ລັດຖະບານໄທພວມປະເຊີນໜ້າກັບ "ການສູ້ຣົບຄັ້ງສຸດທ້າຍ" ຂອງກຸ່ມຕໍ່ຕ້ານລັດຖະບານ
-----------------------------------------------------------------------------------------------------------------
ຕາມຂ່າວ CRI: ວັນທີ 24 ພະຈິກນີ້, ລັດຖະບານສົມຊາຍ ວົງສະຫວັດຂອງໄທທີ່ຫາກໍ່ກຳອຳນາດມາໄດ້ 2 ເດືອນໄດ້ປະເຊີນກັບການເດີນຂະບວນແລະໂຮມຊຸມນຸມປະທ້ວງຂະໜາດໃຫຍ່ຂອງກຸ່ມພັນທະມິດປະຊາຊົນເພື່ອປະຊາທິປະໄຕຫຼື ພທມ ອີກເທື່ອໜຶ່ງ. ກອງປະຊຸມລັດຖະສະພາທີ່ຈະຈັດຂຶ້ນໃນມື້ດຽວກັນຖືກຍົກເລີກ, ສ່ວນນາຍົກລັດຖະມົນຕີສົມຊາຍທີ່ຢູ່ຕ່າງປະເທດໄດ້ກ່າວວ່າຈະບໍ່ລາອອກຈາກຕຳແໜ່ງຢ່າງເດັດຂາດ. ນັກວິເຄາະເຫັນວ່າ, ການຕໍ່ສູ້ລະຫວ່າງກຳລັງທີ່ເປັນປໍລະປັກກັນຂອງໄທອີກເທື່ອໜຶ່ງຈະເຮັດໃຫ້ສະຖານະການການເມືອງພາຍໃນປະເທດສັບສົນຂຶ້ນຕື່ມອີກ.
ຕອນເຊົ້າວັນທີ 24 ພະຈິກນີ້, ກຸ່ມຜູ້ປະທ້ວງຂອງ ພທມ ຫຼາຍໝື່ນຄົນແບ່ງເປັນ 3 ກຸ່ມ, ກຸ່ມໜຶ່ງປິດລ້ອມລັດຖະສະພາ, ກຸ່ມໜຶ່ງໄປສະໜາມບິນດອນເມືອງເຊິ່ງເປັນບ່ອນເຮັດການຊົ່ວຄາວຂອງລັດຖະບານ, ຍັງມີອີກກຸ່ມໜຶ່ງເດີນທາງໄປສຳນັກງານອົງການທີ່ສຳຄັນຕ່າງໆ, ເຊັ່ນ: ກະຊວງການເງິນ, ກົມຕຳຫຼວດເປັນຕົ້ນ. ເຖິງວ່າຕຳຫຼວດໄດ້ຈັດວາງກຳລັງຢູ່ອ້ອມລັດຖະສະພາໃນວັນທີ 22 ພະຈິກນີ້ແລ້ວ, ກອງທັບບົກ, ເຮືອແລະອາກາດກໍ່ໄດ້ສົ່ງທະຫານໄປຕັ້ງສະຖານີກວດກາຢູ່ອ້ອມລັດຖະສະພາກໍຕາມ, ແຕ່ຍ້ອນທະຫານແລະຕຳຫຼວດບໍ່ຢາກປະທະກັນກັບຜູ້ປະທ້ວງ, ສຸດທ້າຍ, ກຸ່ມຜູ້ປະທ້ວງຂອງກຸ່ມພັນທະມິດປະຊາຊົນເພື່ອປະຊາທິປະໄຕກໍໄດ້ປິດລ້ອມລັດຖະສະພາ, ອັດທາງເຂົ້າອອກສະໜາມລັດຖະສະພາທັງໝົດ. ກຸ່ມພທມກ່າວວ່າ, ນີ້ແມ່ນ "ການສູ້ຣົບຄັ້ງສຸດທ້າຍ" ຕໍ່ຕ້ານລັດຖະບານສົມຊາຍ, ຈະບໍ່ໃຊ້ເວລາກາຍໜຶ່ງເດືອນ, ເປົ້າໝາຍສຳຄັນກວ່າໝູ່ໃນວັນທີ 24 ພະຈິກນີ້ແມ່ນສະກັດກັ້ນບໍ່ໃຫ້ລັດຖະສະພາດັດແປງລັດຖະທຳມະນູນ.
