ແຜນການກອບກູ້ວິກິດການການເງິນຂອງອາເມລິກາໄດ້ມີການປ່ຽນແປງ
-----------------------------------------------------------------------------------------------------------------
ຕາມຂ່າວCRI, ວັນທີ 12 ພະຈິກນີ້, ທ່ານແຮນຣີ ໂພນເຊີນ, ລັດຖະມົນຕີວ່າການກະຊວງການເງິນອາເມລິກາກ່າວວ່າ, ລັດຖະບານອາເມລິກາໄດ້ຕົກລົງໃຫ້ປະລະແຜນການຊື້ຊັບສິນທີ່ມີບັນຫາຈາກທະນາຄານ, ຈະສືບຕໍ່ຖອກເງິນສົດເຂົ້າໃນສະຖາບັນການເງິນ, ແຕ່ຍັງຈະພະຍາຍາມເພີ່ມການສະຫນອງເງິນກູ້ໃຫ້ນັກສຶກສາ ເງິນກູ້ຊື້ລົດແລະບັດສິນເຊື່ອໃຫ້ຫຼາຍຂຶ້ນ. ການສະແດງທ່າທີຂອງທ່ານໂພນເຊີນໄດ້ຫ່າງອອກຈາກຈຸດປະສົງເບື້ອງຕົ້ນທີ່ວາງແຜນການເພື່ອກອບກູ້ມີມູນຄ່າ 700 ຕື້ໂດລາເຂົ້າໃນການຊື້ຊັບສິນທີ່ມີບັນຫາຈາກທະນາຄານ, ນີ້ສະແດງໃຫ້ເຫັນວ່າລັດຖະບານອາເມລິກາໄດ້ມີການປ່ຽນແປງໃນການປະຕິບັດແຜນການກອບກູ້ວິກິດການ ການເງິນໃນໄລຍະທີສອງ.
ໃນເວລາທ່ານແຮນຣີ ໂພນເຊີນ ບັນລະຍາຍສະພາບວຽກງານຂອງກະຊວງການເງິນໃນອະນາຄົດ, ທ່ານກ່າວວ່າ, ການປະລະແຜນການ ຮັບຊື້ຊັບສິນທີ່ມີບັນຫານັ້ນແມ່ນຍ້ອນສະພາບຕະຫຼາດເກີດມີການປ່ຽນແປງແລ້ວ, ການຮັບຊື້ຊັບສິນທີ່ມີບັນຫາບໍ່ແມ່ນວິທີທີ່ບັງເກີດຜົນທີ່ສຸດໃນການເປີດຕະຫຼາດເງິນກູ້ສິນເຊື່ອຄືນໃຫມ່. ທ່ານອະທິບາຍວ່າ, ການປະຕິບັດແຜນການດັ່ງກ່າວຕ້ອງໃຊ້ເວລາດົນໂພດ, ແຕ່ວິທີທີ່ເຂົ້າແທນຂອງລັດຖະບານແມ່ນການຊື້ສິດຫຸ້ນສ່ວນຂອງທະນາຄານແລະສະຖາບັນການເງິນອື່ນ, ສົ່ງເສີມໃຫ້ທະນາຄານຟື້ນຟູວຽກງານເງິນກູ້ເປັນປົກກະຕິແລະອອກແຮງປ່ອຍເງິນກູ້ໃຫ້ແກ່ຜູ່ບໍລິໂພກ.
ມາດຕະການໃຫມ່ທີ່ຫັນເຫຄວາມສົນໃຈຂອງທ່ານໂພນເຊີຕໍ່ຜູ່ບໍລິໂພກ ນັ້ນເປັນຂີດຫມາຍສະແດງໃຫ້ເຫັນວ່າ, ແຜນການກອບກູ້ວິກິດການການເງິນຂອງກະຊວງການເງິນອາເມລິກາໃນໄລຍະທີສອງທີ່ຫນັກຫນ່ວງໄດ້ເລີ່ມ ປະຕິບັດແລ້ວ. ຫາງສຽງໃນອາເມລິກາຊີ້ອອກວ່າ, ລາຍຈ່າຍດ້ານການບໍລິໂພກແມ່ນປັດໃຈສຳຄັນໃນການເຕີບໂຕຂອງເສດຖະກິດອາເມລິກາ, ແຕ່ວ່າ ,ພາຍໃຕ້ຄວາມກົດດັນຂອງວິກິດການເງິນກູ້ສິນເຊື່ອ, ຊ່ອງທາງຂອງຜູ່ບໍລິໂພກທີ່ຮ້ອງຂໍເງິນກູ້ສິນເຊື່ອເພື່ອຊື້ລົດຍົນ ເຮືອນຢູ່ແລະແບ່ງເປັນໄລຍະ ໄຊ້ແທນເງິນກູ້ຊະນິດຕ່າງໆຈະສະຫຼາຍໄປ. ທ່ານໂພນເຊີກ່າວວ່າ, ກະຊວງການເງິນແລະສະຫະພັນຄັງສຳຮອງເງິນຕາຂອງອາເມລິກາຫຼືເຟດ ( FED )ພວມຮ່ວມກັນວາງແຜນການເງິນກູ້ສິນເຊື່ອສະບັບຫນຶ່ງ, ຈະສົ່ງເສີມໃຫ້ຜູ່ລົງທຶນຊື້ບັດສິນເຊື່ອ ເງິນກູ້ຫຼຶຫຼັກຊັບທີ່ເງິນກູ້ຈຳນຳສະຫນັບ ສະຫນູນ.
