ປະຊາຄົມໂລກຕີລາຄາສູງຕໍ່ໝາກຜົນຂອງຈີນໃນຂົງເຂດສິດທິມະນຸດ
-----------------------------------------------------------------------------------------------------------------
ກົນໄກກອງປະຊຸມວາລະປະຈຳແມ່ນກົນໄກສຳຄັນຂອງສະພາຕີສິດທິມະນຸດສະຫະປະຊາຊາດທີ່ສ້າງຕັ້ງຂຶ້ນໃນປີ2006. ກົນໄກດັ່ງກ່າວກຳນົດວ່າ, 192ປະເທດສະມາຊິກຂອງສະຫະປະຊາຊາດຕ້ອງຮັບເອົາການກວດກາສະພາບຮັບປະກັນສິດທິມະນຸດເທື່ອໜຶ່ງໃນທຸກໆ4ປີ. ນັບແຕ່ດຳເນີນງານໃນປີ2008ມານີ້, ສະພາສິດທິມະນຸດສະຫະປະຊາຊາດໄດ້ພິຈາລະນາບົດລາຍງານສິດທິມະນຸດຂອງ50ປະເທດ. ກອງປະຊຸມເທື່ອທີ4ທີ່ຈັດຂຶ້ນແຕ່ວັນທີ2ຮອດວັນທີ13ກຸມພານີ້ໄດ້ພິຈາລະນາ16ປະເທດເຊິ່ງລວມທັງຈີນ ການາດາ ຣັດເຊຍແລະກູບາ. ໃນກອງປະຊຸມ ທ່ານລີປາວຕົ່ງ ຫົວໜ້າຄະນະຜູ້ແທນຈີນ ເອກອັກຄະລັດຖະທູດຈີນປະຈຳເຊີແນວຊີ້ອອກວ່າ, ການຊຸກຍູ້ແລະປົກປ້ອງສິດທິມະນຸດໄດ້ກາຍເປັນເນື້ອໃນສຳຄັນທີ່ພັດທະນາເສດຖະກິດສັງຄົມແລະປະຕິຮູບໂຄງປະກອບການເມືອງຂອງຈີນ. ການກ່າວຄຳປາໄສຂອງທ່ານໄດ້ຮັບສຽງຕອບຮັບເປັນຢ່າງດີໃນກອງປະຊຸມ. ນາງເອລິນດາ ບາຊີລິໂອ ຫົວໜ້າຄະນະຜູ້ແທນຟິລິບປິນໄດ້ຊົມເຊີຍຕໍ່ລັດຖະບານຈີນທີ່ໃຊ້ມາດຕະການປັບປຸງຊີວິດການເປັນຢູ່ຂອງປະຊາຊົນ, ເຮັດໃຫ້ພົນລະເມືອງມີກຽດສັກສີ.
ນາງກ່າວວ່າ,"ລັດຖະບານຈີນເຜີຍແຜ່ການສຶກສາ,ຍົກອັດຕາປະກອບອາຊີບໃຫ້ສູງຂຶ້ນ,ເຮັດໃຫ້ຫຼາຍຮ້ອຍລ້ານຄົນພົ້ນຈາກຄວາມທຸກຍາກ,ເຮັດໃຫ້ເຂົາເຈົ້າມີກຽດສັກສີ ແລະ ສິດທິມະນຸດ. ພ້ອມກັນນັ້ນ, ລັດຖະບານຈີນເພິ່ມການລົງທຶນໃນວຽກງານດ້ານສັງຄົມຢ່າງບໍ່ຢຸດຢັ້ງ ໂດຍສະເພາະແມ່ນຢູ່ເຂດຊົນນະບົດ. ໃນໄພແຜ່ນດິນໄຫວເສສວນປີກາຍນີ້ ລັດຖະບານໄດ້ສະແດງໃຫ້ເຫັນຄວາມຮັບຜິດຊອບອັນແຂງແຮງ,ສະໜອງການຊ່ວຍເຫຼືອຕໍ່ຜູ້ປະສົບໄພ9ລ້ານຄົນຢ່າງທັນການ."
ໃນຫຼາຍສິບປີທີ່ຜ່ານໄປນັ້ນ,ຈີນໄດ້ກຳນົດຈຸດໝາຍໃນດ້ານຮັບປະກັນສິດທິມະນຸດ250ຄາດໝາຍ. ຕໍ່ເລື່ອງນີ້,ທ່ານເອັກອັກຄະລັດຖະທູດອີລິສ ຈາຊາຍລີ ຫົວໜ້າຄະນະຜູ່ແທນສິງລັງກາມີຄວາມກະດຸ້ນໃຈຫຼາຍ,ທ່ານກ່າວວ່າ"ກົດໝາຍເຫຼົ່ານີ້ກ່ຽວພັນກັບສິດປະກອບອາຊີບ, ສິດພັດທະນາແລະສິດຕ່າງໆຂອງພົນລະເມືອງ. ນີ້ມີຜົນຕໍ່ການປົກປ້ອງສິດທິມະນຸດຂອງຈີນຢ່າງແທ້ຈິງ. ຜົນ ງານທີ່ຍິ່ງໃຫຍ່ທີ່ຈີນໄດ້ຮັບໃນໄລຍະ30ປີມານີ້ເຮັດໃຫ້ໂລກງຶດງໍ້, ປະຈຸບັນນີ້ ຈີນຢູ່ເທິງເວທີສາ ກົນຢ່າງແທ້ຈິງ."
ສຳລັບການປັບປຸງການພັດທະນາແລະສິດທິມະນຸດຂອງຈີນ, ປະເທດທີ່ພວມພັດ ທະນາທັງຫຼາຍລ້ວນແຕ່ບອກວ່າ, ເຂົາເຈົ້າຮູ້ສຶກພາກພູມໃຈຕໍ່ຜົນງານຂອງຈີນ, ພ້ອມກັນນັ້ນ, ຍັງຫວັງແບ່ງປັນປະສົບການກັບຈີນ, ແລະເພີ່ມທະວີການຮ່ວມມື. ທ່ານໄອຈິສ ຢາຈາຍຣີ ເອອັກຄະລັດຖະທູດທັງເປັນຫົວໜ້າຄະນະຜູ້ແທນອານເຊຣີກ່າວວ່າ:"ພວກຂ້າພະເຈົ້າຍັງຫວັງວ່າຈີນຈະແບ່ງປັນປະສົບການດັ່ງກ່າວກັບ ປະເທດທີ່ພວມພັດທະນາອື່ນໆ, ແລະທຳການແລກປ່ຽນແລະການຮ່ວມມືໃນຂົງເຂດສິດທິມະນຸດກັບປະເທດອື່ນໆ. ພວກຂ້າພະເຈົ້າຫວັງວ່າຈີນຈະສືບຕໍ່ເຮັດວຽກງານຮັບປະກັນສິດທິມະນຸດຂອງຕົນໃຫ້ປະກົດເປັນຈິງໂດຍອີງຕາມສະພາບການແລະຄວາມຕ້ອງການຂອງສັງຄົມຈີນ."
