ອາຊຽນພະຍາຍາມຜ່ານຜ່າຜົນສະທ້ອນທາງລົບຂອງວິກິດການການເງິນທົ່ວໂລກທີ່ມີຕໍ່ການທ່ອງທ່ຽວຂອງພາກພື້ນ
(GMT+08:00) 2009-01-13 12:03:59 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 12 ມັງກອນນີ້,"ເວທີປຶກສາຫາລືການທ່ອງທ່ຽວອາຊຽນ 2009"ທີ່ຈັດຂຶ້ນຢູ່ຮາໂນຍ ນະຄອນຫຼວງຫວຽດນາມໄດ້ອັດລົງ.ລັດຖະມົນຕີທ່ອງທ່ຽວຂອງປະເທດສະມາຊິກອາຊຽນທີ່ເຂົ້າຮ່ວມເວທີດັ່ງກ່າວໄດ້ມີຄວາມຮັບຮູ້ທີ່ເປັນເອກະພາບກັນກ່ຽວກັບການເພີ່ມທະວີການຮ່ວມມືດ້ານການທ່ອງທ່ຽວ,ຮ່ວມກັນຜ່ານຜ່າຜົນກະທົບທາງລົບຂອງວິກິດການການເງິນສາກົນທີ່ມີຕໍ່ການທ່ອງທ່ຽວຂອງພາກພື້ນນີ້,ນີ້ຈະເສີມຂະຫຍາຍບົດບາດອັນຕັ້ງໜ້າຕໍ່ປະເທດຕ່າງໆໃນອາຊຽນໃນການຟື້ນຟູການພັດທະນາການທ່ອງທ່ຽວ.
ໃນຊຸມປີມໍ່ໆມານີ້,ການທ່ອງທ່ຽວຂອງປະເທດຕ່າງໆອາຊຽນໄດ້ມີການພັດທະນາຢ່າງວ່ອງໄວ,ໄດ້ກາຍເປັນກຳລັງຊຸກຍູ້ອັນສຳຄັນແລະເສົາຄ້ຳດ້ານເສດຖະກິດອັນຕົ້ນຕໍຂອງການພັດທະນາສັງຄົມຂອງປະເທດຕ່າງໆ.ພ້ອມກັນນັ້ນ,ການທ່ອງທ່ຽວຍັງໄດ້ເພີ່ມທະວີຄວາມເຂົ້າໃຈກັນແລະການແລກປ່ຽນດ້ານວັດທະນະທຳລະຫວ່າງປະເທດສະມາຊິກອາຊຽນ,ແລະໄດ້ຊຸກຍູ້ສັນຕິພາບແລະສະຖຽນລະພາບຂອງພາກພື້ນແຫ່ງນີ້.ແຕ່ວ່າ,ວິກິດການການເງິນສາກົນທີ່ແຜ່ລາມນັບແຕ່ 6 ເດືອນທ້າຍປີກາຍນີ້ເຮັດໃຫ້ຈຳນວນນັກທ່ອງທ່ຽວທີ່ໄປທ່ຽວຢູ່ປະເທດອາຊຽນຫຼຸດໜ້ອຍລົງຢ່າງຫຼວງຫຼາຍ,ສິງກະໂປ ໄທແລະລາວລ້ວນແຕ່ບໍ່ໄດ້ບັນລຸຄາດໝາຍພັດທະນາການທ່ອງທ່ຽວຂອງປີກາຍ.
