ຮູບ​ເງົາ​ບັນ​ທຶກ​ທີ່​ມີ​ຊື່​ວ່າ "ຕິ​ເບ​ດ​ປະ​ຈຸ​ບັນແລະ​ແຕ່ກ່ອນ"​ເລີ່​ມ​ສາຍ​ຢູ່​ໂຮງ​ຮູບ​ເງົາ​ແຫ່ງ​ຕ່າງ​ໆ​ຂອງ​ຈີນ

ຕາມ​ຂ່າວສານ​ຊີ​ນຮວາ​:​ເພື່ອລະ​ນຶກການ​ປະຕິ​ຮູບ​ປະຊາ​ທິປະ​ໄຕຂອງ​ຕິ​ເບດຄົບ​ຮອບ50​ປີ,ຮູບ​ເງົາບັນ​ທຶກ​ທີ່​ມີ​ຊື່ວ່າ​ຕິ​ເບ​ດປະຈຸ​ບັນແລະ​ແຕ່ກ່ອນ​ ​ເຊິ່ງຜະລິດ​ໂດຍ​ໂຮງຜະ​ລິດຮູບ​ເງົາ​ຂ່າວສູນ​ກາງ​ຈີນ ​ໄດ້​ສາຍ​ຢູ່​ໂຮງ​ຮູບ​ເງົາຂອງ​ປັກ​ກິ່ງ ​ຊຽງ​ໄຮ້ ທຽນ​ສິນ​ແລະແຫ່ງ​ຕ່າງໆ​ນັບ​ແຕ່​ວັນ​ທີ15​ກຸມພາ​​ນີ້,​ແລະ​ຈະ​ສາຍ​ຢູ່​ໂຮງ​ຮູບ​ເງົາແຫ່ງ​ຕ່າງໆ​ຂອງຈີນ​ແຕ່​ວັນ​ທີ17​ກຸມພາ​​ເປັນຕົ້ນ​ໄປ.

ຮູບ​ເງົານີ້​ໄດ້​ໃຊ້​ເອກະສານ​ປະຫວັດ​ສາດ ຮູ​ບ​ພາບ​ແລະ​ຟິມ​ຮູ​ບ​ເງົາ ​ ວັດ​ຖຸ​ທີ່​ລ້ຳ​ຄ່າ​ເປັນຈຳ​ນວນ​ຫຼວງ​ຫຼາຍ,ສ່ອງ​​ແສງ​​ໃຫ້​ເຫັນ​ແຕ່​ບູຮານ​ນະ​ການ​ມາ​ນີ້ ຕິ​ເບ​ດ​ແມ່ນພາກ​ສ່ວນ​ໜຶ່ງ​ຂອງ​ຈີນທີ່​ຖືກຕັດ​ແຍກ​ອອກ​ບໍ່​ໄດ້​,ສ່ອງ​ແສງ​ໃຫ້​ເຫັນ​ກ່ອນການ​ປະຕິ​ຮູບ​​ປະ​ຊາ​ທິປະ​ໄຕ​ປີ1959​​ ສັງຄົມ​ຕິ​ເບ​ດຢູ່​ໃຕ້ລະບອບ​ທາດ​ກະສິ​ກອນສັກ​ດິນາ​ແລະ​ເອົາ​ການ​ປົກຄອງ​ກັບສາດ​ສະໜາ​ເຊື່ອມ​ໂຍງ​​ເຂົ້າກັນ​ ​​ເຕັມ​ໄປ​ດ້ວຍຄວາມ​ຫຼ້າ​ຫຼັງ ມືດ​ມົນ ​ໂຫດຮ້າຍ​ທາລຸນ ແລະ​ທຳລາຍ​ສິດທິ​ມະນຸດ​ຂອງ​ປະຊາ​ຊົນຕິ​ເບ​ດຢ່າງ​ໜັກໜ່ວງ,ສ່ອງ​ແສງ​ໃຫ້​ເຫັນ​ປະຫວັດ​ຂອງ​ຕິ​ເບ​ດທີ່​ດຳ​ເນີນ​ການ​ປະຕິ​ຮູບ​ປະຊາທິປະ​ໄຕ,ຍົກ​ເລີກ​ລະບອບ​ທາດ​ກະສິ​ກອນ​ສັກດິນາ​ທີ່​ເອົາການ​ປົກຄອງ​ແລະ​ສາດ​ສະໜາ​ເຊື່ອມ​ໂຍງ​ເຂົ້າກັນ,​ທາດ​ກະສິ​ກອນລ້ານ​ຄົນ​ໄດ້​ຮັບ​ການ​ປົດ​ປ່ອຍ,ສ່ອງ​ແສງ​ໃຫ້​ເຫັນ​ສັງຄົມ​ຕິ​ເບ​ດມີ​ຄວາມ​ກ້າວ​ໜ້າທີ່​ມີ​ລັກສະ​ນະປະ​ຫວັດສາດ​ແລະ​ຊາຕາກຳ​ຂອງປະ​ຊາຊົນ​ຕິ​ເບ​ດມີ​ການ​ປ່ຽນ​ແປງ​ຢ່າງ​ຫຼວງ​ຫຼາຍ​ນັບ​ແຕ່ດຳ​ເນີນ​ການ​ປະຕິ​ຮູບ​ປະຊາ​ທິປະ​ໄຕ​ໃນ50ປີ​ມາ​ນີ້.