ພັກຮ່ວມລັດຖະບານໄທເຫັນດີດັດແປງລັດຖະທຳມະນູນເພື່ອປະກອບເປັນກອງປະຊຸມຮ່າງລັດຖະທຳມະນູນຄັ້ງໃໝ່
-----------------------------------------------------------------------------------------------------------------
ຕາມຂ່າວcri:ວັນທີ5 ພະຈິກນີ້,ພັກຮ່ວມລັດຖະບານໄທກ້າວເຖິງຂັ້ນເປັນເອກະສັນກັນ,ເຫັນດີດັດແກ້ມາດຕາ291ຂອງລັດຖະທຳມະນູນ,ເພື່ອປະກອບເປັນກອງປະຊຸມຮ່າງລັດຖະທຳມະນູນຄັ້ງໃໝ່.
ຕອນແລງມື້ດຽວກັນ,ສະມາຊິກສຳຄັນຂອງ6ພັກຮ່ວມລັດຖະບານໄທທີ່ຖືພັກພະລັງປະຊາຊົນເປັນຫຼັກໄດ້ຮ່ວມຮັບປະທານອາຫານຄຳຢູ່ບາງກອກ,ແລະເປິກສາຫາລືກ່ຽວກັບສະຖານະການການເມືອງຂອງຊາດໃນປັດຈຸບັນ.ໃນເວລາໃຫ້ສຳພາດຕໍ່ນັກຂ່າວຫຼັງຈາກນັ້ນ,ທ່ານສົມຊາຍ ວົງສະວັດ ນາຍົກລັດຖະມົນຕີໄທກ່າວວ່າ,ພັກຮ່ວມລັດຖະບານກ້າວເຖິງຂັ້ນເປັນເອກະສັນກັນ,ເຫັນດີຊຸກຍູ້ການດັດແກ້ມາດຕາທີ291ຂອງລັດຖະທຳມະນູນ,ມາດຕາດັ່ງກ່າວແມ່ນເງື່ອນໄຂເບື້ອງຕົ້ນຂອງການໄຂກອງປະຊຸມຮ່າງລັດຖະທຳມະນູນຄັ້ງໃໝ່ທີ່ມີບຸກຄົນວົງການຕ່າງໆຈາກສັງຄົມເຂົ້າຮ່ວມ.ທ່ານກ່າວເນັ້ນວ່າ,ພາຍຫຼັງຈັດກອງປະຊຸມລັດຖະທຳມະນູນຄັ້ງໃໝ່ແລ້ວ,ພັກຮ່ວມລັດຖະບານໃດໆກໍ່ຈະບໍ່ເຂົ້າຮ່ວມວຽກງານດັດແກ້ມາດຕາອື່ນໆຂອງລັດຖະທຳມະນູນ.
ພ້ອມກັນນັ້ນ,ທ່ານສົມຊາຍຍອມຮັບວ່າ,ທ່ານວິຕົກກັງວົນນຳບັນຫາດັດແກ້ລັດຖະທຳມະນູນອາດຈະເຮັດໃຫ້ຂໍ້ຂັດແຍ່ງລະຫວ່າງຝ່າຍທີ່ເປັນປໍລະປັກກັນພາຍໃນປະເທດຮ້າຍແຮງຂຶ້ນ.
