ອົງການຮາມາສສົ່ງແຜນການຢຸດຍິງລະອຽດໃຫ້ເອຢິບ ຢູ່ເຂດກາຊາຈະບັນລຸການຢຸດຍິງບໍ່?
-----------------------------------------------------------------------------------------------------------------
ຕາມຂ່າວCRI:ວັນທີ 14 ມັງກອນນີ້,ຢູ່ເລິແກ ນະຄອນຫຼວງເອຢິບ,ຂະບວນການອິສລາມຕໍ່ຕ້ານຂອງປາເລັສຕີນຫຼືຮາມາສປະກາດວ່າ,ຮາມາສໄດ້ສົ່ງແຜນການລະອຽດກ່ຽວກັບຂໍ້ລິເລີ່ມຢຸດຍິງໃຫ້ເອຢິບ.ໃນເວລານີ້,ຝ່າຍຕ່າງໆກໍ່ຕັ້ງຄວາມຫວັງຢ່າງເຕັມທີ່ວ່າການເຄື່ອນໄຫວທາງການທະຫານຂອງອິສຣາແອນທີ່ໄດ້ດຳເນີນຢູ່ເຂດກາຊາເປັນເວລາ 19 ວັນຈະສິ້ນສຸດລົງໃນໄວໆນີ້.ແຕ່ນັກວິຈານເຫັນວ່າ,ສະພາບໃນປະຈຸບັນບໍ່ງ່າຍຄືທີ່ຄຶດ.
ເນື້ອໃນຂອງຂໍ້ລິເລີ່ມຢຸດຍິງທີ່ເອຢິບສະເໜີອອກມາມີດັ່ງນີ້:ໃຫ້ສອງຝ່າຍທີ່ປະທະກັນຢຸດຍິງຊົ່ວຄາວໃນທັນທີກ່ອນ;ແລ້ວເຈລະຈາກັນເພື່ອຊຸກຍູ້ການຢຸດຍິງສຳລັບຍາວນານແລະໄຂດ່ານຊາຍແດນເຂດກາຊາ;ແລະສຸດທ້າຍກໍ່ບັນລຸຄວາມປອງດອງກັນລະຫວ່າງອົງການຮາມາສກັບອົງການອານຟາຕາ.
ສຳລັບຂໍ້ສະເໜີດັ່ງກ່າວທີ່ເອຢິບສະເໜີອອກມາ, ວັນທີ 14 ມັງກອນນີ້ອົງການຮາມັສກໍ່ວ່າບໍ່ຄັດຄ້ານ, ແຕ່ກໍໄດ້ຍື່ນແຜນການຂອງຕົນໃຫ້ຝ່າຍເອຢິບ. ເນື້ອໃນຂອງແຜນການທີ່ອົງການຮາມັສສະເໜີອອກມາຕົ້ນຕໍແມ່ນໃຫ້ອິສຣາແອນຕ້ອງຢຸດຕິການເຄື່ອນໄຫວການທະຫານຢູ່ເຂດກາຊາແລະຖອນອອກຈາກເຂດກາຊາ, ເປີດດ່ານກາຊາ, ຍົກເລີກການປິດລ້ອມຕໍ່ເຂດກາຊາແລະວຽກງານສ້າງສາຄືນໃໝ່ຫຼັງສົງຄາມ. ຕອນທ່ຽງຄືນວັນທີ 14 ມັງກອນນີ້, ທ່ານມຸຮຳມັດ ນາຈາ ເຈົ້າໜ້າທີ່ການເມືອງຂອງອົງການຮາມັສຊີ້ອອກຕື່ມອີກວ່າ,"ພວກເຮົາພຽງແຕ່ສະເໜີຄວາມເຫັນພໍລໍຖ້າເບິ່ງສະພາບການ, ຖ້າວ່າຄວາມເຫັນເຫຼົ່ານີ້ບໍ່ໄດ້ຮັບການພິຈາລະນາ, ພວກຂ້າພະເຈົ້າຈະກໍບໍ່ຮັບຮອງການຢຸດຍິງ. ອັນທີ່ເອີ້ນວ່າການເຈລະຈາຢຸດຍິງ, ທີ່ສື່ມວນຊົນເວົ້າເຖິງນັ້ນ, ອົງການຮາມັສບໍ່ຍອມຮັບຮອງການຢຸດຍິງຖາວອນ, ເພາະວ່ານີ້ໝາຍຄວາມວ່າຢຸດຕິການຕໍ່ສູ້." ຈາກການຮັບຮອງດ້ານຫຼັກການໃນຕອນບ່າຍວັນທີ 14 ມັງກອນນີ້ຮອດຄວາມເຫັນລໍຖ້າເບິ່ງສະພາບການໃນຕອນຄ່ຳແລ້ວມາຮອດການປະຕິເສດບໍ່ຮັບຮອງ, ການປ່ຽນແປງເຫຼົ່ານີ້ໄດ້ສະແດງໃຫ້ເຫັນລັກສະນະບໍ່ແນ່ນອນດ້ານທ່າທີຂອງອົງການຮາມັສໃນບັນຫາຂໍ້ສະເໜີຢຸດຍິງ.
