ກຸ່ມຮາມາສປະກາດວ່າສັນຍາຢຸດຍິງທີ່ກາຊາສິ້ນສຸດລົງແລ້ວ
-----------------------------------------------------------------------------------------------------------------
ຕາມຂ່າວCRI: ຕອນຄ່ຳວັນທີ18ທັນວານີ້ 4ກຸ່ມຄື ຮາມາສ ຈີຮັດ ແນວໂຮມປົດປ່ອຍປະຊາຊົນປາເລັສຕີນ ແລະແນວໂຮມປະຊາທິປະໄຕປົດປ່ອຍປາເລັສຕີນໄດ້ຈັດກອງປະຊຸມ,ຫຼັງກອງປະຊຸມ ທ່ານໄອມານ ທາຮາ ເຈົ້າໜ້າທີ່ກຸ່ມຮາມາສໄດ້ຖະແຫຼງການຮ່ວມຕໍ່ສື່ມວນຊົນວ່າ,ສັນຍາຢຸດຍິງລະຫວ່າງກຸ່ມປະກອບອາວຸດປາເລັສຕີນກັບອິສລະແອນທີ່ມີເອຢິບເປັນຜູ່ໄກ່ເກ່ຍແລະເລີ່ມບັງຄັບໃຊ້ໃນວັນທີ19ມິຖຸນາປີນີ້ນັ້ນຈະໝົດອາຍຸໃນວັນທີ19ທັນວານີ້,ຍ້ອນວ່າອິສລະແອນບໍ່ໄດ້ປະຕິບັດຄຳໝັ້ນສັນຍາຂອງຕົນ,ບໍ່ໄດ້ຍົກເລີກການປິດລ້ອມເຂດກາຊາໃນໄລຍະຢຸດຍິງ,ແລະກໍ່ບໍ່ໄດ້ຢຸດເຊົາການໂຈມຕີເຂດກາຊາທາງການທະຫານ,ສະນັ້ນ, ສັນຍາຢຸດຍິງລະຫວ່າງສອງຝ່າຍໄດ້ສິ້ນສຸດລົງແລ້ວ,ໄລຍະສະຫງົບຈະບໍ່ມີແລ້ວ
ນັກວິເຄາະຊີ້ອອກວ່າ,ທີ່ຈິງແລ້ວ,ສັນຍາຢຸດຍິງລະຫວ່າງກຸ່ມປະກອບອາວຸດປາແລັດສະຕິນກັບອິດສະລະແອນໄດ້ຖືກທຳລາຍມາດົນແລ້ວ.ວັນທີ4ເດືອນພະຈິກຜ່ານມານີ້,ກອງທະຫານອິດສະລະແອນກໍ່ການໂຈມຕີທາງອາກາດແລະທາງໜ້າດິນຕໍ່ເຂດກາຊາ,ເຊິ່ງພາໃຫ້ກຸ່ມປະກອບອາວຸດຕ່າງໆ ເປັນຕົ້ນວ່າກຸ່ມຮາມາສ໌ແກ້ແຄ້ນດ້ວຍກຳລັງອາວຸດຢ່າງຂະໜາດໃຫຍ່.ເມື່ອເຂົ້າສູ່ເດືອນທັນວານີ້ແລ້ວ,ຄຳເວົ້າຂອງອິດສະລະແອນແຂງກະດ້າງຂຶ້ນຕື່ມ,ຈາກການ"ປະເມີນສະຖານະການຢຸດຍິງຄືນໃໝ່"ຮອດ"ການໃຊ້ວິທີທີ່ແຂງກະດ້າງຕໍ່ການໂຈມຕີຂອງກຸ່ມປະກອບອາວຸດປາແລັດສະຕິນ"ແລ້ວ"ໃຊ້ການຕອບໂຕ້ທາງການທະ ຫານຕໍ່ການໂຈມຕີ".ແຕ່ວັນທີ17ທັນວານີ້ມານີ້,ທຸກໆເທື່ອຖືກໂຈມຕີດ້ວຍລູກສອນໄຟຈາກກຸ່ມປະກອບອາວຸດທີ່ກາຊາ,ອິດສະລະແອນກໍ່ຕ້ອງມີການຕອບໂຕ້ຄືນ.ມາຮອດນີ້,ສອງຝ່າຍໄດ້ຫ່າງຈາກການຢຸດຍິງນັບມື້ນັບໄກອອກໄປແລ້ວ,ໃນທີ່ສຸດ,ກຸ່ມຮາມາສ໌ປະກາດບໍ່ຕໍ່ເວລາຢຸດຍິງກໍ່ແມ່ນເລື່ອງທີ່ບໍ່ເໜືອຄວາມຄາດຄິດ.