ຕາມຄະນະກຳມະການທ່ອງທ່ຽວສິງກະໂປເປີດເຜີຍວ່າ,ລາຍໄດ້ດ້ານການທ່ອງທ່ຽວແລະຈຳນວນນັກທ່ອງທ່ຽວຂອງປີກາຍລ້ວນແຕ່ບໍ່ໄດ້ບັນລຸຄາດໝາຍ.ສາເຫດກໍ່ແມ່ນຍ້ອນວ່າ,ພາຍໃຕ້ການກະທົບຈາກວິກິດການການເງິນ,ໃນ 6 ເດືອນທ້າຍປີກາຍນີ້,ການທ່ອງທ່ຽວໄດ້ຊຸດໂຊມລົງຕະຫຼອດມາ.ນອກນີ້,ການທ່ອງທ່ຽວຂອງອິນໂດເນເຊຍ ມາເລເຊຍ ກຳປູເຈຍແລະລາວກໍ່ໄດ້ຮັບຜົນກະທົບຈາກວິກິດການການເງິນໃນລະດັບທີ່ຕ່າງກັນ,ຜົນສຳເລັດຂອງການທ່ອງທ່ຽວແລະຂະແໜງທີ່ກ່ຽວຂ້ອງໄດ້ຫຼຸດລົງຕາມໆກັນ.
ສ່ວນການທ່ອງທ່ຽວຂອງໄທນອກຈາກໄດ້ຖືກຜົນສະທ້ອນທາງລົບຈາກວິກິດການການເງິນແລ້ວ,ຍ້ອນສະພາບການເມືອງພາຍໃນປະເທດເກີດມີການປັ່ນປ່ວນ,ຈຶ່ງຖືກກະທົບຢ່າງໜັກໜ່ວງກວ່າໝູ່.ຕາມບົດລາຍງານສະບັບໜຶ່ງທີ່ທະນາຄານກາງຂອງໄທເຜີຍແຜ່ໃນຫວ່າງມໍ່ໆນີ້,ພຽງແຕ່ຍ້ອນການຍຶດສະໜາມບິນສາກົນບາງກອກຂອງຜູ້ປະທ້ວງລັດຖະບານແລະເຮັດໃຫ້ສະໜາມບິນປິດ 7 ວັນນັ້ນ,ຄາດວ່າ,ໃນ 2 ປີຂ້າງໜ້ານີ້,ຈຳນວນນັກທ່ອງທ່ຽວທີ່ໄປທ່ຽວຢູ່ໄທຈະຫຼຸດລົງເຖິງປະມານ 3 ລ້ານ 4 ແສນຄົນ,ຊຶ່ງເປັນຈຳນວນທີ່ສູງກວ່າຈຳນວນນັກທ່ອງທ່ຽວທີ່ຫຼຸດໜ້ອຍລົງຍ້ອນພະຍາດອັກເສບປອດຮຸນແຮງຫຼືຊາສ໌ໃນປີ 2003 ແລະຄື້ນຊຶນະມີໃນມະຫາສະໝຸດອິນເດຍໃນປີ 2004,ຄວາມເສຍຫາຍຍ້ອນເຫດການນີ້ຈະໜັກໜ່ວງທີ່ສຸດ.
ລັດຖະມົນຕີທ່ອງທ່ຽວຂອງປະເທດສະມາຊິກອາຊຽນທີ່ເຂົ້າຮ່ວມເວທີປຶກສາຫາລືດັ່ງກ່າວເຫັນວ່າ,ເນື່ອງຈາກວ່າ,ນັບແຕ່ໄຕມາດທີ 4 ປີກາຍເປັນຕົ້ນມາ,ຕະຫຼາດການທ່ອງທ່ຽວອາຊຽນໄດ້ຖືກຜົນສະທ້ອນທາງລົບຈາກວິກິດການການເງິນ,ແລະຜົນສະທ້ອນທາງລົບຍັງຈະສືບຕໍ່ຈົນຮອດ 6 ເດືອນຕົ້ນປີນີ້,ຖ້າສາມາດຮັກສາຈຳນວນນັກທ່ອງທ່ຽວຕ່າງປະເທດໃຫ້ໄດ້ໃນລະດັບ 58 ລ້ານເທື່ອຄົນຂອງປີ 2007,ກໍ່ຖືວ່າດີຫຼາຍແລ້ວ.
