ກ່ຳປັ່ນອິນໂດເນເຊຍຫຼົ້ມຍ້ອນລົມພາຍຸ ມີ 200 ກວ່າຄົນຫາຍສາບສູນ
(GMT+08:00) 2009-01-12 11:21:37 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 11 ມັງກອນນີ້,ຢູ່ຈາກາກຕາ,ທ່ານຈູສມັນ ສຢາຟີ ຈາມານ ລັດຖະມົນຕີວ່າການກະຊວງຄົມມະນາຄົມອິນໂດເນເຊຍຢືນຢັນວ່າ,ກ່ຳປັ່ນລຳໜຶ່ງທີ່ບັນທຸກຜູ້ໂດຍສານປະມານ 250 ຄົນແລະລູກເຮືອ 17 ຄົນໄດ້ຫຼົ້ມຍ້ອນປະສົບລົມພາຍຸ,ມີ 200 ກວ່າຄົນຫາຍສາບສູນ.ປະຈຸບັນ,ການກູ້ໄພສຸກເສີນພວມດຳເນີນຕໍ່ໄປ.
ກ່ຳປັ່ນລຳນີ້ແມ່ນເລີ່ມອອກເດີນທາງໃນວັນທີ 10 ມັງກອນນີ້,ພາຍຫຼັງເດີນທາງໄດ້ປະມານ 50 ກິໂລແມັດກໍ່ໄດ້ສົ່ງຂ່າວໃຫ້ຮູ້ວ່າປະສົບລົມພາຍຸ.ຫຼັງຈາກນັ້ນ,ໄດ້ຈົມລົງໃນເວລາ 4 ໂມງວັນທີ 11 ມັງກອນນີ້ຕາມເວລາວຽງຈັນ.ສື່ມວນຊົນອິນໂດເນເຊຍອີງໃສ່ຄວາມເວົ້າຂອງຜູ້ລອດຊີວິດຜູ້ໜຶ່ງທີ່ກ່າວວ່າ,ກະແສຟອງທີ່ສູງເຖິງ 4 ແມັດໄດ້ເຮັດໃຫ້ກ່ຳປັ່ນຫຼົ້ມ.
ພາຍຫຼັງເກີດອຸປະຕິເຫດແລ້ວ,ອົງການທີ່ກ່ຽວຂ້ອງຂອງອິນໂດເນເຊຍໄດ້ສົ່ງໜ່ວຍກູ້ໄພສຸກເສີນແລະກອງລາດຕະເວນຂອງກອງທັບເຮືອໄປຄົ້ນຫາທັນທີ,ແຕ່ຍ້ອນວ່າໃນເວລາເກີດອຸປະຕິເຫດ,ຟ້າຍັງມືດຢູ່,ຄື້ນຟອງກໍ່ແຮງຫຼາຍ,ການກູ້ໄພເຮັດໄດ້ຊ້າຫຼາຍ.ຕາມຫົວໜ້າລູກເຮືອຂອງກ່ຳປັ່ນດັ່ງກ່າວລາຍງານວ່າ,ກ່ອນກ່ຳປັ່ນຈະຫຼົ້ມລົງ,ມີປະມານ 150 ຄົນໂດດເຮືອໜີຕາຍ.ຜູ້ໂດຍສານແລະລູກເຮືອ 18 ຄົນຂີ່ເຮືອນ້ອຍກູ້ໄພ 3 ລຳອອກໄປແລ້ວກໍ່ໄດ້ຮັບການຊ່ວຍເຫຼືອຈາກເຮືອປະໂມງ,ສ່ວນຜູ້ອື່ນໆຍັງບໍ່ທັນຮູ້ຊະຕາກຳ.
