ກອງປະຊຸມສຸດຍອດG20ເພິ່ມທະວີຄວາມໝັ້ນໃຈຂອງທົ່ວໂລກໃນການຕໍ່ຕ້ານວິກິດການ
-----------------------------------------------------------------------------------------------------------------
ພາຍໃຕ້ຄວາມສົນໃຈຂອງທົ່ວໂລກ,ກອງປະຊຸມສຸດຍອດG20ກ່ຽວກັບຕະຫຼາດການເງິນ ແລະ ເສດຖະກິດໂລກໄດ້ອັດລົງຢູ່ອາເມລິກາໃນວັນເສົາຜ່ານມານີ້. ນັກເສດຖະສາດຂອງຈີນກ່າວວ່າ,ເຖິງວ່າກອງປະຊຸມບໍ່ໄດ້ວາງແຜນການອັນລະອຽດທີ່ຕໍ່ຕ້ານວິກິດການການເງິນກໍຕາມ,ແຕ່ຖະແຫຼງການທີ່ຝ່າຍຕ່າງໆທີ່ເຂົ້າຮ່ວມກອງປະຊຸມຮ່ວມກັນປະກາດນັ້ນໄດ້ເພິ່ມທະວີຄວາມໝັ້ນໃຈຂອງປະເທດຕ່າງໆໃນການຕໍ່ຕ້ານວິກິດການໃນປະຈຸບັນ, ພ້ອມກັນນັ້ນ,ກໍ່ໄດ້ກ້າວເຖິງຂັ້ນເປັນເອກະສັນກັນທີ່ມີລັກສະນະຫຼັກການໃນການປະຕິຮູບລະບົບການເງິນສາກົນ.
ໃນກອງປະຊຸມສຸດຍອດG20,ຜູ່ນຳມາຈາກປະເທດທີ່ໄດ້ພັດທະນາແລ້ວ ແລະ ປະເທດທີ່ພວມພັດທະນາເປັນເອກະສັນກັນເຫັນວ່າ, ຕ້ອງໃຊ້ການກະທຳຕົວຈິງທີ່ກວ້າງຂວາງກວ່າເກົ່າ ບົນພື້ນຖານເພິ່ມທະວີການປະສານງານໃນດ້ານເສດຖະກິດມະຫາພາກ,ເພື່ອຫຼຸດຜົນກະທົບຂອງວິກິດການການເງິນ ແລະ ຈັງຫວະເຕີບໂຕເສດຖະກິດໂລກຊ້າລົງໃຫ້ໜ້ອຍລົງ, ແລະສະໜອງການສະໜັບສະໜູນໃຫ້ປະເທດພວມພັດທະນາ. ກອງປະຊຸມຍັງຮຽກຮ້ອງໃຫ້ປະເທດຕ່າງໆຊຸກຍູ້ນະໂຍບາຍການເງິນ ແລະ ນະໂຍບາຍເງິນຕາມາສະໜັບສະໜູນເສດຖະກິດໃຫ້ມີການເຕີບໂຕ ແລະ ຮັກສາຄວາມໝັ້ນທ່ຽງ,ແລະໄດ້ມີຄວາມຮັບຮູ້ເປັນເອກະສັນກັນຕໍ່5ຫຼັກການກ່ຽວກັບການປະຕິຮູບລະບົບການເງິນສາກົນ,ແຕ່ຕ້ອງສ້າງມາດຕະການອັນລະອຽດກ່ອນທ້າຍເດືອນມີນາ ປີໜ້າ.
ທ່ານຈ່າງຈຸ່ນ ຫົວຫນ້າສູນຄົ້ນຄວ້າເສດຖະກິດຈີນຂອງມະຫາວິທະຍາໄລຟູ້ຕ້ານເຫັນວ່າ,ສ່ວນປະກອບທີ່ໃຫຍ່ກວ່າຫມູ່ຂອງກອງປະຊຸມເທື່ອນີ້ແມ່ນໄດ້ເພີ່ມທະວີຄວາມຫມັ້ນໃຈ.ທ່ານກ່າວວ່າ:
ທີ່ຈິງແລ້ວຂ້າພະເຈົ້າເຫັນວ່າຂ່າວທີ່ກອງປະຊຸມເທື່ອນີ້ເຜີຍແຜ່ອອກມານັ້ນແມ່ນຄວາມຫມັ້ນໃຈ, G20 ນັ່ງນຳກັນໄດ້ສະແດງໃຫ້ໂລກຮູ້ວ່າເຂົາເຈົ້າຕ້ອງປະສານງານກັນ,ວາງແຜນດຳເນີນງານຮ່ວມກັນ, ພ້ອມກັນປ້ອງກັນບໍ່ໃຫ້ວິກິດການການເງິນແຜ່ລາມອອກຕື່ມອີກ,ໂດຍສະເພາະແມ່ນປ້ອງກັນບໍ່ໃຫ້ເສດຖະກິດຮູບປະທຳຊຸດໂຊມລົງ.
