ກອງປະຊຸມເຈົ້າໜ້າທີ່ອາວຸໂສຂອງອົງການເອເປັກຈັດຂຶ້ນຢູ່ສິງກະໂປ
(GMT+08:00) 2009-02-17 16:20:34 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 16 ກຸມພານີ້,ກອງປະຊຸມເຈົ້າໜ້າທີ່ອາວຸໂສຂອງອົງການຮ່ວມມືດ້ານເສດຖະກິດອາຊີປາຊີຟິກຫຼືເອເປັກຄັ້ງທຳອິດຂອງປີ 2009 ທີ່ຈັດຂຶ້ນຢູ່ສິງກະໂປໄດ້ອັດລົງ,ເຈົ້າໜ້າທີ່ແລະຜູ້ແທນປະມານ 1000 ຄົນທີ່ມາຈາກ 21 ສະມາຊິກໄດ້ເຂົ້າຮ່ວມກອງປະຊຸມເທື່ອນີ້ທີ່ດຳເນີນເປັນເວລາ 2 ວັນ.
ກ່ຽວກັບການຈະເຮັດແນວໃດເພື່ອຮັບມືກັບວິກິດການການເງິນນັ້ນ,ເຈົ້າໜ້າທີ່ອາວຸໂສໃນພາກພື້ນອາຊີປາຊີຟິກທີ່ເຂົ້າຮ່ວມກອງປະຊຸມເທື່ອນີ້ກ່າວເນັ້ນວ່າ,ຕ້ອງໃຊ້ມາດຕະການຮັບປະກັນການເງິນ ເງິນຕາແລະສັງຄົມທີ່ເໝາະສົມ,ຫຼຸດຜ່ອນຄາຍຄວາມກົດດັນຈາກການຈຳກັດການຄ້າພາຍໃນອົງກອນເສດຖະກິດ,ແລ້ວພົ້ນອອກຈາກສະພາບຫຍຸ້ງຍາກດ້ານເສດຖະກິດຢ່າງມີປະສິດທິຜົນ.ຜູ້ເຂົ້າຮ່ວມກອງປະຊຸມຍັງຮຽກຮ້ອງໃຫ້ສ້າງກົນໄກນຳໃຊ້ຂໍ້ມູນຂ່າວສານຮ່ວມກັນ,ເຮັດໃຫ້ອົງກອນເສດຖະກິດຕ່າງໆສາມາດນຳໃຊ້ມາດຕະການດ້ານເສດຖະກິດທີ່ດີທີ່ສຸດຮ່ວມກັນ,ພ້ອມກັນນັ້ນ,ກໍ່ເພີ່ມທະວີການປະສານງານແລະການຮ່ວມມືໃນດ້ານນະໂຍບາຍ.
ກ່ຽວກັບບັນຫາທີ່ວ່າເຮັດແນວໃດເພື່ອຮັກສາໂຄງປະກອບການຄ້າຫຼາຍຝ່າຍ,ເຈົ້າໜ້າທີ່ອາວຸໂສທີ່ເຂົ້າຮ່ວມກອງປະຊຸມໄດ້ໃຫ້ຄຳໝັ້ນສັນຍາອີກວ່າ,ໃນການໃຊ້ມາດຕະການເພື່ອຮັບມືກັບວິກິດການການເງິນ,ປ້ອງກັນບໍ່ໃຫ້ລັດທິປົກປ້ອງການຄ້າຟື້ນຊີບ.ໃນເດືອນພະຈິກປີ 2008,ໃນກອງປະຊຸມບໍ່ເປັນທາງການຂອງຜູ້ນຳເອເປັກທີ່ຈັດຂຶ້ນຢູ່ລີມາ ນະຄອນຫຼວງເປຣູ,ໄດ້ຕົກລົງຫຼຸດກຳແພງດ້ານການຄ້າແລະດ້ານການລົງທຶນເພື່ອຊຸກຍູ້ການສົ່ງອອກ.ໃນກອງປະຊຸມເຈົ້າໜ້າທີ່ອາວຸໂສຂອງເອເປັກເທື່ອນີ້,ຜູ້ເຂົ້າຮ່ວມກອງປະຊຸມໄດ້ເປັນເອກະພາບກັນເຫັນວ່າ,ຄວນຕິດຕາມສະພາບປະຕິບັດ《ຖະແຫຼງການລີມາ》,ແລະຮ່າງບົດລາຍງານປະເມີນສະບັບໜຶ່ງ,ສົ່ງໃຫ້ກອງປະຊຸມລະດັບລັດຖະມົນຕີການຄ້າຂອງເອເປັກທີ່ຈະຈັດຂຶ້ນໃນເດືອນກໍລະກົດປີນີ້ເພື່ອປຶກສາຫາລື.
ນອກນີ້,ຜູ້ເຂົ້າຮ່ວມກອງປະຊຸມຍັງເປັນເອກະພາບກັນເຫັນວ່າ,ເລັ່ງລັດຄວາມເຊື່ອມໂຍງເຂົ້າກັນຂອງເສດຖະກິດພາກພື້ນນີ້,ມີຜົນດີຕໍ່ການຫຼຸດຕົ້ນທຶນທຸລະກິດ,ເຮັດໃຫ້ຄົນທັງຫຼາຍມີຄວາມເຊື່ອໝັ້ນຄືນໃໝ່.ພວກທ່ານຍັງຊີ້ອອກວ່າ,ວິກິດການການເງິນໃນປະຈຸບັນແມ່ນໂອກາດທີ່ດຳເນີນການປະຕິຮູບໂຄງປະກອບ,ຈະຊ່ວຍອົງກອນເສດຖະກິດຕ່າງໆຍົກສູງກຳລັງແຂ່ງຂັນແລະຟື້ນຟູເສດຖະກິດ.ໃນການຊຸກຍູ້ຄວາມເຊື່ອມໂຍງເຂົ້າກັນຂອງເສດຖະກິດພາກພື້ນນັ້ນ,ເອເປັກຈະເສີມຂະຫຍາຍບົດບາດສຳຄັນໃນການພັດທະນາແບບຍືນຍົງຂອງພາກພື້ນອາຊີປາຊີຟິກ.ເຈົ້າໜ້າທີ່ອາວຸໂສທີ່ເຂົ້າຮ່ວມກອງປະຊຸມຍັງເຫັນດີວ່າ,ເອເປັກຄວນໃຊ້ມາດຕະການຕ່າງໆເພື່ອເຮັດໃຫ້ມີການຄ້າແລະການລົງທຶນຢ່າງເສລີແລະປັບປຸງສະພາບແວດລ້ອມທຸລະກິດ,ແລ້ວຊຸກຍູ້ຄວາມເຊື່ອມໂຍງເຂົ້າກັນຂອງເສດຖະກິດພາກພື້ນ.
ກ່ຽວກັບການຈະເຮັດແນວໃດເພື່ອຮັບມືກັບວິກິດການການເງິນນັ້ນ,ເຈົ້າໜ້າທີ່ອາວຸໂສໃນພາກພື້ນອາຊີປາຊີຟິກທີ່ເຂົ້າຮ່ວມກອງປະຊຸມເທື່ອນີ້ກ່າວເນັ້ນວ່າ,ຕ້ອງໃຊ້ມາດຕະການຮັບປະກັນການເງິນ ເງິນຕາແລະສັງຄົມທີ່ເໝາະສົມ,ຫຼຸດຜ່ອນຄາຍຄວາມກົດດັນຈາກການຈຳກັດການຄ້າພາຍໃນອົງກອນເສດຖະກິດ,ແລ້ວພົ້ນອອກຈາກສະພາບຫຍຸ້ງຍາກດ້ານເສດຖະກິດຢ່າງມີປະສິດທິຜົນ.ຜູ້ເຂົ້າຮ່ວມກອງປະຊຸມຍັງຮຽກຮ້ອງໃຫ້ສ້າງກົນໄກນຳໃຊ້ຂໍ້ມູນຂ່າວສານຮ່ວມກັນ,ເຮັດໃຫ້ອົງກອນເສດຖະກິດຕ່າງໆສາມາດນຳໃຊ້ມາດຕະການດ້ານເສດຖະກິດທີ່ດີທີ່ສຸດຮ່ວມກັນ,ພ້ອມກັນນັ້ນ,ກໍ່ເພີ່ມທະວີການປະສານງານແລະການຮ່ວມມືໃນດ້ານນະໂຍບາຍ.
