ທ່ານໂຈ່ວຢົງຄ່າງກ່າວເນັ້ນວ່າ ກວາງຊີຕ້ອງນຳໜ້າບັນລຸເປົ້າໝາຍເພື່ອໃຫ້ເຫຼືອກິນເຫຼືອໃຊ້ຢ່າງຮອບດ້ານຢູ່ເຂດພາກຕາເວັນຕົກ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ2 ທັນວານີ້,ໃນງານສະຫຼອງເຂດປົກຄອງຕົນເອງເຜົ່າຈວ້ງກວາງຊີສ້າງຕັ້ງຂຶ້ນຄົບຮອບ50ປີ,ທີ່ຈັດຂຶ້ນຢູ່ປັກກິ່ງທ່ານໂຈ່ວຢົງຄ່າງ ກຳມະການປະຈຳກົມການເມືອງສູນກາງພັກກອມມູນິດຈີນ,ເລຂາທິການຄະນະກຳມະການການເມືອງກົດໝາຍສູນກາງພັກກອມມູນິດຈີນກ່າວເນັ້ນວ່າ,ເຂດກວາງຊີຕ້ອງເສີມຂະຫຍາຍທ່າແຮງຂອງຕົນເອງ,ຊຸກຍູ້ເສດຖະກິດສັງຄົມໃຫ້ພັດທະນາທັງດີທັງໄວ,ພະຍາຍາມນຳໜ້າບັນລຸເປົ້າໝາຍສູ້ຊົນເພື່ອໃຫ້ເຫຼືອກິນເຫຼືອໃຊ້ຢ່າງຮອບດ້ານຢູ່ພາກຕາເວັນຕົກຂອງຈີນ.
ທ່ານໂຈ່ວຢົງຄ່າງໄດ້ຢືນຢັນຢ່າງເຕັມທີ່ຕໍ່ຜົນສຳເລັດອັນໃຫຍ່ຫຼວງເຂດປົກຄອງຕົນເອງເຜົ່າຈ້ວງກວາງຊີໃນດ້ານພັດທະນາເສດຖະກິດສັງຄົມນັບແຕ່ສ້າງສ້າງຕັ້ງຂຶ້ນເປັນຕົ້ນມາ.ທ່ານກ່າວເນັ້ນວ່າ,ກວາງຊີຕ້ອງຈັບໂອກາດປະຫວັດສາດເຊັ່ນການລົງເລິກປະຕິບັດຫາຍາກທີ່ຍຸດທະສາດບຸກເບີກພາກຕາເວັນຕົກຢ່າງຂະໜາດໃຫຍ່,ການໄຂປະຕູພັດທະນາເຂດເສດຖະກິດອ່າວພາກເໜືອ,ການຂ້ຽວເລັ່ງສ້າງສາເຂດການຄ້າເສລີຈີນອາຊຽນ,ສ້າງເຂດກວາງຊີໃຫ້ເປັນຖານະ,ຈໍລະຈອນສິນຄ້າ,ຖານການຄ້າຖານຜະລິດປຸງແຕ່ງສິນຄ້າແລະສູນແລກປ່ຽນຂໍ້ມູນຂ່າວສານ.
