ສະພາບການທີ່ທໍລະມານຢູ່ກາຊາຍ້ອນສົງຄາມ
-----------------------------------------------------------------------------------------------------------------
ຕາມຂ່າວcri:ນັບແຕ່ອິສຣາແອນລິເລີ່ມດຳເນີນການເຄື່ອນໄຫວທາງທະຫານຕໍ່ກາຊາໃນວັນທີ27ທັນວາປີກາຍນີ້,ການປະທະກັນທີ່ຮ້າຍແຮງຂຶ້ນລະຫວ່າງອິສຣາແອນກັບອົງການຮາມາສເຮັດໃຫ້ຊີວິດການເປັນຢູ່ຂອງປະຊາຊົນທີ່ຖືກປິດລ້ອມຢູ່ກາຊາມາດົນແລ້ວນີ້ຍິ່ງລຳບາກກວ່າເກົ່າ.ຂາດໄຟຟ້າ ຂາດນ້ຳ ຂາດອາຫານ ຂາດແພດຂາດຢາ ຂາດຄວາມປອດໄພແລະອື່ນໆ.ນີ້ກໍ່ແມ່ນສະພາບການຕົວຈິງຂອງເມືອງກາຊາໃນໄລຍະທີ່ທໍລະມານທີ່ສຸດຍ້ອນສົງຄາມ.ປະຊາຊົນຢູ່ເຂດກາຊາໄດ້ຜ່ານວັນທີ່ບໍ່ມີໄຟຟ້າມາຫຼາຍມື້ແລ້ວ.
ເນື່ອງຈາກສົງຄາມ,ໂຮງງານຜະລິດໄຟຟ້າທີ່ຮັບຜິດຊອບການຕອບສະໜອງພະລັງໄຟຟ້າຂອງເຂດພາກເໜືອກາຊາຈຳເປັນຕ້ອງໃຫ້ອັດໂຮງງານຍ້ອນເຊື້ອໄຟຟ້າຂາດເຂີນ.ນອກນີ້,ສາຍສົ່ງໄຟຟ້າ6ສາຍໃນ10ສາຍທີ່ຈາກອິສຣາແອນແລະ1ໃນ2ສາຍທີ່ຈາກເອຢິບ,ລ້ວນແຕ່ໄດ້ຖືກທຳລາຍຍ້ອນສົງຄາມ.ປະຈຸບັນ,ທຽນໄຂໄດ້ກາຍເປັນສິນຄ້າທີ່ຂາດຕະຫຼາດ.ໃນຕອນກາງຄືນ,ປະຊາຊົນຢ້ານລະເບີດທີ່ຈະເຮັດໃຫ້ແກ້ວແຕກກະຈາຍແລະເຮັດໃຫ້ຜູ້ຄົນໄດ້ຮັບບາດເຈັບ,ສະນັ້ນ,ປ່ອງຢ້ຽມຂອງເຮືອນປະຊາຊົນລ້ວນແຕ່ເປີດໄວ້.ແຕ່ປະຊາຊົນກໍ່ຕ້ອງອົດທົນຕໍ່ລົມໜາວທີ່ພັດມາຈາກທາງນອກ.ປະຈຸບັນ ການສະໜອງໄຟຟ້າຢູ່ໂຮງໝໍກາຊາມີແຕ່ມາຈາກຈັກໄຟຟ້າຢູ່ໃນໂຮງໝໍທັງໝົດ.ໃນການປະທະກັນທີ່ຮ້າຍແຮງທີ່ສຸດທີ່ເກີດຂຶ້ນຢູ່ກາຊາໃນຮອບ50ປີມານີ້,ມີຫຼາຍຄົນເສຍຊີວິດແລະໄດ້ຮັບບາດເຈັບ ເຮັດໃຫ້ຜ້າພັນບາດ.ຢາຕ້ານເຊື້ອ ຢາແກ້ເຈັບປວດ ຢາສັກກັນພະຍາດບາດທະຍັກຢູ່ໂຮງໝໍກໍ່ລ້ວນແຕ່ຂາດເຂີນໜັກ.