ກ່ຽວກັບບັນຫາທີ່ວ່າເຮັດແນວໃດເພື່ອຮັກສາໂຄງປະກອບການຄ້າຫຼາຍຝ່າຍ,ເຈົ້າໜ້າທີ່ອາວຸໂສທີ່ເຂົ້າຮ່ວມກອງປະຊຸມໄດ້ໃຫ້ຄຳໝັ້ນສັນຍາອີກວ່າ,ໃນການໃຊ້ມາດຕະການເພື່ອຮັບມືກັບວິກິດການການເງິນ,ປ້ອງກັນບໍ່ໃຫ້ລັດທິປົກປ້ອງການຄ້າຟື້ນຊີບ.ໃນເດືອນພະຈິກປີ 2008,ໃນກອງປະຊຸມບໍ່ເປັນທາງການຂອງຜູ້ນຳເອເປັກທີ່ຈັດຂຶ້ນຢູ່ລີມາ ນະຄອນຫຼວງເປຣູ,ໄດ້ຕົກລົງຫຼຸດກຳແພງດ້ານການຄ້າແລະດ້ານການລົງທຶນເພື່ອຊຸກຍູ້ການສົ່ງອອກ.ໃນກອງປະຊຸມເຈົ້າໜ້າທີ່ອາວຸໂສຂອງເອເປັກເທື່ອນີ້,ຜູ້ເຂົ້າຮ່ວມກອງປະຊຸມໄດ້ເປັນເອກະພາບກັນເຫັນວ່າ,ຄວນຕິດຕາມສະພາບປະຕິບັດ《ຖະແຫຼງການລີມາ》,ແລະຮ່າງບົດລາຍງານປະເມີນສະບັບໜຶ່ງ,ສົ່ງໃຫ້ກອງປະຊຸມລະດັບລັດຖະມົນຕີການຄ້າຂອງເອເປັກທີ່ຈະຈັດຂຶ້ນໃນເດືອນກໍລະກົດປີນີ້ເພື່ອປຶກສາຫາລື.
ນອກນີ້,ຜູ້ເຂົ້າຮ່ວມກອງປະຊຸມຍັງເປັນເອກະພາບກັນເຫັນວ່າ,ເລັ່ງລັດຄວາມເຊື່ອມໂຍງເຂົ້າກັນຂອງເສດຖະກິດພາກພື້ນນີ້,ມີຜົນດີຕໍ່ການຫຼຸດຕົ້ນທຶນທຸລະກິດ,ເຮັດໃຫ້ຄົນທັງຫຼາຍມີຄວາມເຊື່ອໝັ້ນຄືນໃໝ່.ພວກທ່ານຍັງຊີ້ອອກວ່າ,ວິກິດການການເງິນໃນປະຈຸບັນແມ່ນໂອກາດທີ່ດຳເນີນການປະຕິຮູບໂຄງປະກອບ,ຈະຊ່ວຍອົງກອນເສດຖະກິດຕ່າງໆຍົກສູງກຳລັງແຂ່ງຂັນແລະຟື້ນຟູເສດຖະກິດ.ໃນການຊຸກຍູ້ຄວາມເຊື່ອມໂຍງເຂົ້າກັນຂອງເສດຖະກິດພາກພື້ນນັ້ນ,ເອເປັກຈະເສີມຂະຫຍາຍບົດບາດສຳຄັນໃນການພັດທະນາແບບຍືນຍົງຂອງພາກພື້ນອາຊີປາຊີຟິກ.ເຈົ້າໜ້າທີ່ອາວຸໂສທີ່ເຂົ້າຮ່ວມກອງປະຊຸມຍັງເຫັນດີວ່າ,ເອເປັກຄວນໃຊ້ມາດຕະການຕ່າງໆເພື່ອເຮັດໃຫ້ມີການຄ້າແລະການລົງທຶນຢ່າງເສລີແລະປັບປຸງສະພາບແວດລ້ອມທຸລະກິດ,ແລ້ວຊຸກຍູ້ຄວາມເຊື່ອມໂຍງເຂົ້າກັນຂອງເສດຖະກິດພາກພື້ນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
