ວິກິດການການເງິນສາກົນຊຸກຍູ້ໃຫ້ເມືອງຕົ່ງກວນຂອງຈີນເລັ່ງລັດຍົກລະດັບ ຜະລິດຕະກຳ
-----------------------------------------------------------------------------------------------------------------
ຍ້ອນຖືກຜົນກະທົບທາງລົບຈາກວິກິດການການເງິນສາກົນ,ວິສາຫະກິດສົ່ງອອກຂອງຈີນຫຼາຍແຫ່ງລ້ວນແຕ່ປະເຊີນໜ້າກັບຄວາມຫຍຸ້ງຍາກທາງທຸລະກິດ.ຫວ່າງມໍ່ໆນີ້,ໃນເວລາເອົາຂ່າວຢູ່ເມືອງຕົ່ງກວນແຂວງກວ່າງຕຸ້ງ,ນັກຂ່າວໄດ້ ສັງເກດເຫັນວ່າ,ເຖິງວ່າວິກິດການການເງິນສາກົນໄດ້ກະທົບກະເທືອນວິສາຫະກິດຂອງເມືອງຕົ່ງກວນໃນລະດັບຕ່າງກັນກໍ່ຕາມ,ແຕ່ກໍໄດ້ສ້າງໂອກາດໃຫ້ແກ່ເມືອງຕຸ່ງກວນໃນການເລັ່ງລັດຍົກລະດັບຂອງຜະລິກຕະກຳ.ຕໍ່ໄປເຊີນຟັງຂ່າວລະອຽດ:
ຕຸ່ງກວນຕັ້ງຢູ່ແຄມທະເລຕາເວັນອອກສຽງໃຕ້ຂອງຈີນ,ເສດຖະກິດຖືຂະແໜງການຜະລິດແບບສົ່ງອອກຕ່າງປະເທດເປັນຕົ້ນຕໍ,ຍອດມູນຄ່າຂາເຂົ້າແລະຂາອອກຂອງປີກາຍຫຼາຍກ່ວາ100ຕື້ໂດລາ.ແຕ່ວ່ານັບແຕ່ປີນີ້ເປັນຕົ້ນມາ,ຍ້ອນຖືກຜົນກະທົບທາງລົບຈາກວິກິດການການເງິນສາກົນ,ຜົນກຳໄລທີ່ໄດ້ຮັບແລະຈຳນວນໃບສັ່ງຈອງສິນຄ້າຂອງວິສາຫະກິດຕົ່ງກວນລ້ວນແຕ່ຫຼຸດລົງຫຼາຍ.
ຕາມການສຳຫຼວດຂອງເມືອງຕົ່ງກວນ, ປີນີ້, ວິສາຫະກິດຂອງເມືອງດັ່ງກ່າວມີ 30% ຂາດທຶນ, 20% ໄດ້ກຳໄລເລັກໜ້ອຍ, ມີພຽງແຕ່ 50% ຮັກສາການໄດ້ກຳໄລໃນລະດັບເກົ່າໄວ້ໄດ້, ສ່ວນເມື່ອກ່ອນ, ມີວິສາຫະກິດປະມານ 90% ໄດ້ກຳໄລ. ທ່ານວາງຕ້າວພີງ ເຈົ້າໜ້າທີ່ເມືອງຕົ່ງກວນກ່າວວ່າ, ວິກິດການການເງິນເທື່ອນີ້ເຮັດໃຫ້ວິສາຫະກິດເມືອງຕົ່ງກວນຜັນແຍກຢ່າງເດັ່ນຊັດ, ວິສາຫະກິດຈຳນວນໜຶ່ງລົ້ມລະລາຍ, ອີກຈຳນວນໜຶ່ງຍັງສືບຕໍ່ຜະລິດຄືເກົ່າ. ບໍລິສັດອິສເທິເອເລັກໂຕຼນິກຈຳກັດຂອງເມືອງຕົ່ງກວນກໍ່ແມ່ນວິສາຫະກິດທີ່ຍັງໄປໄດ້ດີຄືເກົ່າ, ວິສາຫະກິດນີ້ເປັນວິສາຫະກິດໄຮເທັກທີ່ມີຊື່ສຽງຂອງຈີນ, ແມ່ນວິສາຫະກິດສະໜອງເຄື່ອງກຳເນີດໄຟຟ້າຂອງຍານອະວະກາດ "ເຊີນໂຈ່ວ" ບັນທຸກມະນຸດຂອງຈີນແລະກໍ່ແມ່ນວິສາຫະກິດສະໜອງເຄື່ອງກຳເນີດໄຟຟ້າຂອງໂຄງການສຳຄັນລະດັບຊາດຕ່າງໆ, ເຊັ່ນ: ສະໜາມກິລາຮັງນົກ, ທາງລົດໄຟຊິ່ງໄຮຕິເບດເປັນຕົ້ນ. ດ້ວຍຄວາມສາມາດຄົ້ນຄວ້າຜະລິດເອງທີ່ແຂງແຮງ, ໃນຫຼາຍປີມານີ້, ອັດຕາຄອບຄອງຕະຫຼາດຂອງຜະລິດຕະພັນຂອງບໍລິສັດດັ່ງກ່າວໄດ້ຢູ່ແຖວໜ້າຂອງໂລກ. ທ່ານເຮີຊືໂມ ປະທານບໍລິສັດດັ່ງກ່າວກ່າວວ່າ: "ທີ່ຈິງແລ້ວ, ວິກິດການເງິນເທື່ອນີ້ເຮັດໃຫ້ວິສາຫະກິດເມືອງຕົ່ງກວນເສຍຫາຍຈຳນວນໜຶ່ງ, ແຕ່ວິສາຫະກິດເຫຼົ່ານີ້ສ່ວນຫຼາຍຜະລິດສິນຄ້າໃຫ້ວິສາຫະກິດອື່ນ, ບໍ່ມີການປະດິດສ້າງໂດຍຕົນເອງແລະບໍ່ມີຍີ່ຫໍ້ຂອງຕົນ. ແຕ່ສຳລັບວິສາຫະກິດອິສເທີ ທີ່ມີເຕັກນິກແລະມີຍີ່ຫໍ້ຂອງຕົນເອງ, ມີຕະຫຼາດຢູ່ໃນໂລກແລະພາຍໃນປະເທດນັ້ນ, ສ່ວນຫຼາຍບໍ່ໄດ້ຮັບຜົນກະທົບຫຍັງ".
ວິສາຫະກິດຕ່າງໆມີສະພາບຕ່າງກັນໃນວິກິດການການເງິນ ໄດ້ສ່ອງແສງໃຫ້ເຫັນທິດພັດທະນາຂອງວິສາຫະກິດ.ທີ່ຈິງແລ້ວ,ຫຼາຍປີຜ່ານມາ,ເຂດສາມຫຼ່ຽມແມ່ນ້ຳຈູ່ຈ່ຽງຂອງຈີນ ເຊິ່ງລວມທັງເມືອງຕົ່ງກວນໄດ້ຊຸກຍູ້ການປະດິດສ້າງຂອງວິສາຫະກິດແລະຊຸກຍູ້ການຍົກລະດັບຂອງອຸດສາຫະກຳຢູ່ສະເໝີ.ພາຍຫຼັງວິກິດການການເງິນເກີດຂຶ້ນແລ້ວ,ນະຄອນຕົ່ງກວນໄດ້ວາງມາດຕະການຫຼາຍຢ່າງເພື່ອຊຸກຍູ້ການຍົກລະດັບຂອງອຸດສາຫະກຳ.ຕົວ ຢ່າງຄື ລົງທຶນ1ຕື້ຢວນສ້າງຕັ້ງກອງທຶນໃຫ້ວິສາຫະກິດພັດທະນາແລະປ່ຽນຮູບແບບ,ຍັງໄດ້ລົງທຶນ1ຕື້ຢວນເພື່ອສະໜອງການຮັບປະກັນໃຫ້ການຊອກທຶນຂອງວິສາຫະກິດ.ທ່ານວາງເຕົ້າພີງກ່າວວ່າ,"ວິກິດການການເງິນໄດ້ນຳເອົາຄວາມຫຍຸ້ງຍາກມາໃຫ້,ແຕ່ຖ້າວ່າພວກເຮົາຮັບມືກັບມັນໄດ້ດີ,ມັນອາດຈະກາຍເປັນໂອກາດພັດທະນາຂອງພວກເຮົາ.ເມືອງຕົ່ງກວນພວກເຮົາມີຄວາມໝັ້ນໃຈຢ່າງພຽງພໍຕໍ່ອະນາຄົດ."