ແຕ່ວ່າ, ກ່ອນຫນ້ານີ້ ທ່ານໄຊ ຊິດຊອບ ປະທານລັດຖະສະພາກ່າວວ່າ, ການດັດແກ້ລັດຖະທຳມະນູນບໍ່ຢູ່ໃນວາລະຂອງການປະຊຸມມື້ໃນມື້ນັ້ນ. ຍ້ອນວ່າຜູ່ປະທ້ວງຂອງກຸ່ມພັນທະມິດປະຊາຊົນເພື່ອປະຊາທິປະໄຕປິດລ້ອມລັດຖະສະພາແລະຕັດໄຟຟ້າ, ຕອນເຊົ້າວັນທີ 24 ພະຈິກນີ້, ທ່ານໄຊ ຊິດຊອບໄດ້ປະກາດຍົກເລີກກອງປະຊຸມເທື່ອນີ້. ແຕ່ພອ້ມກັນນັ້ນ, ທ່ານກ່າວວ່າ, ຖ້າບໍ່ສາມາດຈັດກອງປະຊຸມລັດຖະສະພາກ່ອນຈັດກອງປະຊຸມສຸດຍອດອາຊຽນທີ່ຈະຈັດຂຶ້ນຢູ່ຊຽງໃຫມ່ຂອງໄທໃນເດືອນຫນ້າແລະຜ່ານເອກະສານທາງກົດຫມາຍທີ່ກ່ຽວຂ້ອງ, ຈະເຮັດໃຫ້ປະເທດຖືກເສຍຫາຍຢ່າງໃຫຍ່ຫຼວງ. ທ່ານຍັງເວົ້າຕໍ່ຜູ່ປະທ້ວງວ່າ: ຖ້າພວກທ່ານຮັກເຈົ້າຊີວິດ,ກໍຂໍໃຫ້ພວກທ່ານຈົ່ງກັບຄືນເຮືອນ.
ທ່ານໄຊ ຊິດຊອບເວົ້າແນວນີ້ແມ່ນຍ້ອນຜູ້ປະທວ້ງຂອງກຸ່ມພັນທະມິດປະຊາຊົນເພື່ອປະຊາທິປະໄຕທີ່ນຸ່ງເສື້ອສີເຫຼືອງນັ້ນຖື"ຮັກເຈົ້າຊີວິດ,ຮັກສາລະບອບລາຊາ ທິປະໄຕ"ເປັນຄຳຂວັນຕະຫຼອດ,ແລະສະເໜີ"ການເມືອງໃໝ່",ຄືສະມາຊິກສະພາຜູ້ແທນລາຊະດອນ70%ມາຈາກການແຕ່ງຕັ້ງ,30%ມາຈາກການເລືອກຕັ້ງ.ແຕ່ຜູ້ສະໜັບສະໜູນລັດຖະບານເວົ້າວ່າຂໍ້ສະເໜີນີ້ເປັນປະຊາທິປະໄຕທີ່ຖອຍຫຼັງ.
ອີງຕາມການສຳຫຼວດຫຼ້າສຸດທີ່ປະກາດໂດຍສູນສຳຫຼວດປະຊາມະຕິຂອງມະຫາວິ ທະຍາໄລເອແບັກ(ABAC)ສະແດງໃຫ້ເຫັນວ່າ,ຄວາມຂັດແຍ່ງກັນໃນປະຈຸບັນ, ປະຊາຊົນບາງກອກ61%ຖືຫຼັກໝັ້ນເປັນກາງ,25%ສະໜັບສະໜູນລັດຖະບານ13,4%ສະໜັບສະໜູນກຸ່ມຕໍ່ຕ້ານລັດຖະບານ.ຫາງສຽງເຫັນວ່າ,ປະຈຸບັນນີ້,ລັດ ຖະບານສົມຊາຍຍັງຍັງໄດ້ຮັບການສະສະໜັບສະໜູນຈາກປະຊາຊົນສ່ວນຫຼາຍ,ແຕ່ການຕໍ່ສູ່ທີ່ສະໜັບສະໜູນທ່ານທັກສິນກັບຕ້ານທ່ານທັກສິນຢູ່ພາຍໃນປະເທດໄທກໍຍັງຈະສືບຕໍ່ໄປ,ການສູ້ລົບຄັ້ງສຸດທ້າຍຂອງກຸ່ມພັນທະມິດປະຊາຊົນເພື່ອປະ ຊາທິປະໄຕຈະເປັນແນວໃດຕໍ່ໄປນັ້ນ,ຍັງຕ້ອງໄດ້ຕິດຕາມຕໍ່ໄປ.
