ນາງຮິວລາຣີຈະມາຢ້ຽມຢາມອາຊີເພື່ອຟັງຫາງສຽງ
-----------------------------------------------------------------------------------------------------------------
ຕາມCRIລາຍງານວ່າ: ເລີ່ມແຕ່ວັນທີ15ກຸມພານີ້ເປັນຕົ້ນໄປ,ນາງຮີວລາຣີ ຄຼິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາຄົນໃໝ່ຈະມາຢ້ຽມຢາມ4ປະເທດອາຊີ.ຫາງສຽງທົ່ວໄປເຫັນວ່າ,ລັດຖະມົນຕີວ່າການກະຊວງການຕ່າງປະເທດອາເມລິກາຜູ່ໃໝ່ເລືອກມາຢ້ຽມຢາມອາຊີກ່ອນນັ້ນສະແດງໃຫ້ເຫັນຈຸດຕ່າງຜູ່ອື່ນຂອງນາງກັບລັດຖະມົນຕີການຕ່າງປະເທດຄົນອື່ນໆທີ່ຜ່ານມາ.ໃນເວລາກ່າວຄຳປາໃສຢູ່ວໍຊິງຕັນໃນວັນທີ12ກຸມພານີ້,ທ່ານເຈັມສ ສະເຕັນເບີກ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາກ່າວວ່າ,ການຢ້ຽມຢາມອາຊີຂອງນາງຮີວລາຣີຕົ້ນຕໍຈະແມ່ນການຢ້ຽມຢາມເພື່ອຟັງຫາງສຽງຂອງອາຊີ.
ນາງຮີວລາຣີຈະໄປຢ້ຽມຢາມຍີ່ປຸ່ນ,ອິນໂດເນເຊຍ,ສເກົາຫຼີແລະຈີນ ແຕ່ວັນທີ15ຫາວັນທີ22ກຸມພານີ້,ນີ້ຈະເປັນການຢ້ຽມຢາມຕ່າງປະເທດເທື່ອທຳອິດນັບແຕ່ນາງຂຶ້ນດຳລົງຕຳແໜ່ງລັດຖະມົນຕີວ່າການກະຊວງການຕ່າງປະເທດອາເມລິກາມານີ້.ການຢ້ຽມຢາມຕ່າງປະເທດເທື່ອທຳອິດຂອງລັດຖະມົນຕີວ່າການກະຊວງການຕ່າງປະເທດອາເມລິກາທຸກຄົນທີ່ຜ່ານມາສ່ວນຫຼາຍແມ່ນໄປເອີລົບຫຼືຕາເວັນອອກກາງ.ທ່ານສະເຕັນເບີກ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາກ່າວວ່າ,ນາງຮີວລາຣີເລືອກເອົາອາຊີເປັນບ່ອນຢ້ຽມຢາມຕ່າງປະເທດເທື່ອທຳອິດນັ້ນໄດ້ພິສູດໃຫ້ເຫັນວ່າລັດຖະບານໂອບາມາໃຫ້ຄວາມສຳຄັນຫຼາຍແກ່ອາຊີ.
ນັກວິເຄາະເຫັນວ່າ,ນາງຮີວລາຣີເລືອກເອົາອາຊີເປັນບ່ອນຢ້ຽມຢາມຕ່າງປະເທດເທື່ອທຳອິດນັ້ນເປັນການ ເລືອກແບບເອົາອັນງ່າຍກ່ອນແລ້ວຈິ່ງເອົາອັນຍາກຕາມຫຼັງ,ເພາະວ່າພາບພົດຂອງອາເມລິກາຢູ່ຕາເວັນອອກກາງແລະເອີລົບໄດ້ຊຸດໂຊມລົງຍ້ອນສົງຄາມອີຣັກ,ສ່ວນນະໂຍບາຍອັນຕັ້ງໜ້າຂອງລັດຖະບານບຸສທີ່ປະຕິບັດຕໍ່ອາຊີນັ້ນໄດ້ກາຍເປັນມໍລະດົກທາງການທູດທີ່ລັດຖະບານໂອບາມາສາມາດສືບທອດໄດ້,ເຊິ່ງສາມາດສ້າງສະພາບແວດລ້ອມທີ່ຜ່ອນຍານໃຫ້ແກ່ນາງຮີວລາຣີໄປຢ້ຽມຢາມຕ່າງປະເທດເທື່ອທຳອິດ.ທ່ານສະເຕັນເບີກກ່າວວ່າ,ໃນພີທີສາບານຕົວຂຶ້ນຮັບຕຳແໜ່ງ,ທ່ານບາຣັກ ໂອບາມາ ປະທານາທິບໍດີອາເມລິກາໄດ້ກ່າວເຖິງເລື່ອງທີ່ຄວນເພີ່ມທະວີການພົວພັນກັບຍີ່ປຸ່ນ,ສເກົາຫຼີແລະຈີນ,ການຢ້ຽມຢາມຂອງນາງຮີວລາຣີເທື່ອນີ້ພໍດີເປັນການປະຕິບັດຈຸດຢືນດັ່ງກ່າວໃນພາກຕົວຈິງ.ທ່ານຍັງກ່າວວ່າ,ຈີນແມ່ນປະເທດສຳຄັນໃນການຢ້ຽມຢາມຂອງນາງຮີວລາຣີເທື່ອນີ້.
