ນາຍົກຜູ້ໃໝ່ຂອງໄທປະເຊີນໜ້າກັບການທົດສອບທີ່ຂ້ຽວຂາດ
(GMT+08:00) 2008-12-29 14:25:21 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI, ຕອນຄ່ຳວັນທີ28ທັນວານີ້, ກຸ່ມແນວໂຮມປະຊາທິປະໄຕຕໍ່ຕ້ານພະເດັດການແຫ່ງຊາດຫຼື ກຸ່ມນ.ປ.ຊ. ເຊິ່ງເປັນກຸ່ມການເມືອງພົນລະເຮືອນຕ້ານລັດຖະບານຂອງໄທທີ່ສະໜັບສະໜູນທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທໄດ້ຈັດການປະທ້ວງຕ້ານລັດຖະບານຂະໜາດໃຫຍ່ຢູ່ສະໜາມຫຼວງບາງກອກແລະຢູ່ຕໍ່ໜ້າຕຶກລັດຖະສະພາ, ຮຽກຮ້ອງໃຫ້ຄະນະລັດຖະບານໃໝ່ທີ່ນຳໂດຍທ່ານອະພິສິດ ເວດຊາຊີວະລາອອກຈາກຕຳແໜ່ງແລະຍຸບສະພາຜູ້ແທນລາຊະດອນ. ນັກວິເຄາະເຫັນວ່າ, ນີ້ເຮັດໃຫ້ທ່ານອະພິສິດ ນາຍົກທີ່ຫາກໍ່ໄດ້ຮັບການແຕ່ງຕັ້ງໃໝ່ຂອງໄທແລະລັດຖະບານໃໝ່ໄດ້ປະເຊີນກັບການທົດສອບທີ່ຂ້ຽວຂາດຮອບໃໝ່.
ເລີ່ມຈາກຕອນບ່າຍວັນທີ28ທັນວານີ້, ສະມາຊິກແລະຜູ້ສະໜັບສະໜູນກຸ່ມນ.ປ.ຊ.ຫຼືກຸ່ມເສື້ອແດງເລີ່ມໂຮມຊຸມນຸມປະທ້ວງຢູ່ສະໜາມຫຼວງບາງກອກແລະຖະໜົນຢູ່ຕໍ່ໜ້າຕຶກລັດຖະສະພາ. ຜູ້ນຳຂອງກຸ່ມນ.ປ.ຊ.ກ່າວວ່າ, ນັບແຕ່ວັນທີ28ທັນວານີ້, ການປະທ້ວງເທື່ອນີ້ຈະດຳເນີນໄປເປັນເວລາ3ວັນ, ຈຸດປະສົງຕົ້ນຕໍແມ່ນສະກັດກັ້ນບໍ່ໃຫ້ທ່ານອະພິສິດຖະແຫຼງນະໂຍບາຍຕໍ່ລັດຖະສະພາ.
ວັນທີ15ທັນວານີ້, ໃນກອງປະຊຸມພິເສດກ່ຽວກັບການເລືອກນາຍົກລັດຖະມົນຕີທີ່ຈັດຂຶ້ນຢູ່ສະພາຜູ້ແທນລາຊະດອນ, ທ່ານອະພິສິດ ຫົວໜ້າພັກປະຊາທິປັດຂອງໄທໄດ້ເອົາຊະນະຜູ້ສະໝັກຮັບເລືອກຕັ້ງເປັນນາຍົກລັດຖະມົນຕີຂອງພັກປະຊາລາດ, ໄດ້ຮັບເລືອກຕັ້ງເປັນນາຍົກລັດຖະມົນຕີຄົນທີ27ຂອງໄທ, ໄດ້ທຳລາຍສະພາບທີ່ທ່ານທັກສິນແລະພັນທະມິດຂອງທ່ານທັກສິນທີ່ກຳອຳນາດຂອງໄທໃນຫຼາຍປີມໍ່ໆມານີ້. ອີງຕາມແຜນການ, ທ່ານອະພິສິດຈະຖະແຫຼງນະໂຍບາຍຂອງລັດຖະບານໃນວັນທີ29ແລະວັນທີ30ທັນວານີ້. ຖ້ານະໂຍບາຍດັ່ງກ່າວໄດ້ຮັບຜ່ານໃນລັດຖະສະພາ, ຄະນະລັດຖະບານໃໝ່ຈະເລີ່ມປະຕິບັດໜ້າທີ່ຢ່າງເປັນທາງການ.