ຢູ່ເຂດກາຊາ, ອາຫານຂາດເຂີນ, ເຂົ້າຈີ່ທີ່ເປັນອາຫານຫຼັກຢູ່ແຫ່ງນັ້ນຊື້ຍາກຫຼາຍ, ປະຈຸບັນ, ຢູ່ກາຊາ ມີຮ້ານເຂົ້າຈີ່ພຽງແຕ່ 2 ຮ້ານຍັງເປີດຢູ່, ຜູ່ລຽນແຖວທີ່ລໍຖ້າຊື້ເຂົ້າຈີ່ຍາວຢຽດ,ປະຊາຊົນຕ້ອງຢືນຢູ່ຕໍ່ຫນ້າຮ້ານນີ້ເປັນເວລາຫຼາຍຊົ່ວໂມງ, ຈຶ່ງໄດ້ຊື້ອາຫານຫນ້ອຍດຽວດ້ວຍລາຄາທີ່ສູງກວ່າກ່ອນສົງຄາມເຖິງ 2 ເທົ່າ.
ປະຈຸບັນ, ແຕ່ລະຄອບຄົວຢູ່ກາຊາ ມີນ້ຳດື່ມພຽງແຕ່ເຄິ່ງລິດຕໍ່ມື້ເທົ່ານັ້ນ. ຍ້ອນບໍ່ມີໄຟຟ້າ ,ປ້ຳສູບນ້ຳຈຶ່ງໃຊ້ວຽກບໍ່ໄດ້, ກັອກນ້ຳຢູ່ຫຼາຍແຫ່ງບໍ່ມີນ້ຳໄພໍຢອດເລີຍ.
ປະຈຸບັນ,ຢູ່ແຖບກາຊາ ມີປະຊາຊົນ 1 ລ້ານ 5 ແສນຄົນ, ວັດຖຸສິ່ງຂອງທີ່ໃຊ້ໃນຊີວິດປະຈຳວັນຂອງປະຊາຊົນ 80% ຕ້ອງອາໄສຄວາມຊ່ອຍເຫຼືອຈາກສະຫະປະຊາຊາດແລະອົງການຊ່ອຍເຫຼືອສາກົນອື່ນ. ອາຫານທີ່ເປັນພື້ນຖານທີ່ສຸດເຊັ່ນ ເຂົ້າສານ ແປ້ງ ນ້ຳມັນປຸງແຕ່ງ ແລະອາຫານອື່ນໆ ລ້ວນແຕ່ແມ່ນອົງການເຫຼົ່ານີ້ປ່ອຍໃຫ້. ແຕ່ຍ້ອນອິດສະລະແອນ ໂຈມຕີຢ່າງຕໍ່ເນື່ອງ ແລະເກີດການປະທະກັນຢູ່ແຫ່ງນີ້, ວຽກງານຂອງອົງການຊ່ອຍເຫຼືອທີ່ຂົນສົ່ງເຄື່ອງຊ່ອຍໄປໃຫ້ຈຶ່ງຖືກກະທົບຫຼາຍປ່ອຍໃຫ້ວັດຖຸເຫຼົ່ານີ້ກໍໄດ້ຖືກຜົນກະທົບຫຼາຍ.
ຜູ່ຮັບຜິດຊອບເຂດປາເລັສຕີນຂອງຫ້ອງການປະສານງານວຽກງານດ້ານມະນຸດສະທຳສະຫະປະຊາຊາດກ່າວວ່າ: ຢູ່ເຂດກາຊາ ເກີດມີວິກິດການດ້ານ ມະນຸດສະທຳ. ວິກິດການທີ່ຄົນທັງຫຼາຍຢູ່ແຫ່ງນີ້ພວມປະເຊີນກັບນັ້ນແມ່ນບໍ່ເຄີຍມີມາກ່ອນ.