ເຖິງວ່າຂໍ້ປີກຍ່ອຍຂອງແຜນການສະບັບໃຫມ່ຍັງປຶກສາຫາລືກໍຕາມ, ແຕ່ມີນັກວິເຄາະໄດ້ເລີ່ມສົງໄສຄວາມເປັນໄປໄດ້ຂອງແຜນການດັ່ງກ່າວ, ເພາະວ່າການປະຕິບັດແຜນການນີ້ຍັງຕ້ອງໃຊ້ເວລາຫຼາຍອາທິດແລະຫຼາຍຮ້ອຍຕື້ໂດລາ, ແຕ່ນັບມາຮອດປະຈຸບັນ, ໃນຈຳນວນເງິນ 350 ຕື້ໂດລາທີ່ກະຊວງການເງິນແລະລັດຖະບານສາມາດນຳໃຊ້ນັ້ນ, ນອກຈາກໃຊ້ງົບປະມານ 250 ຕື້ໂດລາເຂົ້າໃນການຊື້ບັດຫຸ້ນສ່ວນຂອງທະນາຄານແລະໃຊ້ເງິນ 400 ຕື້ໂດລາເຂົ້າໃນການເຮັດໃຫ້ກຸ່ມສາກົນແລະ ຫົວຫນ້າຂອງຂະແຫນງການປະກັນຂອງອາເມລິການັ້ນ, ກອງທຶນພິເສດພຽງແຕ່ເຫຼືອເງິນ 60 ຕື້ໂດລາເທົ່ານັ້ນ. ຖ້າກະຊວງການເງິນຫວັງຢາກນຳໃຊ້ເງິນທຶນຫຼາຍກວ່ານັ້ນກໍ່ຕ້ອງຂໍໃຫ້ລັດຖະສະພາຜ່ານອີກເທົ່ານັ້ນ. ວັນທີ 12 ພະຈິກນີ້, ທ່ານເບີເນ ຟຼານເຄິ ປະທານຄະນະກຳມະການບໍລິການການເງິນຂອງສະພາຕ່ຳກ່າວວ່າ, ທ່ານຮູ້ສຶກຄວາມຜິດຫວັງຕໍ່ທ່ານໂພນເຊີທີ່ປະລະແຜນການຮັບຊື້ຊັບສິນ. ຫາງສຽງຊີ້ອອກວ່າ, ຍ້ອນອົງການຕິດຕາມກວດກາເພື່ອປະຕິບັດແຜນການກອບກູ້ວິກິດການການເງິນຍັງບໍ່ທັນຕັ້ງຂຶ້ນເທື່ອ, ການຈັດຕັ້ງປະຕິບັດໄດ້ຂາດ ການຕິດຕາມກວດກາຢ່າງບັງເກີດຜົນ. ສະນັ້ນ, ແຜນການສະບັບໃຫມ່ຂອງກະຊວງການເງິນອາເມລິກາອາດຈະໄດ້ຮັບການປະລະຫຼັງຈາກລັດຖະບານໂອບາມາຂຶ້ນຄອງອຳນາດ. ທ່ານເຄຼັສໂທເຟີ ດົດ ປະທານຄະນະກຳທະການທະນາຄານຂອງວຸດທີສະພາກໍເຫັນວ່າ, ຕ້ອງລໍຖ້າຈົນ ຮອດເວລາທີ່ລັດຖະບານຊຸດໃຫມ່ຂຶ້ນຄອງອຳນາດແລ້ວ, ຈຶ່ງຈະໄດ້ເຫັນນະໂຍບາຍເສດຖະກິດທີ່ລັດຕ້ອງການຢ່າງຈິງຈັງ.