ຫຼັງຈາກການປະທ້ວງຕ້ານທ່ານອະພິສິດຮັບເລືອກຕັ້ງເປັນນາຍົກລັດຖະມົນຕີບໍ່ສຳເລັດຜົນ, ວັນທີ28ທັນວານີ້, ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດທີ່ສະໜັບສະໜູນທ່ານທັກສິນ ຊິນນະວັດໄດ້ຈັດການໂຮມຊຸມນຸມປະທ້ວງຂະໜາດໃຫຍ່. ກ່ອນນີ້ກຸ່ມດັ່ງກ່າວກໍ່ໄດ້ກ່າວວ່າ, ຖ້າວ່າພັກປະຊາທິປັດຂຶ້ນກຳອຳນາດ, ເຂົາເຈົ້າກໍ່ຈະເຮັດຄືກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງທີ່ຄັດຄ້ານທ່ານທັກສິນ, ຈັດການຊຸມນຸມຕໍ່ຕ້ານລັດຖະບານ, ໄປຈົນກວ່າຈະສາມາດໂຄ່ນລົ້ມລັດຖະບານຂອງພັກປະຊາທິປັດໄດ້.
ຫຼັງຈາກທີ່ມີຄວາມສະຫງົບມາໄດ້ໄລຍະໜຶ່ງ, ສະຖານະການການເມືອງຂອງໄທໄດ້ກັບຄືນສູ່ຄວາມປັ່ນປ່ວນອີກ.
ນັກວິຈານເຫັນວ່າ, ພາຍໃຕ້ການຕໍ່ຕ້ານຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດ, ນະໂຍບາຍການປົກຄອງຂອງທ່ານອະພິສິດອາດຈະຕອບສະໜອງກັບຄວາມຮຽກຮ້ອງຂອງປະຊາຊົນໄທ, ແລະມີການຜ່ອນສັ້ນຜ່ອນຍາວຈຳນວນໜຶ່ງ, ແຕ່ວ່າ ພາຍໃຕ້ສະພາບການເປັນປໍລະປັກກັນລະຫວ່າງກຸ່ມພັກຝ່າຍຕ່າງໆທີ່ຮຸນແຮງທີ່ສຸດນັ້ນ, ຜູ້ຄັດຄ້ານຈະຮັບເອົາຄວາມພະຍາຍາມຂອງທ່ານອະພິສິດຫຼືບໍ່, ເປັນເລື່ອງທີ່ຕ້ອງຕິດຕາມຕໍ່ໄປ.
ເລີ່ມຈາກຕອນບ່າຍວັນທີ28ທັນວານີ້, ສະມາຊິກແລະຜູ້ສະໜັບສະໜູນກຸ່ມນ.ປ.ຊ.ຫຼືກຸ່ມເສື້ອແດງເລີ່ມໂຮມຊຸມນຸມປະທ້ວງຢູ່ສະໜາມຫຼວງບາງກອກແລະຖະໜົນຢູ່ຕໍ່ໜ້າຕຶກລັດຖະສະພາ. ຜູ້ນຳຂອງກຸ່ມນ.ປ.ຊ.ກ່າວວ່າ, ນັບແຕ່ວັນທີ28ທັນວານີ້, ການປະທ້ວງເທື່ອນີ້ຈະດຳເນີນໄປເປັນເວລາ3ວັນ, ຈຸດປະສົງຕົ້ນຕໍແມ່ນສະກັດກັ້ນບໍ່ໃຫ້ທ່ານອະພິສິດຖະແຫຼງນະໂຍບາຍຕໍ່ລັດຖະສະພາ.
