ຈີນຍິນດີເພີ່ມທະວີການສະໜັບສະໜູນຕໍ່ປະເທດພວມພັດທະນາທີ່ຖືກຜົນກະທົບຈາກວິກິດການການເງິນ
-----------------------------------------------------------------------------------------------------------------
ຕາມຂ່າວcri:ວັນທີ4 ທັນວານີ້,ຢູ່ພະນົມເປັນ,ທ່ານເຈຍຊິ້ງລິນ ປະທານສະພາເປິກສາການເມືອງແຫ່ງຊາດຈີນທີ່ພວມຢ້ຽມຢາມກຳປູເຈຍຢ່າງເປັນທາງການແລະໄມຕີຈິດໄດ້ ກ່າວ ວ່າ,ຈີນຍິນດີເພີ່ມທະວີການສະໜັບສະໜູນຕໍ່ປະເທດພວມພັດທະນາທີ່ຖືກຜົນກະທົບຈາກວິກິດການການເງິນ.
ທ່ານເຈຍຊິ້ງລິນແມ່ນໃຫ້ທັດສະນະດັ່ງກ່າວໃນເວລາກ່າວປາຖະກະພາໃນກອງປະຊຸມສະຫຼອງຈີນກັບກຳປູເຈຍສ້າງການພົວພັນການທູດຄົບຮອບ50ປີ.ທ່ານກ່າວວ່າ,ຈີນຍິນດີສືບຕໍ່ໃຫ້ທ່າທີຮັບຜິດຊອບ,ເຂົ້າຮ່ວມການຮ່ວມມືສາກົນທີ່ຮັກສາການເງິນສາກົນໃຫ້ມີຄວາມໝັ້ນທ່ຽງ,ຊຸກຍູ້ເສດຖະກິດໂລກພັດທະນາ,ສະໜັບສະໜູນສະຖາບັນການເງິນສາກົນເພີ່ມທະວີຄວາມສາມາດລະດົມທຶນ.
ໃນການກ່າວປາຖະກະຖາທີ່ມີຫົວຂໍ້ວ່າ"ປັບປຸງມິດຕະພາບອັນມີມູນເຊື້ອ,ຮ່ວມກັບສ້າງອະນາຄົດອັນດີງາມ",ທ່ານເຈຍຊິ້ງລິນກ່າວວ່າ,ລັດຖະບານຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນລະຫວ່າງຈີນກຳປູເຈຍ,ຍິນດີ ພ້ອມກັບຝ່າຍກຳປູເຈຍ,ທຳຄວາມພະຍາຍາມຊຸກຍູ້ການພົວພັນໝູ່ຄູ່ຮ່ວມມືຮອບດ້ານລະຫວ່າງຈີນກຳປູເຈຍພັດທະນາຢ່າງຍາວນານແລະປອດໃສຕື່ມອີກ,ເຮັດໃຫ້ປະຊາຊົນສອງຊາດເປັນເພື່ອນມິດທີ່ດີ,ອ້າຍນ້ອງທີ່ດີ, ບ້ານໃກ້ເຮືອນຄຽງທີ່ດີ,ແລະໝຼ່ຄູ່ທີ່ດີຈົນເທົ່າໃດໆ.