ໂດຍປະເຊີນກັບການທ້າທາຍຢ່າງຂ້ຽວຂາດຕ່າງໆ,ເວທີປຶກສາຫາລືການທ່ອງທ່ຽວອາຊຽນເທື່ອນີ້ໄດ້ຮັບຄວາມເອົາໃຈໃສ່ຢ່າງກວ້າງຂວາງ.ເຈົ້າໜ້າທີ່ລັດຖະບານແລະວົງການທ່ອງທ່ຽວທີ່ມາຈາກປະເທດຕ່າງໆໃນອາຊຽນລວມ 2000 ກວ່າຄົນໄດ້ເຂົ້າຮ່ວມເວທີດັ່ງກ່າວ.ຜົນສຳເລັດສຳຄັນອັນໜຶ່ງຂອງເວທີປຶກສາຫາລືເທື່ອນີ້ແມ່ນ,ລັດຖະມົນຕີທ່ອງທ່ຽວອາຊຽນໄດ້ເປັນເອກະພາບກັນເຫັນດີວ່າ,ປະເທດສະມາຊິກອາຊຽນຈະໃຊ້ມາດຕະການຮ່ວມ,ຮ່ວມມືຢ່າງໃກ້ຊິດ,ພະຍາຍາມດຶງດູດນັກທ່ອງທ່ຽວທີ່ມາຈາກພາກພື້ນອາຊີປາຊີຟິກເຊັ່ນຍີ່ປຸ່ນ ສ.ເກົາຫຼີ ຈີນ ອິນເດຍ ອົສຕຼາລີແລະນູແວນເຊລັງມາທ່ຽວຢູ່ປະເທດອາຊຽນໃຫ້ຫຼາຍກວ່າເກົ່າ,ເພື່ອຫຼຸດຜ່ອນຄວາມເສຍຫາຍຍ້ອນຈຳນວນນັກທ່ອງທ່ຽວຂອງເອີລົບແລະອາເມລິກາຫຼຸດໜ້ອຍລົງຢ່າງກະທັນຫັນນັບແຕ່ເກີດວິກິດການການເງິນມານີ້.ນອກນີ້,ປະເທດອາຊຽນຍັງຈະຊຸກຍູ້ການພັດທະນາການທ່ອງທ່ຽວພາຍໃນອາຊຽນເອງ.ລັດຖະມົນຕີທີ່ເຂົ້າຮ່ວມເວທີປຶກສາຫາລືເທື່ອນີ້ເຊື່ອວ່າ,ຖ້າສະມາຊິກອາຊຽນໃຊ້ຄວາມພະຍາຍາມຮ່ວມກັນ,ເພີ່ມທະວີການຮ່ວມມື,ການທ່ອງທ່ຽວຂອງປະເທດອາຊຽນຍ່ອມຈະມີອະນາຄົດທີ່ສະຫວ່າງສະໄຫວຄືນມາ.
ໃນຊຸມປີມໍ່ໆມານີ້,ການທ່ອງທ່ຽວຂອງປະເທດຕ່າງໆອາຊຽນໄດ້ມີການພັດທະນາຢ່າງວ່ອງໄວ,ໄດ້ກາຍເປັນກຳລັງຊຸກຍູ້ອັນສຳຄັນແລະເສົາຄ້ຳດ້ານເສດຖະກິດອັນຕົ້ນຕໍຂອງການພັດທະນາສັງຄົມຂອງປະເທດຕ່າງໆ.ພ້ອມກັນນັ້ນ,ການທ່ອງທ່ຽວຍັງໄດ້ເພີ່ມທະວີຄວາມເຂົ້າໃຈກັນແລະການແລກປ່ຽນດ້ານວັດທະນະທຳລະຫວ່າງປະເທດສະມາຊິກອາຊຽນ,ແລະໄດ້ຊຸກຍູ້ສັນຕິພາບແລະສະຖຽນລະພາບຂອງພາກພື້ນແຫ່ງນີ້.ແຕ່ວ່າ,ວິກິດການການເງິນສາກົນທີ່ແຜ່ລາມນັບແຕ່ 6 ເດືອນທ້າຍປີກາຍນີ້ເຮັດໃຫ້ຈຳນວນນັກທ່ອງທ່ຽວທີ່ໄປທ່ຽວຢູ່ປະເທດອາຊຽນຫຼຸດໜ້ອຍລົງຢ່າງຫຼວງຫຼາຍ,ສິງກະໂປ ໄທແລະລາວລ້ວນແຕ່ບໍ່ໄດ້ບັນລຸຄາດໝາຍພັດທະນາການທ່ອງທ່ຽວຂອງປີກາຍ.