ວັນທີ15ທັນວານີ້, ໃນກອງປະຊຸມພິເສດກ່ຽວກັບການເລືອກນາຍົກລັດຖະມົນຕີທີ່ຈັດຂຶ້ນຢູ່ສະພາຜູ້ແທນລາຊະດອນ, ທ່ານອະພິສິດ ຫົວໜ້າພັກປະຊາທິປັດຂອງໄທໄດ້ເອົາຊະນະຜູ້ສະໝັກຮັບເລືອກຕັ້ງເປັນນາຍົກລັດຖະມົນຕີຂອງພັກປະຊາລາດ, ໄດ້ຮັບເລືອກຕັ້ງເປັນນາຍົກລັດຖະມົນຕີຄົນທີ27ຂອງໄທ, ໄດ້ທຳລາຍສະພາບທີ່ທ່ານທັກສິນແລະພັນທະມິດຂອງທ່ານທັກສິນທີ່ກຳອຳນາດຂອງໄທໃນຫຼາຍປີມໍ່ໆມານີ້. ອີງຕາມແຜນການ, ທ່ານອະພິສິດຈະຖະແຫຼງນະໂຍບາຍຂອງລັດຖະບານໃນວັນທີ29ແລະວັນທີ30ທັນວານີ້. ຖ້ານະໂຍບາຍດັ່ງກ່າວໄດ້ຮັບຜ່ານໃນລັດຖະສະພາ, ຄະນະລັດຖະບານໃໝ່ຈະເລີ່ມປະຕິບັດໜ້າທີ່ຢ່າງເປັນທາງການ.
ຫຼັງຈາກການປະທ້ວງຕ້ານທ່ານອະພິສິດຮັບເລືອກຕັ້ງເປັນນາຍົກລັດຖະມົນຕີບໍ່ສຳເລັດຜົນ, ວັນທີ28ທັນວານີ້, ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດທີ່ສະໜັບສະໜູນທ່ານທັກສິນ ຊິນນະວັດໄດ້ຈັດການໂຮມຊຸມນຸມປະທ້ວງຂະໜາດໃຫຍ່. ກ່ອນນີ້ກຸ່ມດັ່ງກ່າວກໍ່ໄດ້ກ່າວວ່າ, ຖ້າວ່າພັກປະຊາທິປັດຂຶ້ນກຳອຳນາດ, ເຂົາເຈົ້າກໍ່ຈະເຮັດຄືກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງທີ່ຄັດຄ້ານທ່ານທັກສິນ, ຈັດການຊຸມນຸມຕໍ່ຕ້ານລັດຖະບານ, ໄປຈົນກວ່າຈະສາມາດໂຄ່ນລົ້ມລັດຖະບານຂອງພັກປະຊາທິປັດໄດ້.
ຫຼັງຈາກທີ່ມີຄວາມສະຫງົບມາໄດ້ໄລຍະໜຶ່ງ, ສະຖານະການການເມືອງຂອງໄທໄດ້ກັບຄືນສູ່ຄວາມປັ່ນປ່ວນອີກ.
ນັກວິຈານເຫັນວ່າ, ພາຍໃຕ້ການຕໍ່ຕ້ານຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດ, ນະໂຍບາຍການປົກຄອງຂອງທ່ານອະພິສິດອາດຈະຕອບສະໜອງກັບຄວາມຮຽກຮ້ອງຂອງປະຊາຊົນໄທ, ແລະມີການຜ່ອນສັ້ນຜ່ອນຍາວຈຳນວນໜຶ່ງ, ແຕ່ວ່າ ພາຍໃຕ້ສະພາບການເປັນປໍລະປັກກັນລະຫວ່າງກຸ່ມພັກຝ່າຍຕ່າງໆທີ່ຮຸນແຮງທີ່ສຸດນັ້ນ, ຜູ້ຄັດຄ້ານຈະຮັບເອົາຄວາມພະຍາຍາມຂອງທ່ານອະພິສິດຫຼືບໍ່, ເປັນເລື່ອງທີ່ຕ້ອງຕິດຕາມຕໍ່ໄປ.
ຂ່າວ-ບົດທີ່ກ່ຽວຂ້ອງ
ຄຳເຫັນ