ໃນກອງປະຊຸມຟັງຄຳໃຫ້ການຢືນຢັນການສະເໜີຊື່ຂອງສະພາສູງ, ນາງຮິວລາລີສະເໜີວ່າ,ຄວນປະຕິບັດນະໂຍບາຍຈີນທີ່ໃໝ່ ແລະ ຮອບດ້ານ, ໃນນັ້ນ, ນອກຈາກຫົວຂໍ້ເສດຖະກິດ ຍັງລວມທັງເນື້ອໃນອັນກວ້າງຂວາງ. ສື່ມວນຊົນກ່າວວ່າ,ຫວັງວ່າການຢ້ຽມຢາມປະເທດຈີນຂອງນາງຮິວລາລີສາມາດອະທິບາຍ"ນະໂຍບາຍຈີນອັນຮອບດ້ານ"ຢ່າງລະອຽດກວ່າເກົ່າ.
ທ່ານສະເຕັນເບີກ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາກ່າວວ່າ, ໃນນະໂຍບາຍການຕ່າງປະເທດຂອງອາເມລິກາໃນປະຈຸບັນນີ້ຍັງມີບັນຫາຈຸດໜັກ ແລະ ຈຸດຫຍຸ້ງຍາກຫຼາຍທີ່ຕ້ອງແກ້ໄຂໂດຍດ່ວນ,ເຊັ່ນບັນຫາອີຣັກ,ບັນຫາອັຟການີສະຖານແລະບັນຫາຕາເວັນອອກກາງເປັນຕົ້ນ,ລັດຖະບານໂອບາມາຈະປະຕິບັດຕາມແນວຄິດໃໝ່ໃນນະໂຍບາຍການຕ່າງປະເທດ.
"ນາງຮິວລາລີເວົ້າວ່າການຕ່າງປະເທດກໍ່ແມ່ນຂະບວນການສົນທະນາກັນ.ການຟັງແລະການເວົ້າມີຄວາມສຳຄັນທໍ່ກັນ, ລັດຖະບານຊຸດໃໝ່ຍິນດີເອົາໃຈໃສ່ຟັງສຽງຂອງຝ່າຍຕ່າງໆຂອງທົ່ວໂລກ. ອາເມລິກາອາໄສແຕ່ກຳລັງຂອງຕົນມາແກ້ໄຂບັນຫາຂ້ຽວຂາດຕ່າງໆບໍ່ໄດ້,ສ່ວນພັນທະມິດສຳຄັນທີ່ສຸດຂອງພວກເຮົາກໍ່ແກ້ໄຂບໍ່ໄດ້. ນາງຮິວລາລີສະເໜີອອກມາວ່າ ຄວນດຳເນີນ"ນະໂຍບາຍການຕ່າງປະເທດທີ່ຄ່ອງແຄ້ວ",ໝາຍຄວາມວ່າບໍ່ພຽງແຕ່ຄວນຕິດຕໍ່ກັບພັນທະມິດເທົ່ານັ້ນ,ແຕ່ຍັງຄວນຕິດຕໍ່ກັບຄູ່ແຂ່ງຂັນ,ເພິ່ມທະວີພັນທະມິດທີ່ມີຢູ່ແລ້ວແລະພະຍາຍາມສ້າງພັນທະມິດໃໝ່."
