ອາເມລິກາແລະຣັດເຊຍຍັງບໍ່ມີຄວາມເຫັນເປັນເອກະສັນກັນກ່ຽວກັບການຕ້ານລູກສອນໄຟນຳວິຖີ

(GMT+08:00) 2008-12-16 16:55:10 cri
-----------------------------------------------------------------------------------------------------------------

ຕາມຂ່າວCRI: ວັນທີ 15 ທັນວານີ້ຢູ່ທີ່ມົສກູ, ທ່ານຊີເອີຈີດຈ໌ ຣີອັບຄັອຟ ລັດຖະມົນຕີຊ່ອຍວ່າການກະຊວງການຕ່າງປະເທດຣັດເຊຍ, ຫົວໜ້າຝ່າຍຣັດເຊຍຂອງໜ່ວຍງານຕ້ານລູກສອນໄຟນຳວິຖີຣັດເຊຍກັບອາເມລິກາກ່າວວ່າ, ໃນການປຶກສາຫາລືສອງຝ່າຍປະຈຳທີ່ຈັດຂຶ້ນໃນວັນທີ 15 ທັນວານີ້, ຣັດເຊຍແລະອາເມລິກາບໍ່ໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບການຕ້ານລູກສອນໄຟນຳວິຖີແລະບັນຫາສົນທິສັນຍາຫຼຸດອາວຸຍຸດທະສາດ. ນີ້ໝາຍຄວາມວ່າບັນຫາຕ້ານລູກສອນໄຟນຳວິຖີທີ່ສະກັດກັ້ນການຂະຫຍາຍການພົວພັນລະຫວ່າງຣັດເຊຍກັບອາເມລິກາມາໂດຍຕະຫຼອດນັ້ນບໍ່ສາມາດໄດ້ຮັບການແກ້ໄຂໃນອາຍຸຕຳແໜ່ງຂອງປະທານາທິບໍດີຈອຈ໌ ບຸສ໌.

ນັບແຕ່ຣັດເຊຍແລະອາເມລິກາເຊັນສົນທິສັນຍາຫຼຸດອາວຸດຍຸດທະສາດທີ່ມີລັກສະນະໂຈມຕີໄລຍະທີໜຶ່ງເມື່ອປີ 1991 ເປັນຕົ້ນມາ, ສອງຝ່າຍມີຄວາມເຫັນແຕກຕ່າງກັນເພີ່ມຂຶ້ນເລື້ອຍໆ, ໃນບັນຫາເຊັນສົນທິສັນຍາສະບັບໃໝ່, ເຖິງວ່າປຶກສາຫາລືຫຼາຍເທື່ອແລ້ວ, ແຕ່ຍ້ອນຫຼັກໝັ້ນພື້ນຖານຂອງສອງຝ່າຍບໍ່ມີການປ່ຽນແປງ, ໃນບັນຫາຂໍກະແຈຂອງການປຶກສາຫາລືລະຫວ່າງສອງຝ່າຍບໍ່ມີຄວາມຄືບໜ້າຫຼາຍ. ອາເມລິກາມີຄວາມເຫັນມາໂດຍຕະຫຼອດວ່າຕັ້ງລະບົບຕ້ານລູກສອນໄຟນຳວິຖີຢູ່ເອີລົບບໍ່ແມ່ນແນໃສ່ຣັດເຊຍ, ແລະຈະບໍ່ສ້າງໄພຂົ່ມຂູ່ຕໍ່ຣັດເຊຍ, ແຕ່ຣັດເຊຍມີທ່າທີຄັດຄ້ານຕະຫຼອດມາ, ແລະເຫັນວ່າອາເມລິກາຕັ້ງລະບົບຕ້ານລູກສອນໄຟນຳວິຖີຈະຂົ່ມຂູ່ຕໍ່ຄວາມປອດໄພແຫ່ງຊາດຂອງຣັດເຊຍ, ສະນັ້ນພາຍໃຕ້ສະພາບການທີ່ອາເມລິກາຍຶດຖືຄວາມເຫັນຕ້ອງຕິດຕັ້ງລະບົບຕ້ານລູກສອນໄຟນຳວິຖີຢູ່ເອີລົບ, ສອງຝ່າຍກໍຕົກລົງກັນຍາກຫຼາຍກ່ຽວກັບບັນຫາສຳຄັນເຊັ່ນຮ່ວມກັນປະເມີນໄພຂົ່ມຂູ່ຂອງລູກສອນໄຟນຳວິຖີ, ອະນຸມັດໃຫ້ມີຜູ້ຊ່ຽວຊານຂອງຣັດເຊຍປະຈຳຢູ່ຖານທັບຕ້ານລູກສອນໄຟນຳວິຖີຂອງອາເມລິກາແລະຕັ້ງລະບົບຕ້ານລູກສອນໄຟນຳວິຖີເປັນສະພາບທີ່ບໍ່ຢູ່ໃນທ່າກຽມພ້ອມໃນເວລາບໍ່ມີໄພຂົ່ມຂູ່ດ້ານລູກສອນໄຟນຳວິຖີ.

