ລັດຖະບານຊຸດໃໝ່ຂອງໄທພົບກັບການປະທ້ວງຂອງກຸ່ມເສື້ອແດງ
(GMT+08:00) 2008-12-30 16:40:00 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI, ແຕ່ກ່ອນລັດຖະບານຊຸດໃໝ່ຂອງໄທຕົກລົງຈັດກອງປະຊຸມປະສົມວຸດທິສະພາແລະສະພາຜູ້ແທນລາດຊະດອນໃນວັນທີ29ທັນວານີ້ເພື່ອຖະແຫຼງນະໂຍບາຍຂອງລັດຖະບານ, ແຕ່ຍ້ອນຜູ້ປະທ້ວງຕ້ານລັດຖະບານໄດ້ປິດລ້ອມຕຶກລັດຖະສະພາ, ກອງປະຊຸມຈຶ່ງຈຳເປັນຕ້ອງເລື່ອນເວລາ. ເທື່ອນີ້ຜູ້ປິດລ້ອມຕຶກລັດຖະສະພາແມ່ນກຸ່ມເສື້ອແດງທີ່ສະໜັບສະໜູນທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທ, ເຂົາເຈົ້າຈັດການປະທ້ວງພາຍໃຕ້ການນຳພາຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດ, ຮຽກຮ້ອງໃຫ້ທ່ານອະພິສິດ ເວດຊາຊີວະ ນາຍົກລັດຖະມົນຕີໄທຍຸບສະພາ, ແລະຈັດການເລືອກຕັ້ງທົ່ວໄປຄືນໃໝ່.
ປະຈຸບັນ, ຜູ້ປະທ້ວງຍັງແນໃສ່ທ່ານກະສິດ ພິລົມ ລັດຖະມົນຕີວ່າການກະຊວງການຕ່າງປະເທດຜູ້ໃໝ່ຂອງໄທ. ເພາະໃນຫຼາຍເດືອນທີ່ຜ່ານມາ, ທ່ານກະສິດເຄື່ອນໄຫວຢ່າງຟົດຟື້ນທີ່ສຸດໃນການປະທ້ວງຕ້ານລັດຖະບານຂອງກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງ, ແລະເຄີຍສະໜັບສະໜູນການກະທຳຂອງກຸ່ມດັ່ງກ່າວທີ່ຍຶດສະໜາມບິນຢ່າງເປີດແປນ. ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດເຫັນວ່າ, ທ່ານກະສິດດຳລົງຕຳແໜ່ງລັດຖະມົນຕີການຕ່າງປະເທດ, ສະແດງໃຫ້ເຫັນວ່າ, ລັດຖະບານທີ່ນຳໂດຍພັກປະຊາທິປັດແມ່ນ"ລັດຖະບານຂອງກຸ່ມພັນທະມິດປະຊາຊົນເພື່ອປະຊາທິປະໄຕ" ແລະ "ລັດຖະບານຂອງພວກກໍ່ການຮ້າຍ". ມື້ດຽວກັນ, ພັກເພື່ອແຜ່ນດິນ ພັກຝ່າຍຄ້ານສຳຄັນໃນລັດຖະສະພາໄທກໍ່ຍື່ນຄຳຟ້ອງຟ້ອງທ່ານກະສິດຕໍ່ສານ.
ທີ່ຈິງແລ້ວ, ການກະທຳຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດທີ່ປິດລ້ອມລັດຖະສະພາແມ່ນຄືກັນກັບຍຸດໂທບາຍຂອງກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງເມື່ອສອງເດືອນກ່ອນ. ພັກປະຊາທິປັດຂຶ້ນກຳອຳນາດ, ກໍປະເຊີນກັບການປະທ້ວງຕໍ່ຕ້ານລັດຖະບານຢ່າງຂະໜາດໃຫຍ່ກ່ອນເພິ່ນ, ສິ່ງທີ່ຕ່າງກັນນັ້ນແມ່ນ, ເທື່ອນີ້ຜູ້ປະທ້ວງຕາມຖະໜົນຫົນທາງແມ່ນກຸ່ມເສື້ອແດງທີ່ສະໜັບສະໜູນທັກສິນ. ໃນຫຼາຍປີມານີ້, ຄວາມຂັດແຍ່ງດ້ານການເມືອງຂອງໄທແມ່ນໝູນອ້ອມບັນຫາຈະ"ເອົາທັກສິນຫຼືບໍ່". ເຖິງວ່າປະຈຸບັນອິດທິພົນຂອງທ່ານທັກສິນຕົກຕ່ຳ, ແຕ່ປະຊາຊົນຈຳນວນຫຼວງຫຼາຍຍັງບໍ່ໄດ້ລືມທ່ານທັກສິນ ຊິນນະວັດ ອະດີດນາຍົກລັດຖະມົນຕີທີ່ປະຕິບັດນະໂຍບາຍປະຊານິຍົມແລະນຳເອົາຜົນປະໂຫຍດຕົວຈິງມາໃຫ້ປະຊາຊົນຜູ້ທຸກຍາກ. ສະນັ້ນການປະທ້ວງຂອງກຸ່ມເສື້ອແດງຈຶ່ງບໍ່ແມ່ນບໍ່ມີສັນຍານລ່ວງໜ້າ.
