ອຸດສາຫະກຳລົດຍົນຂອງອາເມລິກາຫາເງິນຊ່ອຍເຫຼືອເພື່ອຮັບມືກັບວິກິດການຍາກ
-----------------------------------------------------------------------------------------------------------------
ໃນສອງມື້ມານີ້, ໃນເວລາຫົວຫນ້າຂອງບໍລິສັດເຢເນີ ມໍເຕີ ບໍລິສັດຟອດ ມໍເຕີແລະບໍລິສັດຄຣີສເລີກັບຜູ່ຮັບຜິດຊອບຂອງສະມາຄົມກຳມະກອນລົດຍົນທົ່ວປະເທດອາເມລິກາໄດ້ໃຫ້ການຕໍ່ຄະນະກຳມະການທະນາຄານຂອງວຸດທິສະພານັ້ນ, ພວກທ່ານຫວັງຢາກຈະໄດ້ຮັບເງິນ 25 ຕື້ໂດລາຈາກແຜນການຊ່ອຍເຫຼືອທີ່ມີມູນຄ່າ 700 ຕື້ໂດລາເພື່ອຮັບມືກັບສະພາບສຸກເສີນ. ບໍລິສັດ 3 ແຫ່ງນີ້ກ່າວວ່າ,ຈະໃຊ້ເງິນກ້ອນນີ້ມາຈ່າຍເງິນເດືອນໃຫ້ພະນັກງງານແກ້ໄຂລາຍຈ່າຍດ້ານທຸລະກິດໃນປະຈຸບັນແລະພັດທະນາຜະລິດຕະພັນໃຫມ່
ຜູ່ນຳຂອງ3ບໍລິສັດໃຫຍ່ອຸດສາຫະກຳລົດຍົນລ້ວນແຕ່ໄດ້ສະຫຼຸດສະພາບຫຍຸ້ງຍາກທີ່ກຳລັງປະເຊີນໜ້າຢູ່ໃນປະຈຸບັນແມ່ນຍ້ອນປະ ລິມານຈຳໜ່າຍຕ່ຳລົງຍ້ອນຜົນສະທ້ອນຂອງວິກິດການການເງິນ ແລະ ຜູ່ບໍລິໂພກໄດ້ຮັບເງິນກູ້ຊື້ລົດຍາກ,ຫາບບໍ່ແມ່ນຍ້ອນການຕົກລົງນະໂຍບາຍແລະການຄຸ້ມຄອງຂອງເຂົາເຈົ້າມີຄວາມພິດພາດ ທ່ານຣິກ ວາໂກນາ ຜູ່ບໍລິຫານງານສູງສຸດຂອງບໍລິສັດເຈີໂນ ໂມເຕີສກ່າວວ່າ,ແຜນການກ້ອງກູ້ດັ່ງກ່າວບໍ່ພຽງແຕ່ແມ່ນກອບກູ້ອຸດສາຫະກຳລົດຍົນເທົ່ານັ້ນ,ກໍ່ແມ່ນກອບກູ້ເສດຖະກິດອາເມລິກາອອກຈາກປາກເຫວແຫ່ງການລົ້ມລະລາຍ.ທ່ານກ່າວວ່າ, ອຸດສາຫະກຳລົດຍົນກວມ4%ຂອງGDPອາເມລິາກ,ຖ້າວ່າ3ບໍລິສັດໃຫຍ່ນີ້ລົ້ມລະລາຍ,ຈະເຮັດໃຫ້3ລ້ານຄົນຫວ່າງງານ,ພາຍໃນ3ປີຂ້າງໜ້າ,ລາຍຮັບສ່ວນບຸກຄົນຂອງອາເມລິກາຈະຫຼຸດລົງ150ຕື້ໂດລາ, ພາສີລັດຖະບານຈະເສຍຫາຍ156ຕື້ໂດລາ.
ແຕ່ວ່າ,ສະມາຊິກສະພາຫຼາຍຄົນເປັນຫ່ວງວ່າ, 25ຕື້ໂດລານີ້ຈະແມ່ນຢາບັນເທົາອາການເຈັບເບື້ອງຕົ້ນເທົ່ານັ້ນ, ອີງຕາມຄວາມໄວທີ່ບໍລິສັດເຢເນີໂຣ ມໍເຕີ ແລະ ບໍລິສັດຄຼິສເລີເສຍ2ຕື້ໂດລາຕໍ່ເດືອນ, ເງິນທຶນກອບກູ້ເຫຼົ່ານີ້ຈະໃຊ້ໝົດໃນຕົ້ນປີ2009.
