ຫົວຫນ້າກົມຕຳຫຼວດແຫ່ງຊາດກຳປູເຈຍເສຍຊີວິດຍ້ອນຍົນຕົກ
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ 9 ພະຈິກນີ້, ທ່ານຂຽວກັນ ຫາຣິດ ລັດຖະມົນຕີວ່າການກະຊວງຖະແຫຼງຂ່າວທັງເປັນໂຄສົກຂອງລັດຖະບານກຳປູເຈຍກ່າວວ່າ, ຕອນຄ່ຳມື້ດຽວກັນ,ຍົນເຣລິກົບແຕທີ່ທ່ານຮົກ ລຸນດີ ຫົວຫນ້າກົມຕຳຫຼວດແຫ່ງຊາດກຳປູເຈຍຂີ່ນັ້ນໄດ້ຕົກຢູ່ແຂວງສະເວຣຽງ, 4 ຄົນໃນຍົນລຳນີ້ໄດ້ເສຍຊີວິດຫມົດ.
ທ່ານຂຽວກັນຫາຣິດກ່າວວ່າ, ຜູ່ເສຍຊີວິດເຫຼົ່ານີ້ລວມມີທ່ານຣົກ ລຸນດີ ນາຍທະຫານຊັ້ນສູງຜູ່ຫນຶ່ງແລະນັກບິນ 2 ຄົນ. ທ່ານກ່າວວ່າ, ຍົນເຣລິກົບແຕລຳນີ້ໄດ້ອອກເດີນທາງຈາກນະຄອນຫຼວງພະນົມເປັນໃນເວລາປະມານ 19 ໂມງ 20 ນາທີຂອງຕອນຄ່ຳວັນທີ 9 ພະຈິກນີ້ຕາມເວລາທ້ອງຖິ່ນ , ຫຼັງຈາກ 15 ນາທີແລ້ວກໍ່ຂາດການຕິດຕໍ່ກັບຫນ້າດິນ, ພາຍຫຼັງມາ ຈຶ່ງພົບຍົນຕົກຢູ່ໃນພາກຕາເວັນອອກສຽງໃຕ້ຂອງແຂວງສະເວຣຽງ.
ທ່ານຂຽວກັນຫາຣິດຍັງກ່າວວ່າ, ເມື່ອຜ່ານຈາກການສຳຫຼວດໃນເບື້ອງຕົ້ນ, ສາເຫດທີ່ຍົນເກີດອຸປະຕິເຫດອາດຈະແມ່ນຍ້ອນອາກາດບໍ່ດີ, ຍ້ອນໃນຂະນະນັ້ນກຳລັງມີຝົນຕົກແຮງຢູ່.
