ປະຊາຄົມໂລກສືບຕໍ່ຊຸກຍູ້ການຢຸດຍິງໃນເຂດກາຊາ
-----------------------------------------------------------------------------------------------------------------
ວັນທີ 8 ມັງກອນນີ້, ປະຊາຄົມໂລກສືບຕໍ່ທຳຄວາມພະຍາຍາມເພື່ອເຮັດໃຫ້ເຂດກາຊາບັນລຸການຢຸດຍິງ. ພ້ອມກັນນັ້ນ, ການສູ້ຣົບລະຫວ່າງອິສຣາແອນກັບອົງການຮາມັສຢູ່ເຂດກາຊາກໍ່ເລີ່ມໜ້ອຍລົງ, ເຖິງວ່າທ່ານເອຮຸດ ໂອເມີດ ນາຍົກລັດຖະມົນຕີອິສຣາແອນຍັງກ່າວຢ້ຳວ່າ"ບໍ່ໄດ້ບັນລຸເປົ້າໝາຍຂອງການເຄື່ອນໄຫວ", ແຕ່ໃຈກາງຂອງການຕໍ່ສູ້ເລີ່ມຍ້າຍໄປຮອດການຕໍ່ລາຄາກັນໃນເງື່ອນໄຂຢຸດຍິງເປັນເທື່ອລະກ້າວ.
ວັນທີ 8 ມັງກອນນີ້, ທ່ານອາມົສ ຈີລັດ ຫົວໜ້າກົມຄວາມປອດໄພແລະພົວພັນຕ່າງປະເທດຂອງກະຊວງປ້ອງກັນປະເທດອິສຣາແອນແລະທ່ານຊາລົມ ທູຈີເມັນ ທີ່ປຶກສາຊັ້ນສູງຂອງນາຍົກລັດຖະມົນຕີໄປຮອດເລີແກ ນະຄອນຫຼວງເອຢິບ, ປຶກສາກັບເອຢິບກ່ຽວກັບແຜນການຢຸດຍິງເອຢິບ-ຝລັ່ງ. ສ່ວນກອງປະກອບອາວຸດປາເລັສຕິນ, 8 ກຸ່ມລວມທັງອົງການຮາມັສແລະອົງການເຈຮັດເປັນຕົ້ນກໍໄດ້ຈັດກອງປະຊຸມຢູ່ດາມັສ ນະຄອນຫຼວງຊີລີ, ແລະໄດ້ອອກຖະແຫຼງການ. ເຖິງວ່າເບິ່ງຈາກດ້ານນອກ, ຄວາມຮຽກຮ້ອງຂອງກຸ່ມປະກອບອາວຸດປາເລັສຕິນກັບອິສຣາແອນຍັງມີຄວາມເຫັນແຕກຕ່າງກັນຢ່າງໃຫຍ່ຫຼວງໃນບັນຫາຢຸດຍິງກໍຕາມ, ແຕ່ຖ້າທຽບກັບຄວາມເວົ້າທີ່"ບໍ່ຜ່ອນສັ້ນຜ່ອນຍາວຢ່າງເດັດຂາດ, ສູ້ຣົບຈົນຮອດສຸດທ້າຍ"ໃນເມື່ອກ່ອນ, ເນື້ອໃນຂອງມັນກໍເລີ່ມຕິດກັບເງື່ອນໄຂຢຸດຍິງອັນລະອຽດແລ້ວ
ກ່ອນໜ້ານີ້ຫຼາຍປະເທດເຊັນອາເມລິກາເປັນຕົ້ນຄັດຄ້ານສະພາຄວາມໝັ້ນຄົງຜ່ານຮັບຮອງມະຕິກ່ຽວກັບບັນລຸການຢຸດຍິງຢູ່ເຂດກາຊາໃນທັນທີ່ຕະຫຼອດມາ, ແຕ່ຮອດປະຈຸບັນກໍ່ໄດ້ເພີ່ມທະວີທຳຄວາມພະຍາຍາມເພື່ອຊຸກຍູ້ສອງຝ່າຍປະທະກັນບັນລຸຢຸດຍິງກັນໃນທັນທີ. ວັນທີ 8 ມັງກອນນີ້, ຜູ້ຕາງໜ້າປະເທດອາລັບແລະປະເທດສຳຄັນຝ່າຍຕາເວັນຕົກໄດ້ກ້າວເຖິງຄວາມເຫັນເປັນເອກະສັນກັນໃນດ້ານເນື້ອໃນຂອງຮ່າງມະຕິ. ທ່ານມິລີປັນດ ລັດຖະມົນຕີວ່າການກະຊວງການຕ່າງປະເທດອັງກິດປະກາດວ່າ, ຕອນຄ່ຳວັນທີ 8 ມັງກອນນີ້ສະພາຄວາມໝັ້ນຄົງຈະປ່ອນບັດລົງຄະແນນສຽງກ່ຽວກັບຮ່າງມະຕິສະບັບນີ້ກ່ຽວກັບຢຸດຍິງກັນຢູ່ເຂດກາຊາ.
ທ່ານໂອດິດ ເອຣັນ ຫົວໜ້າສະຖາບັນຄົ້ນຄວ້າຄວາມປອດໄພແຫ່ງຊາດອິສຣາແອນຄາດຄະເນໄປໃນແງ່ດີວ່າ, ເຖິງວ່າຈາກຮ່າງມະຕິຮອດມະຕິດທາງການກໍຄືຮອດແຜນການປະຕິບັດການຢຸດຍິງລະອຽດຍັງຕ້ອງການໄລຍະໜຶ່ງກໍຕາມ, ແຕ່ອິສຣາແອນແລະອົງການຮາມັສຍັງຈະຕໍ່ລາຄາກັນກ່ຽວກັບບເງື່ອນໄຂລະອຽດແລະບັນຫາປີກຍ່ອຍຂອງການຢຸດຍິງໃນອະນາຄົດ, ແຕ່ຖ້າວ່າການແລກປ່ຽນລະຫວ່າງຝ່າຍຕ່າງໆທີ່ກ່ຽວຂ້ອງໄດ້ດຳເນີນຢ່າງສະດວກ, ວິກິດການຢູ່ເຂດກາຊາໃນປະຈຸບັນມີຫວັງຈະໄດ້ຮັບການແກ້ໄຂກ່ອນທ່ານໂອບາມາ ຜູ້ຮັບເລືອກຕັ້ງເປັນປະທານາທິບໍດີອາເມລິກາຂຶ້ນດຳລົງຕຳແໜ່ງ.