ອັນທີສອງ, ກ່ຽວກັບບັນຫາສົນທິສັນຍາຫຼຸດອາວຸດຍຸດທະສາດທີ່ມີລັກສະນະໂຈມຕີສະບັບໃໝ່, ສອງຝ່າຍມີຄວາມເຫັນແຕກຕ່າງກັນດ້ານເນື້ອໃນແລະຮູບການຄືເກົ່າ.

ຣັດເຊຍມີຄວາມເຫັນໃຫ້ສົນທິສັນຍາສະບັບໃໝ່ຄວນຮັກສາມາດຕາທີ່ມີຜົນປະໂຫຍດແລະຄວາມຈຳເປັນໃນສົນທິສັນຍາຕັດຮອນອາວຸດຍຸດທະສາດລັກສະນະບຸກໂຈມຕີຂັ້ນຕອນທີໜຶ່ງນັ້ນໄວ້,ນັ້ນກໍ່ຄື ບໍ່ພຽງແຕ່ຕັດຮອນຫົວລະເບີດນິວເຄຼຍທໍ່ນັ້ນ,ຍັງຄວນຕັດຮອນຈຳນວນພາຫະນະຂົນສົ່ງອີກດ້ວຍ,ແລະຫົວລະເບີດນິວເຄຼຍທີ່ຕັດຮອນນັ້ນຄວນທຳ ລາຍໃຫ້ໝົດ.ນອກນີ້,ຍັງຄວນເພີ່ມທະວີການຕິດຕາມກວດກາຕໍ່ສະພາບການປະຕິບັດສົນທິສັນຍາ.ສ່ວນອາເມລິກາມີຄວາມເຫັນວ່າ,ລູກສອນໄຟນຳວິຖີທະວີບສູ່ທະວີບທີ່ຕັດຮອນອອກນັ້ນສາມາດໃຊ້ເຂົ້າໃນການສົ່ງດາວທຽມ,ບໍ່ຕ້ອງທຳລາຍຖິ້ມ.ນັກວິເຄາະເຫັນວ່າ,ອາເມລິກາຫວັງໃຫ້ສົນທິສັນຍາສະບັບໃໝ່ຄວນຮັບປະກັນໃຫ້ອາເມລິກາມີຄວາມຄ່ອງຕົວຫຼາຍ,ສ່ວນຣັດເຊຍພັດຫວັງໃຫ້ສົນທິສັນຍາສາມາດຜູກມັດໄດ້ຫຼາຍທີ່ສຸດເພື່ອສະກັດກັ້ນທ່າແຮງດ້ານນິວເຄຼຍຂອງອາເມລິກາ.

ເຖິງວ່າສອງຝ່າຍບໍ່ໄດ້ບັນລຸຄວາມເຫັນເປັນເອກະສັນກັນໃນການປຶກສາຫາລືຮອບໃໝ່ກໍ່ຕາມ,ແຕ່ນັກສັງເກດການເຫັນວ່າ,ພາຍຫຼັງເກີດວິກິດການໂອເຊເທຍໃຕ້ແລ້ວ,ຣັດເຊຍອາເມລິກາທີ່ມີການພົວພັນຊຸດໂຊມລົງນັ້ນສາມາດມານັ່ງເຈລະຈາກັນດ້ວຍໃຈເຢັນຄືນໃໝ່,ຄົ້ນຄວ້າປຶກສາຫາລືບັນຫາຕ່າງໆທີ່ສົນໃຈຮ່ວມກັນ ເປັນຕົ້ນວ່າ ການຕ້ານລູກສອນໄຟນຳວິຖີແລະຕັດຮອນອາວຸດຍຸດທະສາດລັກສະນະບຸກໂຈມຕີ,ເລື່ອງນີ້ກໍ່ເປັນສິ່ງທີ່ດີແລ້ວ. ຍ້ອນວ່າການປຶກສາຫາລືຄັ້ງນີ້ຈັດຂຶ້ນໃນຂະນະທີ່ລັດຖະບານບຸສຈະໝົດອາຍຸຕຳແໜ່ງແລະລັດຖະບານໃໝ່ໃກ້ຈະຂຶ້ນຮັບຕຳແໜ່ງ,ລັດຖະບານໃໝ່ຂອງອາເມລິກາຈະມີນະໂຍບາຍແນວໃດຕໍ່ຣັດເຊຍກໍ່ຍັງບໍ່ແຈ້ງເທຶ່ອ,ສະນັ້ນສອງຝ່າຍບໍ່ໄດ້ບັນລຸຄວາມເຫັນເປັນເອກະສັນກັນແມ່ນບໍ່ນອກເໜືອຄວາມຄາດຄິດ.ແຕ່ວ່າ,ບໍ່ຕ້ອງສົງໄສເລີຍວ່າ,ການປຶກສາຫາລືຄັ້ງນີ້ສາມາດເສີມຂະຫຍາຍບົດບາດຕິດຕໍ່ພົວພັນເພື່ອແກ້ໄຂບັນຫາຕ້ານລູກສອນໄຟນຳວິຖີແລະຕັດຮອນຫົວລະເບີດນິວເຄຼຍລະຫວ່າງຣັດເຊຍກັບອາເມລິກາໃນຕໍ່ໜ້າ.

ຂ່າວ-ບົດທີ່ກ່ຽວຂ້ອງ

ຄຳເຫັນ