ອີກອັນໜຶ່ງນັບມາຮອດປະຈຸບັນ, ທາງການອິສຣາແອນກໍ່ຍັງບໍ່ຕອບຮັບຕໍ່ແຜນການຢຸດຍິງຂອງອົງການຮາມັສ. ວັນທີ 15 ມັງກອນນີ້, ທ່ານອາມົສ ກີລັດ ຫົວໜ້າກົມການເມືອງແລະຄວາມປອດໄພຂອງກະຊວງປ້ອງກັນປະເທດອິສຣາແອນຈະໄປເລີແກອີກ, ເພື່ອປຶກສາຫາລືກັບເອຢິບກ່ຽວກັບວຽກງານຢຸດຍິງຢູ່ເຂດກາຊາ, ຮອດເວລານັ້ນທ່ານຈະແຈ້ງຫຼັກໝັ້ນຂອງຝ່າຍອິສຣາແອນໃຫ້ເອຢິບຊາບ.
ແຕ່ວ່າ, ວັນທີ 14 ມັງກອນນີ້ ທ່ານອາເວຕາຣ.ໄລໂປວິກ ໂຄສົກຝ່າຍທະຫານອິສລາແອນກ່າວວ່າ, ສິ່ງທີ່ອິສລາແອນສົນໃຈກວ່າຫມູ່ນັ້ນແມ່ນການຢຸດຍິງ,ນັ້ນຄືບັນຫາຈັດວາງຄວາມປອດໄພຢູ່ເຂດຊາຍແດນລາຟາທີ່ລະ ຫວ່າງກາຊາກັບເອຢິບ,ນີ້ແມ່ນກ່ຽວພັນເຖິງບັນຫາຂໍກະແຈທີ່ຮາມາສຈະໄດ້ຮັບການສະຫນອງຈະຫລວດຍິງໄລຍະໄກຫລືບໍ່ໃນຕໍ່ຫນ້າ.ຖ້າບັນຫານີ້ບໍ່ທັນໄດ້ຮັບການແກ້ໄຂ,ກໍ່ຍາກທີ່ອິສລາແອນຈະຢຸດຍິງ.
ແລະອັນສຸດທ້າຍ:ອາເມລິກາທີ່ມີອິດທິພົນສຳຄັນຕໍ່ອິສລາແອນປາເລັສຕິນເຫັນວ່າ, ຮາມາສຍັງບໍ່ທັນຕອບສະຫນອງຕາມເງື່ອນໄຂທີ່ຈຳເປັນໃນການຢຸດຍິງ.ນາງດານາ ເພຣີໂນ ໂຄສົກທຳນຽບຂາວອາເມລິກາກ່າວວ່າ, ອາເມລິກາຍັງສົງໃສຕໍ່ທາດແທ້ຂອງທ່າທີຮາມາສທີ່ສື່ມວນຊົນລາຍງານມາ, ສະນັ້ນ ໃນບາດກ້າວຕໍ່ໄປກໍ່ຍັງຈະສືບຕໍ່ສັງເກດເຍເບິ່ງຢູ່.
ເບິ່ງຈາກສະພາບທີ່ກ່າວມານັ້ນແລ້ວ,ບໍ່ວ່າແມ່ນອິສລາແອນຫລືຮາມາສກໍ່ຍັງຈະຕໍ່ວ່າຕໍ່ຂານກັນຕໍ່ໄປກ່ຽວກັບຂໍ້ສະເຫນີຢຸດຍິງຢູ່ເຂດກາຊາພາຍໃນຫລາຍມື້ຂ້າງຫນ້ານີ້.