ປັດຈຸບັນ, ເພື່ອສະຫນັບສະຫນູນໃຫ້ເສດຖະກິດເຕີບໂຕຂຶ້ນປະເທດທີ່ໄດ້ພັດທະນາແລ້ວ ຕົ້ນຕໍໄດ້ໃຊ້ນະໂຍບາຍຫລຸດອັດຕາດອກເບ້ຍ, ສ່ວນກອງປະຊຸມສຸດຍອດເທື່ອນີ້ຍັງກຳນົດຢ່າງຈະແຈ້ງວ່າປະເທດຕ່າງໆຄວນວາງນະໂຍບາຍການເງິນອັນຈຳເປັນເພື່ອກະຕຸ້ນເສດຖະກິດ.ກ່ອນຈັດກອງປະຊຸມສຸດຍອດ,ຈີນໄດ້ປະກາດແຜນການກະຕຸ້ນເສດຖະກິດທີ່ມີມູນຄ່າ 4 ພັນຕື້ຢວນ,ໄດ້ສົ່ງຜົນສະທ້ອນຢ່າງໃຫຍ່ຫລວງຫລາຍທົ່ວໂລກ.
ທ່ານຈ່າງຈຸ່ນ ຫົວຫນ້າສູນຄົ້ນຄວ້າເສດຖະກິດຈີນຂອງມະຫາວິທະຍາໄລຟູ້ຕ້ານກ່າວວ່າ, ວິທີຂອງຈິນມີຄວາມຫມາຍທີ່ໃຫ້ປະເທດຕ່າງໆສາມາດຖອດຖອນເປັນບົດຮຽນ.ທ່ານກ່າວວ່າ:
ຂະຫນາດເສດຖະກິດຄືດັ່ງຈີນ,ໄດ້ວາງແຜນລົງທຶນ 4 ພັນຕື້ຢວນນີ້ໄດ້ກາຍເປັນຫົວຂໍ້ສຳຄັນທີ່ລົມກັນຢູ່ນອກກອງປະຊຸມເທື່ອນີ້,ໄດ້ສົ່ງສັນຍານໃຫ້ປະເທດທີ່ພວມພັດທະນາຢ່າງຫລວງຫລາຍວ່າສາມາດຮ່ຳຮຽນນຳ,ແລະກໍ່ແມ່ນຜົນສະທ້ອນອັນຕັ້ງຫນ້າຕໍ່ເສດຖະກິດທົ່ວໂລກ.
ນອກນີ້, ຜູ່ນຳປະເທດຕ່າງໆທີ່ຮ່ວມປະຊຸມກໍ່ໄດ້ກ້າວເຖິງຂັ້ນເປັນເອກະສັນກັນດ້ານຫລັກການຈຳນວນຫນຶ່ງກ່ຽວກັບການປະຕິຮູບລະບົບການເງິນສາກົນ.ອີງຕາມຫລັກການເຫລົ່ານີ້,ສະຖາບັນການເງິນສາກັນຈະຖືກປັບປຸງຄືນໃຫມ່,ແລະຈະຮັບເອົາສະມາຊິກເສດຖະກິດຈະເລີນໃຫມ່ຫລາຍກວ່າເກົ່າ,ຕໍ່ໄປພາຍຫນ້າອົງກອນເສດຖະກິດທີ່ຈະເລີນໃຫມ່ເຊັ່ນ ຈີນ ເບຼຊິນແລະອິນເດຍເປັນຕົ້ນຈະເສີມຂະຫຍາຍບົດບາດຫລາຍກວ່າເກົ່າໃນລະບົບການເງິນສາກົນ;ພ້ອມກັນນັ້ນ, ລະບຽບການຕິດຕາມກວດກາການເງິນແລະຫລັກມາດຕະຖານດ້ານການບັນຊີພາຍໃນຂອບເຂດທົ່ວໂລກກໍ່ຈະຖືກປະຕິຮູບ, G20 ຍັງຈະສ້າງຕັ້ງສະຫະພັນຕິດຕາມກວດກາ,ເພື່ອຕິດຕາມກວດກາສະຖາບັນການເງິນຂະຫນາດໃຫຍ່ຂອງທົ່ວໂລກ.ແລະອື່ນໆ.
ນັກວິຊາການຊີ້ອອກວ່າ,ເທື່ອນີ້,ອົງກອນເສດຖະກິດທີ່ຈະເລີນໃຫມ່ເຊັ່ນຈີນ ເບຼຊິນແລະອິນເດຍໄດ້ກາຍເປັນພະເອກໃນກອງປະຊຸມສຸດຍອດ G20 ເທື່ອນີ້,ໄດ້ສົ່ງເສີມບົດບາດອັນຕັ້ງຫນ້າໃນຂະບວນວິວັດປະຕິຮູບການເງິນສາກົນ,ນີ້ໄດ້ສະແດງໃຫ້ເຫັນວ່າການຊັ່ງຊາລະຫວ່າງກຳລັງເສດຖະກິດທົ່ວໂລກໃນຫລາຍປີມານີ້ໄດ້ມີການປ່ຽນແປງຢ່າງເດັ່ນຊັດ.