ພາຍຫຼັງສັນຍາຢຸດຍິງສິ້ນສຸດແລ້ວ,ຈະແກ້ໄຂການພົວພັນລະຫວ່າງສອງຝ່າຍແນວໃດໄດ້ກາຍເປັນບັນຫາທີ່ອ່ອນໄຫວທີ່ສຸດຂອງປາແລັດສະຕິນກັບອິດສະລະແອນ.ນັກວິເຄາະຊີ້ອອກວ່າ,ກ່ຽວກັບບັນຫານີ້,ຄວາມເຫັນທີ່ວ່າ "ປາເລັດສະຕິນກັບອິດສະລະແອນບໍ່ມີສັນຕິພາບກໍ່ຕ້ອງມີສົງຄາມ"ນັ້ນຟັງເບິ່ງຄືຮຸນແຮງເກີນໄປໂພດ.
ເພາະວ່າ,ການສະແດງທ່າທີແລະການເຄື່ອນໄຫວຂອງສອງຝ່າຍໃນປັດຈຸບັນຍັງມີການອົດກັ້ນກັນຢູ່.ອີກອັນໜຶ່ງ,ການສະແດງທ່າທີແຂງກະດ້າງແລະການໂຕ້ຕອບຂອງສອງຝ່າຍກໍ່ລ້ວນແຕ່ມີສາເຫດ.ໄລຍະດຳລົງຕຳແໜ່ງຂອງທ່ານມາມູດ ອາບາສ ປະທານອົງການອຳນາດແຫ່ງຊາດປາເລັສຕິນຈະໝົດອາຍຸດຳລົງຕ່ຳແໜ່ງໃນຕົ້ນເດືອນມັງກອນປີໜ້າ,ພາຍໃຕ້ສະພາບແນວນີ້,ກຸ່ມຮາມາສຢາກຈະສວຍໃຊ້ຄວາມແຂງກະດ້າງໃນບັນຫາຢຸດຍິງ,ສືບຕໍ່ຮັກສາພາບພົດທີ່"ຕໍ່ຕ້ານການຍຶດຄອງຂອງອິສຣາແອນ"ຂອງກຸ່ມຕົນ,ປັບປຸງຖານະບົດບາດຂອງຕົນໃນໃຈຂອງຄົນປາເລັສຕິນ.ສ່ວນຝ່າຍອິສຣາແອນ,ຫວ່າງມໍ່ໆນີ້,ຜູ່ນຳຂອງອີສຣາແອນທີ່ຕ້ອງການໃຫ້ມີການເຈລະຈາສັນຕິພາບຄືທ່ານຈີປີ ລີຟນີ ລັດຖະມົນຕີວ່າການກະຊວງການຕ່າງປະເທດ,ປະທານພັກກ້າວໜ້າໄດ້ກ່າວຄຳປາໄສທີ່ມີທ່າທີແຂງກະດ້າງເລື້ອຍໆ,ທີ່ຈິງແລ້ວແມ່ນຍ້ອນວ່າການເລືອກຕັ້ງສະພາອິສຣາແອນຈະມາເຖິງ.ມີທ່າທີອັນແຂງກະດ້າງພໍດ້າມພໍດີ,ອາດຈະສາມາດຍົກສູງກຳລັງໃຈຄົນ,ແຕ່ການເຄື່ອນໄຫວທາງການທະຫານຕົວຈິງ,ຕ້ອງພິຈາລະນາຢ່າງຖີ່ຖ້ວນ.
ດຽວນີ້ໃກ້ຈະໝົດປີແລ້ວ,ວັນບຸນອັນສຳຄັນຄືບຸນຈານູຄາຂອງຄົນຢິວ(ວັນທີ21ຫາວັນທີ29 ທັນວາ),ວັນຄຼິສມັສ(ວັນທີ24ຫາວັນທີ31ທັນວາ)ແລະປີໃໝ່ມູສລິມ(ວັນທີ29ທັນວາ)ຈະມາຮອດ,ປັດໄຈຕ່າງໆເຊັ່ນຮີດຄອງປະເພນີແລະວັດທະນະທຳກໍ່ຈະກະທົບສະພາບການໃນປັດຈຸບັນ.ຖ້າບໍ່ມີເຫດການສຳຄັນທີ່ກ່ຽວພັນເຖິງສະພາບຄວາມໝັ້ນຄົງປ່ຽນແປງເກີດຂຶ້ນ,ອິສຣາແອນແລະກຸ່ມປະກອບອາວຸດປາເລັສຕິນກາຊາຍັງຈະສາມາດຮັກສາຄວາມສະຫງົບໄດ້ໃນໄລຍະໜຶ່ງ.