ອິນໂດເນເຊຍມີເກາະດອນ 1 ໝື່ນ 7 ພັນກວ່າແຫ່ງ,ແມ່ນປະເທດທີ່ມີເກາະດອນຫຼາຍກວ່າໝູ່ໃນໂລກ,ການຂົນສົ່ງສ່ວນຫຼາຍແມ່ນອາໄສການຂົນສົ່ງທາງທະເລແລະທາງນ້ຳ,ຕົ້ນຕໍແມ່ນອາໄສກ່ຳປັ່ນຂ້າມຟາກລະຫວ່າງເກາະດອນຕ່າງໆ.ແຕ່ວ່າ,ຍ້ອນກ່ຳປັ່ນຂາດອຸປະກອນປ້ອງກັນຄວາມປອດໄພທີ່ມີປະສິດທິພາບພຽງພໍ,ບວກກັບດິນຟ້າອາກາດບໍ່ດີຍ້ອນລົມພາຍຸແຖບຮ້ອນ,ພາໃຫ້ເກີດອຸປະຕິເຫດທາງທະເລເລື້ອຍໆ.ນັບແຕ່ປີ 2004 ຫາປີ 2006,ໄດ້ເກີດອຸປະຕິເຫດທາງທະເລໜັກ 6 ເທື່ອ,ໃນນັ້ນ,ໜັກທີ່ສຸດແມ່ນເກີດຂຶ້ນໃນວັນທີ 30 ທັນວາ 2006,ມີກ່ຳປັ່ນລຳໜຶ່ງທີ່ບັນທຸກ 600 ກວ່າຄົນຫຼົ້ມຍ້ອນລົມພາຍຸ,ຫຼັງຈາກຊອກຄົ້ນແລະກູ້ໄພຫຼາຍວັນ,ມີພຽງປະມານ 250 ຄົນລອດຊີວິດ.ຫຼັງຈາກນັ້ນບໍ່ເທົ່າໃດເດືອນ,ກ່ຳປັ່ນລຳໜຶ່ງທີ່ເດີນອອກຈາກຈາກາກຕາກໍ່ເກີດໄຟໄໝ້,ພາໃຫ້ 42 ຄົນເສຍຊີວິດ.
ກ່ຳປັ່ນຂອງອິນໂດເນເຊຍສ່ວນຫຼາຍໄດ້ໃຫ້ການບໍລິການມາດົນໂພດແລ້ວ,ແລະມີມາດຕະການຮັກສາຄວາມປອດໄພບໍ່ດີປານໃດ,ເຮັດໃຫ້ປະເທດນີ້ເກີດອຸປະຕິເຫດທາງທະເລທີ່ມີຫຼາຍສິບຫຼືຫຼາຍຮ້ອນຄົນເສຍຊີວິດຫຼືບາດເຈັບເລື້ອຍໆ.ລັດຖະບານອິນໂດເນເຊຍກໍ່ເຄີຍເຕືອນຫຼາຍເທື່ອວ່າ,ຕ້ອງເພີ່ມທະວີການຄຸ້ມຄອງຄວາມປອດໄພດ້ານຄົມມະນາຄົມ,ແຕ່ກໍ່ບໍ່ມີຫຍັງດີຂຶ້ນ.
ກ່ຳປັ່ນລຳນີ້ແມ່ນເລີ່ມອອກເດີນທາງໃນວັນທີ 10 ມັງກອນນີ້,ພາຍຫຼັງເດີນທາງໄດ້ປະມານ 50 ກິໂລແມັດກໍ່ໄດ້ສົ່ງຂ່າວໃຫ້ຮູ້ວ່າປະສົບລົມພາຍຸ.ຫຼັງຈາກນັ້ນ,ໄດ້ຈົມລົງໃນເວລາ 4 ໂມງວັນທີ 11 ມັງກອນນີ້ຕາມເວລາວຽງຈັນ.ສື່ມວນຊົນອິນໂດເນເຊຍອີງໃສ່ຄວາມເວົ້າຂອງຜູ້ລອດຊີວິດຜູ້ໜຶ່ງທີ່ກ່າວວ່າ,ກະແສຟອງທີ່ສູງເຖິງ 4 ແມັດໄດ້ເຮັດໃຫ້ກ່ຳປັ່ນຫຼົ້ມ.