ຕາມຄະນະກຳມະການທ່ອງທ່ຽວສິງກະໂປເປີດເຜີຍວ່າ,ລາຍໄດ້ດ້ານການທ່ອງທ່ຽວແລະຈຳນວນນັກທ່ອງທ່ຽວຂອງປີກາຍລ້ວນແຕ່ບໍ່ໄດ້ບັນລຸຄາດໝາຍ.ສາເຫດກໍ່ແມ່ນຍ້ອນວ່າ,ພາຍໃຕ້ການກະທົບຈາກວິກິດການການເງິນ,ໃນ 6 ເດືອນທ້າຍປີກາຍນີ້,ການທ່ອງທ່ຽວໄດ້ຊຸດໂຊມລົງຕະຫຼອດມາ.ນອກນີ້,ການທ່ອງທ່ຽວຂອງອິນໂດເນເຊຍ ມາເລເຊຍ ກຳປູເຈຍແລະລາວກໍ່ໄດ້ຮັບຜົນກະທົບຈາກວິກິດການການເງິນໃນລະດັບທີ່ຕ່າງກັນ,ຜົນສຳເລັດຂອງການທ່ອງທ່ຽວແລະຂະແໜງທີ່ກ່ຽວຂ້ອງໄດ້ຫຼຸດລົງຕາມໆກັນ.
ສ່ວນການທ່ອງທ່ຽວຂອງໄທນອກຈາກໄດ້ຖືກຜົນສະທ້ອນທາງລົບຈາກວິກິດການການເງິນແລ້ວ,ຍ້ອນສະພາບການເມືອງພາຍໃນປະເທດເກີດມີການປັ່ນປ່ວນ,ຈຶ່ງຖືກກະທົບຢ່າງໜັກໜ່ວງກວ່າໝູ່.ຕາມບົດລາຍງານສະບັບໜຶ່ງທີ່ທະນາຄານກາງຂອງໄທເຜີຍແຜ່ໃນຫວ່າງມໍ່ໆນີ້,ພຽງແຕ່ຍ້ອນການຍຶດສະໜາມບິນສາກົນບາງກອກຂອງຜູ້ປະທ້ວງລັດຖະບານແລະເຮັດໃຫ້ສະໜາມບິນປິດ 7 ວັນນັ້ນ,ຄາດວ່າ,ໃນ 2 ປີຂ້າງໜ້ານີ້,ຈຳນວນນັກທ່ອງທ່ຽວທີ່ໄປທ່ຽວຢູ່ໄທຈະຫຼຸດລົງເຖິງປະມານ 3 ລ້ານ 4 ແສນຄົນ,ຊຶ່ງເປັນຈຳນວນທີ່ສູງກວ່າຈຳນວນນັກທ່ອງທ່ຽວທີ່ຫຼຸດໜ້ອຍລົງຍ້ອນພະຍາດອັກເສບປອດຮຸນແຮງຫຼືຊາສ໌ໃນປີ 2003 ແລະຄື້ນຊຶນະມີໃນມະຫາສະໝຸດອິນເດຍໃນປີ 2004,ຄວາມເສຍຫາຍຍ້ອນເຫດການນີ້ຈະໜັກໜ່ວງທີ່ສຸດ.
