ຈີນຮຽກຮ້ອງໃຫ້ປະຊາຄົມໂລກຟັງຄວາມໃນໃຈຂອງຊາວເຜົ່າຕິເບດຈີນທີ່ຄັດຄ້ານການແບ່ງແຍກປະເທດຊາດ

(GMT+08:00) 2008-12-10 18:20:13 cri
-----------------------------------------------------------------------------------------------------------------

ຕາມຂ່າວສານຊິນຮວາ,ວັນທີ9ທັນວານີ້,ຢູ່ວໍຊິງຕັນ,ທ່ານຊືທາ ຮອງຫົວໜ້າຄະນະແນວໂຮມສູນກາງພັກກອມມູນິດຈີນທີ່ພວມຢ້ຽມຢາມອາເມລິກາກ່າວວ່າ,ໃນນາມເປັນຊາວເຜົ່າຕິເບດຜູ່ໜຶ່ງ,ທ່ານຢາກໃຫ້ປະຊາຄົມໂລກຟັງຄວາມໃນໃຈຂອງຊາວເຜົ່າຕິເບດຂອງຈີນຄືຄັດຄ້ານເຈຕະນາໃດໆກໍ່ຕາມທີ່ໃຫ້ຕິເບດເປັນເອກະລາດບໍ່ວ່າດ້ວຍຮູບແບບໃດແລະແບ່ງແຍກປະເທດຊາດ,ເຮັດໃຫ້ຕິເບດເກີດມີການຖ້ອຍຫຼັງຄືນສູ່ປະຫວັດສາດ.

ວັນທີ9ທັນວານີ້, ທ່ານຊື່ທາພ້ອມດ້ວຍຄະນະໄດ້ຈັດງານຖະແຫຼງຂ່າວຢູ່ສະຖານທູດຈີນປະຈຳອາເມລິກາ,ແຈ້ງໃຫ້ສື່ມວນຊົນຈີນແລະອາເມລິກາຊາບເຖິງສະພາບກ່ຽວກັບການເຈລະຈາຮອບຫຼ້າສຸດລະຫວ່າງລັດຖະບານກາງຈີນກັບຜູ່ຕາງໜ້າສ່ວນຕົວຂອງດາໄລລາມະ.ທ່ານກ່າວວ່າ,ດາໄລລາມະສະເໜີບົດບັນທຶກຄວາມເຂົ້າໃຈເພື່ອໃຫ້ຊາວຕິເບດທຸກຖ້ວນໜ້າປົກຄອງຕົນເອງຢ່າງແທ້ຈິງ,ເວົ້າໃນດ້ານໜ້າແລ້ວແມ່ນຮຽກຮ້ອງໃຫ້ມີການປົກຄອງຕົນເອງ,ແຕ່ໃນດ້ານທາດແທ້ກໍ່ແມ່ນຮຽກຮ້ອງເອກະລາດທາງການເມືອງ,ອັນໄດ້ຝ່າຝືນຂໍ້ກຳນົດທີ່ກ່ຽວຂ້ອງຂອງລັດຖະທຳມະນູນຈີນ,ເຊິ່ງເຮັດໃຫ້ການເຈລະຈາເທື່ອນີ້ບໍ່ໄດ້ຮັບຜົນຫຍັງ.

ໃນເວລາກ່າວເຖິງບັນຫາກ່ຽວກັບບາງປະເທດສວຍໃຊ້ບັນຫາຕິເບດແຊກແຊງວຽກງານພາຍໃນຂອງຈີນ,ທ່ານຊືທາກ່າວເນັ້ນວ່າ,ກຳລັງພາຍນອກໃດໆກໍ່ຕາມທີ່ເພີ່ມແຮງກົດດັນຕໍ່ຈີນໃນບັນຫາຕິເບດມີແຕ່ຈະທຳລາຍການພົວພັນລະຫວ່າງດາໄລລາມະກັບຈີນ,ແລະເຮັດໃຫ້ເຂົາຫ່າງເຫີນອອກຈາກປະເທດຊາດນັບມື້ນັບໄກອອກໄປເທົ່ານັ້ນ,ບໍ່ມີຜົນດີ ຕໍ່ການແກ້ໄຂບັນຫາຕິເບດ.

ຂ່າວ-ບົດທີ່ກ່ຽວຂ້ອງ

ຄຳເຫັນ