ອົງການທະເລສາກົນອອກຄຳເຕືອນກ່ຽວກັບການເຄື່ອນໄຫວຂອງໂຈນສະລັດໃກ້ປະເທດມະເລເຊຍ
-----------------------------------------------------------------------------------------------------------------
ຕາມຂ່າວສານຊິນຮວາ, ວັນທີ 7 ທັນວານີ້,ອົງການທະເລສາກົນຫຼື IMB ໄດ້ອອກຄຳເຕືອນຕໍ່ຂະແຫນງການຂົນສົ່ງທາງເຮືອ,ຄວນລະວັງການເຄື່ອນໄຫວໂຈນສະລັດ ຢູ່ຝັ່ງທະເລພາກຕາເວັນອອກສຽງໃຕ້ຂອງມະເລເຊຍ
ເຈົ້າຫນ້າທີ່ຂອງສູນລາຍງານການເຄື່ອນໄຫວໂຈນສະລັດຂອງອົງການທະເລສາກົນທີ່ຕັ້ງຢູ່ນະຄອນຫຼວງກົວລາລຳເປີຂອງມະເລເຊຍກ່າວວ່າ ປີນີ້ຢູ່ຝັ່ງທະເລຂອງພາກຕາເວັນອອກສຽງໃຕ້ຂອງມະເລເຊຍໄດ້ເກີດເຫດການໂຈນສະລັດຫຼອນໂຈມຕີກຳປັ່ນ 4 ເທື່ອ, ຕຳຫຼວດມະເລເຊຍສົງໄສວ່າເປັນຝີມືຂອງແມ່ນໂຈນສະລັດກຸ່ມຫນຶ່ງ. ຍ້ອນໄດ້ຮັບຜົນສະທ້ອນຈາກວິກິດການການເງິນຂອງທົ່ວໂລກ, ການເຄື່ອນໄຫວໂຈນສະລັດໃນພາກພື້ນອາຊີອາຄະເນອາດຈະເພີ່ມຂຶ້ນ.
ວັນທີ 1 ທັນວານີ້, ເຮືອລາກແກ່ກຳປັ່ນລຳຫນຶ່ງຈະໄປເຖິງໄທໄດ້ຖືກໂຈນສະລັດໂຈມຕີຢູ່ເຂດທະເລພາກຕາເວັນອອກຂອງມະເລເຊຍ, ໂຈນສະລັດ ປຸ້ນເອົາເງິນສົດແລະມືຖືຂອງລູກເຮືອ, ແຕ່ບໍ່ມີຄົນເສຍຊີວິດແລະບາດເຈັບ
