ຈີນຫວັງໃຫ້ສອງຝ່າຍແຫຼມເກົາຫຼີປົວແປງການພົວພັນໃຫ້ດີຂຶ້ນໂດຍຜ່ານການສົນທະນາ
-----------------------------------------------------------------------------------------------------------------
ຕາມຂ່າວcri:ວັນທີ20 ມັງກອນນີ້,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ,ຈີນຫວັງສະເໝີໃຫ້ສອງຝ່າຍເໜືອໃຕ້ແຫຼມເກົາຫຼີປົວແປງການພົວພັນໃຫ້ດີຂຶ້ນໂດຍຜ່ານການສົນທະນາ,ບັນລຸການປອງດອງກັນແລະຮ່ວມມືກັນ.
ໂດຍແນໃສ່ການພົວພັນທີ່ເຄັ່ງຕຶງລະຫວ່າງສອງຝ່າຍເໜືອໃຕ້ແຫຼມເກົາຫຼີໃນປັດຈຸບັນ,ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ,ນາງຈ່ຽງອີກ່າວວ່າ,ໃນຖານເປັນປະເທດໃກ້ຄຽງຂອງແຫຼມເກົາຫຼີ,ຈີນຫວັງຢູ່ຕະຫຼອດຢາກໃຫ້ສອງຝ່າຍເໜືອໃຕ້ແຫຼມເກົາຫຼີປົວແປງການພົວພັນໃຫ້ດີຂຶ້ນໂດຍຜ່ານການສົນທະນາ,ບັນລຸການປອງດອງກັນແລະຮ່ວມມືກັນ.ເຮັດແນວນີ້ສອດຄ່ອງຜົນປະໂຫຍດຮ່ວມຂອງປະຊາຊົນທັງໝົດໃນແຫຼມເກົາຫຼີແລະກໍ່ແມ່ນຄວາມມຸ່ງຫວັງຮ່ວມຂອງປະຊາຄົມໂລກ.
ປັດຈຸບັນ,ໂຄສົກກອງເສນາທິການໃຫຍ່ກອງທັບປະຊາຊົນສປປເກົາຫຼີໄດ້ອອກຖະແຫຼງການວ່າ,ຍ້ອນວ່າລັດຖະບານຫຼີມຽງບັກສືບຕໍ່ປະຕິລັດນະໂຍບາດທີ່ຖືສປປເກົາຫຼີເປັນສັດຕູ,ສປປເກົາຫຼີຈະເຂົ້າສູ່ສະພາບ"ເປັນປໍລະປັກຢ່າງຮອບດ້ານ"ກັບສ.ເກົາຫຼີ.