ນັກວິເຄາະເຫັນວ່າ, ການຕໍ່ຕ້ານຂອງກຸ່ມເສື້ອແດງໄດ້ສະແດງສຽງຂອງປະຊາຊົນທີ່ທຸກຍາກແທ້ໆ, ແຕ່ວ່າເຂົາເຈົ້າບໍ່ອາດຈະດຳເນີນການປະທ້ວງຕາມຖະໜົນເປັນເວລາຫຼາຍເດືອນຄືກຸ່ມພັນທະມິດປະຊາຊົນເພື່ອປະຊາທິປະໄຕ. ຖ້າລັດຖະບານອະພິສິດສືບຕໍ່ໃຊ້ນະໂຍບາຍປະຊານິຍົມຄືລັດຖະບານທັກສິນ, ແລະຫຼີກເວັ້ນການປະທະກັນໂດຍກົງກັບກຸ່ມເສື້ອແດງແລ້ວ, ການປະທ້ວງຂອງກຸ່ມເສື້ອແດງກໍ່ຈະໝົດໄປເອງ.
ປະຈຸບັນ, ຜູ້ປະທ້ວງຍັງແນໃສ່ທ່ານກະສິດ ພິລົມ ລັດຖະມົນຕີວ່າການກະຊວງການຕ່າງປະເທດຜູ້ໃໝ່ຂອງໄທ. ເພາະໃນຫຼາຍເດືອນທີ່ຜ່ານມາ, ທ່ານກະສິດເຄື່ອນໄຫວຢ່າງຟົດຟື້ນທີ່ສຸດໃນການປະທ້ວງຕ້ານລັດຖະບານຂອງກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງ, ແລະເຄີຍສະໜັບສະໜູນການກະທຳຂອງກຸ່ມດັ່ງກ່າວທີ່ຍຶດສະໜາມບິນຢ່າງເປີດແປນ. ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດເຫັນວ່າ, ທ່ານກະສິດດຳລົງຕຳແໜ່ງລັດຖະມົນຕີການຕ່າງປະເທດ, ສະແດງໃຫ້ເຫັນວ່າ, ລັດຖະບານທີ່ນຳໂດຍພັກປະຊາທິປັດແມ່ນ"ລັດຖະບານຂອງກຸ່ມພັນທະມິດປະຊາຊົນເພື່ອປະຊາທິປະໄຕ" ແລະ "ລັດຖະບານຂອງພວກກໍ່ການຮ້າຍ". ມື້ດຽວກັນ, ພັກເພື່ອແຜ່ນດິນ ພັກຝ່າຍຄ້ານສຳຄັນໃນລັດຖະສະພາໄທກໍ່ຍື່ນຄຳຟ້ອງຟ້ອງທ່ານກະສິດຕໍ່ສານ.
ທີ່ຈິງແລ້ວ, ການກະທຳຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດທີ່ປິດລ້ອມລັດຖະສະພາແມ່ນຄືກັນກັບຍຸດໂທບາຍຂອງກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງເມື່ອສອງເດືອນກ່ອນ. ພັກປະຊາທິປັດຂຶ້ນກຳອຳນາດ, ກໍປະເຊີນກັບການປະທ້ວງຕໍ່ຕ້ານລັດຖະບານຢ່າງຂະໜາດໃຫຍ່ກ່ອນເພິ່ນ, ສິ່ງທີ່ຕ່າງກັນນັ້ນແມ່ນ, ເທື່ອນີ້ຜູ້ປະທ້ວງຕາມຖະໜົນຫົນທາງແມ່ນກຸ່ມເສື້ອແດງທີ່ສະໜັບສະໜູນທັກສິນ. ໃນຫຼາຍປີມານີ້, ຄວາມຂັດແຍ່ງດ້ານການເມືອງຂອງໄທແມ່ນໝູນອ້ອມບັນຫາຈະ"ເອົາທັກສິນຫຼືບໍ່". ເຖິງວ່າປະຈຸບັນອິດທິພົນຂອງທ່ານທັກສິນຕົກຕ່ຳ, ແຕ່ປະຊາຊົນຈຳນວນຫຼວງຫຼາຍຍັງບໍ່ໄດ້ລືມທ່ານທັກສິນ ຊິນນະວັດ ອະດີດນາຍົກລັດຖະມົນຕີທີ່ປະຕິບັດນະໂຍບາຍປະຊານິຍົມແລະນຳເອົາຜົນປະໂຫຍດຕົວຈິງມາໃຫ້ປະຊາຊົນຜູ້ທຸກຍາກ. ສະນັ້ນການປະທ້ວງຂອງກຸ່ມເສື້ອແດງຈຶ່ງບໍ່ແມ່ນບໍ່ມີສັນຍານລ່ວງໜ້າ.
ນັກວິເຄາະເຫັນວ່າ, ການຕໍ່ຕ້ານຂອງກຸ່ມເສື້ອແດງໄດ້ສະແດງສຽງຂອງປະຊາຊົນທີ່ທຸກຍາກແທ້ໆ, ແຕ່ວ່າເຂົາເຈົ້າບໍ່ອາດຈະດຳເນີນການປະທ້ວງຕາມຖະໜົນເປັນເວລາຫຼາຍເດືອນຄືກຸ່ມພັນທະມິດປະຊາຊົນເພື່ອປະຊາທິປະໄຕ. ຖ້າລັດຖະບານອະພິສິດສືບຕໍ່ໃຊ້ນະໂຍບາຍປະຊານິຍົມຄືລັດຖະບານທັກສິນ, ແລະຫຼີກເວັ້ນການປະທະກັນໂດຍກົງກັບກຸ່ມເສື້ອແດງແລ້ວ, ການປະທ້ວງຂອງກຸ່ມເສື້ອແດງກໍ່ຈະໝົດໄປເອງ.
ຂ່າວ-ບົດທີ່ກ່ຽວຂ້ອງ
ຄຳເຫັນ