ລັດຖະມົນຕີທ່ອງທ່ຽວຂອງປະເທດສະມາຊິກອາຊຽນທີ່ເຂົ້າຮ່ວມເວທີປຶກສາຫາລືດັ່ງກ່າວເຫັນວ່າ,ເນື່ອງຈາກວ່າ,ນັບແຕ່ໄຕມາດທີ 4 ປີກາຍເປັນຕົ້ນມາ,ຕະຫຼາດການທ່ອງທ່ຽວອາຊຽນໄດ້ຖືກຜົນສະທ້ອນທາງລົບຈາກວິກິດການການເງິນ,ແລະຜົນສະທ້ອນທາງລົບຍັງຈະສືບຕໍ່ຈົນຮອດ 6 ເດືອນຕົ້ນປີນີ້,ຖ້າສາມາດຮັກສາຈຳນວນນັກທ່ອງທ່ຽວຕ່າງປະເທດໃຫ້ໄດ້ໃນລະດັບ 58 ລ້ານເທື່ອຄົນຂອງປີ 2007,ກໍ່ຖືວ່າດີຫຼາຍແລ້ວ.
ໂດຍປະເຊີນກັບການທ້າທາຍຢ່າງຂ້ຽວຂາດຕ່າງໆ,ເວທີປຶກສາຫາລືການທ່ອງທ່ຽວອາຊຽນເທື່ອນີ້ໄດ້ຮັບຄວາມເອົາໃຈໃສ່ຢ່າງກວ້າງຂວາງ.ເຈົ້າໜ້າທີ່ລັດຖະບານແລະວົງການທ່ອງທ່ຽວທີ່ມາຈາກປະເທດຕ່າງໆໃນອາຊຽນລວມ 2000 ກວ່າຄົນໄດ້ເຂົ້າຮ່ວມເວທີດັ່ງກ່າວ.ຜົນສຳເລັດສຳຄັນອັນໜຶ່ງຂອງເວທີປຶກສາຫາລືເທື່ອນີ້ແມ່ນ,ລັດຖະມົນຕີທ່ອງທ່ຽວອາຊຽນໄດ້ເປັນເອກະພາບກັນເຫັນດີວ່າ,ປະເທດສະມາຊິກອາຊຽນຈະໃຊ້ມາດຕະການຮ່ວມ,ຮ່ວມມືຢ່າງໃກ້ຊິດ,ພະຍາຍາມດຶງດູດນັກທ່ອງທ່ຽວທີ່ມາຈາກພາກພື້ນອາຊີປາຊີຟິກເຊັ່ນຍີ່ປຸ່ນ ສ.ເກົາຫຼີ ຈີນ ອິນເດຍ ອົສຕຼາລີແລະນູແວນເຊລັງມາທ່ຽວຢູ່ປະເທດອາຊຽນໃຫ້ຫຼາຍກວ່າເກົ່າ,ເພື່ອຫຼຸດຜ່ອນຄວາມເສຍຫາຍຍ້ອນຈຳນວນນັກທ່ອງທ່ຽວຂອງເອີລົບແລະອາເມລິກາຫຼຸດໜ້ອຍລົງຢ່າງກະທັນຫັນນັບແຕ່ເກີດວິກິດການການເງິນມານີ້.ນອກນີ້,ປະເທດອາຊຽນຍັງຈະຊຸກຍູ້ການພັດທະນາການທ່ອງທ່ຽວພາຍໃນອາຊຽນເອງ.ລັດຖະມົນຕີທີ່ເຂົ້າຮ່ວມເວທີປຶກສາຫາລືເທື່ອນີ້ເຊື່ອວ່າ,ຖ້າສະມາຊິກອາຊຽນໃຊ້ຄວາມພະຍາຍາມຮ່ວມກັນ,ເພີ່ມທະວີການຮ່ວມມື,ການທ່ອງທ່ຽວຂອງປະເທດອາຊຽນຍ່ອມຈະມີອະນາຄົດທີ່ສະຫວ່າງສະໄຫວຄືນມາ.
ຂ່າວ-ບົດທີ່ກ່ຽວຂ້ອງ
ຄຳເຫັນ