ບຸກຄົນທີ່ກ່ຽວຂ້ອງກ່າວວ່າ,ມາດຕະການປະຕິບັດງານສັບສົນຫຼາຍ ພ້ອມທັງຢ້ານເກີດຂໍ້ຂັດແຍ່ງດ້ານການເມືອງອັນໃຫຍ່ຫຼວງ, ຈະລົງລອຍກັນຍາກໃນອາທິດນີ້.ຖ້າວ່າຕົກລົງກັນບໍ່ໄດ້ໃນອາທິດນີ້,ບັນຫານີ້ຈະປະໄວ້ໃຫ້ລັດຖະສະພາຄັ້ງທີ111ທີ່ຈະຈັດຂຶ້ນໃນເດືອນມັງກອນປີໜ້າເປັນຜູ້ຕົກລົງ.ໃນເວລານັ້ນ ພັກເດໂມແຄຣັດຈະກວມຈຳນວນຫຼາຍຂອງລັດຖະສະພາຢ່າງຈະແຈ້ງ,ຜູ້ທີ່ຖືກເລືອກເປັນປະທານາທິບໍດີກໍ່ແມ່ນມາຈາກພັກເດໂມແຄຣັດ,ສະນັ້ນອາດຈະເຫັນດີເປັນເອກະສັນກັນກ່ຽວກັບແຜນການຊ່ວຍເຫຼືອອຸດສາຫະກຳລົດຍົນ.ແຕ່ວ່າ,ບັນຫາສຳຄັນໃນປະຈຸບັນແມ່ນ ໂຮງງານຜະລິດລົດຍົນເຫຼົ່ານີ້ຈະສາມາດດຳເນີນງານຮອດເດືອນມັງກອນປີໜ້າໄດ້ຫຼືບໍ່.
ປະຈຸບັນອາເມລິກາມີແຜນການຊ່ອຍກອບກູ້ອຸດສາຫະກຳລົດຍົນສອງແຜນການ, ແຕ່ລ້ວນແຕ່ຖືກສະມາຊິກລັດຖະສະພາຄັດຄ້ານຢ່າງຮຸນແຮງ. ສະມາຊິກວຸດທິສະພາພັກປະຊາທິປະໄຕຈຳນວນໜຶ່ງສະເໜີວ່າ, ຈະແບ່ງປັນສ່ວນໜຶ່ງໃຫ້ອຸດສາຫະກຳລົດຍົນຈາກແຜນການກອບກູ້ການເງິນທີ່ມີມູນຄ່າ 700 ຕື້ໂດລາ, ແຕ່ເລື່ອງນີ້ຖືກບຸກຄົນຊັ້ນສູງພັກປະຊາທິປະໄຕແລະທຳນຽບຂາວຂວ້ຳບາດ.
ຫວ່າງກ່ອນນີ້, ທ່ານໂພຊັນ ລັດຖະມົນຕີວ່າການກະຊວງການເງິນຮຽກຮ້ອງອີກເທື່ອໜຶ່ງໃຫ້ລັດຖະສະພາຢ່າຜ່ານແຜນການກອບກູ້ອຸດສາຫະກຳລົດຍົນອີກ, ໂດຍກ່າວວ່ານີ້ຈະສ້າງແບບຢ່າງທີ່ອັນຕະລາຍ. ທຳນຽບຂາວກ່າວວ່າ, ຜູ້ຜະລິດລົດຍົນສາມາດແກ້ໄຂບັນຫານີ້ໄດ້ໂດຍດ້ວຍຕົນເອງ, ນັ້ນກໍຄືໃຊ້ 25 ຕື້ໂດລາທີ່ລັດຖະສະພາຜ່ານເພື່ອປະກອບອຸດສາຫະກຳລົດຍົນຄືນໃໝ່ແລະຄົ້ນຄວ້າຜະລິດລົດຍົນທີ່ມີປະສິດທິພາບສູງໃນດ້ານປະຫຍັດພະລັງງານມາຮັບມືດ່ວນ, ແຕ່ໄດ້ຖືກລັດຖະສະພາຄັດຄ້ານ.
