງຊ່ອງແຄບໄຕ້ຫວັນແຜ່ນດິນໃຫຍ່ຈີນກັບທ່ານຈ່ຽງປິງຄຸນ ປະທານມູນິທິແລກປ່ຽນສອງຝັ່ງໄຕ້ຫວັນໃນພິທີມອບສັດແລະພືດແກ່ກັນ
ທ່ານເສິນຢຸນລິນ ປະທານສະມາຄົມການພົວພັນສອງຝັ່ງຊ່ອງແຄບໄຕຫວັນຈີນແຈ້ງໃຫ້ຊາບວ່າ,ຕົ້ນກົງຖົງ17ຕົ້ນແມ່ນພີ່ນ້ອງເຜົ່າຊ່ຽງແຂວງເສສວນທີ່ໄດ້ຜ່ານຜ່າໄພແຜ່ນດິນໄຫວຮ້າຍແຮງຂໍຜ່ານສະມາຄົມດັ່ງກ່າວມອບໃຫ້ພີ່ນ້ອງຮ່ວມຊາດໄຕ້ຫວັນ,ເພື່ອສະແດງຄວາມຂອບອົກຂອບໃຈນຳພີ່ນ້ອງໄຕ້ຫວັນທີ່ໃຫ້ການຊ່ວຍເຫຼືອຢ່າງຫຼວງຫຼາຍພາຍຫຼັງເຂົາເຈົ້າປະສົບໄພແຜ່ນດິນໄຫວ.ທ່ານຍັງກ່າວວ່າ,ພາຍຫຼັງເຮັດທຳນຽມທີ່ກ່ຽວຂ້ອງໃຫ້ສຳເລັດແລ້ວ,ໝີແພນດາທີ່ຊື່ວ່າ"ຖວນໆ"ແລະ"ຢວນຢວນ"ທີ່ແຜ່ນດິນໃຫຍ່ມອບໃຫ້ໄຕ້ຫວັນນັ້ນຈະສົ່ງໄປຮອດໄຕ້ຫວັນ,ດຳລົງຊີວິດຢູ່ສວນສັດມູ້ຈ້ານະຄອນໄຕເປ.