ພາຍຫຼັງເກີດອຸປະຕິເຫດແລ້ວ,ອົງການທີ່ກ່ຽວຂ້ອງຂອງອິນໂດເນເຊຍໄດ້ສົ່ງໜ່ວຍກູ້ໄພສຸກເສີນແລະກອງລາດຕະເວນຂອງກອງທັບເຮືອໄປຄົ້ນຫາທັນທີ,ແຕ່ຍ້ອນວ່າໃນເວລາເກີດອຸປະຕິເຫດ,ຟ້າຍັງມືດຢູ່,ຄື້ນຟອງກໍ່ແຮງຫຼາຍ,ການກູ້ໄພເຮັດໄດ້ຊ້າຫຼາຍ.ຕາມຫົວໜ້າລູກເຮືອຂອງກ່ຳປັ່ນດັ່ງກ່າວລາຍງານວ່າ,ກ່ອນກ່ຳປັ່ນຈະຫຼົ້ມລົງ,ມີປະມານ 150 ຄົນໂດດເຮືອໜີຕາຍ.ຜູ້ໂດຍສານແລະລູກເຮືອ 18 ຄົນຂີ່ເຮືອນ້ອຍກູ້ໄພ 3 ລຳອອກໄປແລ້ວກໍ່ໄດ້ຮັບການຊ່ວຍເຫຼືອຈາກເຮືອປະໂມງ,ສ່ວນຜູ້ອື່ນໆຍັງບໍ່ທັນຮູ້ຊະຕາກຳ.
ອິນໂດເນເຊຍມີເກາະດອນ 1 ໝື່ນ 7 ພັນກວ່າແຫ່ງ,ແມ່ນປະເທດທີ່ມີເກາະດອນຫຼາຍກວ່າໝູ່ໃນໂລກ,ການຂົນສົ່ງສ່ວນຫຼາຍແມ່ນອາໄສການຂົນສົ່ງທາງທະເລແລະທາງນ້ຳ,ຕົ້ນຕໍແມ່ນອາໄສກ່ຳປັ່ນຂ້າມຟາກລະຫວ່າງເກາະດອນຕ່າງໆ.ແຕ່ວ່າ,ຍ້ອນກ່ຳປັ່ນຂາດອຸປະກອນປ້ອງກັນຄວາມປອດໄພທີ່ມີປະສິດທິພາບພຽງພໍ,ບວກກັບດິນຟ້າອາກາດບໍ່ດີຍ້ອນລົມພາຍຸແຖບຮ້ອນ,ພາໃຫ້ເກີດອຸປະຕິເຫດທາງທະເລເລື້ອຍໆ.ນັບແຕ່ປີ 2004 ຫາປີ 2006,ໄດ້ເກີດອຸປະຕິເຫດທາງທະເລໜັກ 6 ເທື່ອ,ໃນນັ້ນ,ໜັກທີ່ສຸດແມ່ນເກີດຂຶ້ນໃນວັນທີ 30 ທັນວາ 2006,ມີກ່ຳປັ່ນລຳໜຶ່ງທີ່ບັນທຸກ 600 ກວ່າຄົນຫຼົ້ມຍ້ອນລົມພາຍຸ,ຫຼັງຈາກຊອກຄົ້ນແລະກູ້ໄພຫຼາຍວັນ,ມີພຽງປະມານ 250 ຄົນລອດຊີວິດ.ຫຼັງຈາກນັ້ນບໍ່ເທົ່າໃດເດືອນ,ກ່ຳປັ່ນລຳໜຶ່ງທີ່ເດີນອອກຈາກຈາກາກຕາກໍ່ເກີດໄຟໄໝ້,ພາໃຫ້ 42 ຄົນເສຍຊີວິດ.
ກ່ຳປັ່ນຂອງອິນໂດເນເຊຍສ່ວນຫຼາຍໄດ້ໃຫ້ການບໍລິການມາດົນໂພດແລ້ວ,ແລະມີມາດຕະການຮັກສາຄວາມປອດໄພບໍ່ດີປານໃດ,ເຮັດໃຫ້ປະເທດນີ້ເກີດອຸປະຕິເຫດທາງທະເລທີ່ມີຫຼາຍສິບຫຼືຫຼາຍຮ້ອນຄົນເສຍຊີວິດຫຼືບາດເຈັບເລື້ອຍໆ.ລັດຖະບານອິນໂດເນເຊຍກໍ່ເຄີຍເຕືອນຫຼາຍເທື່ອວ່າ,ຕ້ອງເພີ່ມທະວີການຄຸ້ມຄອງຄວາມປອດໄພດ້ານຄົມມະນາຄົມ,ແຕ່ກໍ່ບໍ່ມີຫຍັງດີຂຶ້ນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
