UNEPເຜີຍແຜ່ບົດລາຍງານປະເມີນສິ່ງແວດລ້ອມປັກກິ່ງໃນໄລຍະໂອລິມປິກ
(GMT+08:00) 2009-02-19 18:27:04 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ18ກຸມພານີ້ ໂຄງການສິ່ງແວດລ້ອມສະຫະປະຊາຊາດຫຼືUNEPໄດ້ເຜີຍແຜ່ບົດລາຍງານປະເມີນສິ່ງແວດລ້ອມປັກກິ່ງໃນໄລຍະໂອລິມປິກຢູ່ສຳນັກງານໃຫຍ່ໄນໂຣບີ,ບົດລາຍງານຍ້ອງຍໍຈີນທີ່ໃຊ້ມາດຕະການອະນຸຣັກສິ່ງແວດລ້ອມ ແລະໝາກຜົນອັນຕັ້ງໜ້າທີ່ໄດ້ຮັບໃນໄລຍະກະກຽມແລະໄລຍະຈັດງານໂອລິມປິກປັກກິ່ງ ,ແລະກ່າວວ່າ ບົດຮຽນດ້ານການອະນຸຣັກສິ່ງແວດລ້ອມໃນໄລຍະງານໂອລິມປິກປັກກິ່ງເປັນຕົວຢ່າງຕໍ່ຕົວເມືອງທີ່ຈະຈັດການແຂ່ງຂັນກິລາສາກົນຂະໜາດໃຫຍ່ໃນອະນາຄົດ,ເຮັດໃຫ້ການແຂ່ງຂັນເຫຼົ່ານີ້ມີສິ່ງແວດລ້ອມ,ປອດມົນລະພິດກວ່າເກົ່າ.
ບົດລາຍງານສະບັບນີ້ ມີ135ໜ້າ ແບ່ງເປັນ12ພາກ,ໄດ້ແນະນຳມາດຕະການອະນຸຣັກສິ່ງແວດລ້ອມປັກກິ່ງໃນໄລຍະໂອລິມປິກຢ່າງລະອຽດ.ບົດລາຍງານກ່າວວ່າ ໂອລິມປິກປັກກິ່ງແມ່ນໂອລິມປິກຊີວະພາບຄັ້ງໜຶ່ງ,ແມ່ນການກ້າວກະໂດດອັນຍິ່ງໃຫຍ່ໃນຂົງເຂດການອະນຸຣັກສິ່ງແວດລ້ອມໃນການແຂ່ງຂັນກິລາຂະໜາດໃຫຍ່ສາກົນຫຼາຍຊຸດທີ່ຜ່ານມາ.
ບົດລາຍງານຊີ້ອອກວ່າ,ລັດຖະບານຈີນໄດ້ໃຊ້ງົບປະມານ17ຕື້ກວ່າໂດລາສະຫະລັດເຂົ້າໃນການອະນຸຣັກສິ່ງແວດລ້ອມຂອງໂອລິມສີຂຽວປັກກິ່ງ,ການປະຕິບັດມາດຕະການເຫຼົ່ານີ້ສະດວກຫຼາຍ.ເພື່ອຮັບປະກັນຄຸນນະພາບຂອງ ອາກາດໃນໄລຍະໂອລິມປິກ,ລົດຍົນທີ່ແລ່ນຢູ່ຕາມເສັ້ນທາງທຸກຄັນຕ້ອງປະຕິບັດຕາມລະດັບ4ຂອງເອີລົບ.ເພື່ອຫຼຸດການລະບາຍອາຍເສຍຂອງລົດຍົນ,ອົງການປົກຄອງນະຄອນຫຼວງປັກກິ່ງໄດ້ໃຊ້ທຶນຈຳນວນຫຼວງຫຼາຍເພື່ອອຸດໜູນການຄົມມະນາຄົມສາທາລະນະ.ພ້ອມກັນນັ້ນ,ໃນໄລຍະໂອລິມປິກປັກກິ່ງ,ລົດຍົນຜັນປ່ຽນກັນອອກເດີນທາງຕາມປາຍລົດເລກຄີກແລະເລກຄູ່.ນອກນີ້,ເນື້ອທີ່ຕົ້ນໄມ້ຕົ້ນຫຍ້າແລະປະລິມານທ້ອງຟ້າປອດໂປ່ງຢູ່ປັກກິ່ງກໍ່ໄດ້ມີການປັບປຸງໃຫ້ດີຂຶ້ນ.
ໂອລິມປິກປັກກິ່ງໄດ້ສິ້ນສຸດລົງແລ້ວ,ໝາກຜົນອັນຕັ້ງໜ້າທີ່ໄດ້ຮັບໃນການປະຕິບັດມາດຕະການອະນຸຣັກສິ່ງແວດລ້ອມທີ່ກ່ຽວຂ້ອງ ຈະສາມາດສືບຕໍ່ດຳເນີນຕໍ່ໄປແລະເສີມຂະຫຍາຍບົດບາດກົນໄກທີ່ມີປະສິດທິພາບຍາວນານຫຼືບໍ່?ທ່ານຫຼີກ້ານຈື້ ລັດຖະມົນຕີຊ່ວຍວ່າການກະຊວງອະນຸຣັກສິ່ງແວດລ້ອມຈີນ ທີ່ພວມເຂົ້າຮ່ວມກອງປະຊຸມຄະນະກຳມະການຄັ້ງທີ25ຂອງໂຄງການສິ່ງແວດລ້ອມສະຫະປະຊາຊາດ ແລະເວທີປຶກສາຫາລືລະດັບລັດຖະມົນຕີກ່ຽວກັບສິ່ງແວດລ້ອມທົ່ວໂລກ ໄດ້ຕອບຄຳຖາມດັ່ງກ່າວຢ່າງຈະແຈ້ງ.ທ່ານກ່າວວ່າ,ມາດຕະການເຫຼົ່ານີ້ບໍ່ພຽງແຕ່ໄດ້ຮັບປະກັນໃຫ້ດິນຟ້າອາກາດມີຄຸນນະພາບດີໃນໄລຍະໂອລິມປິກປັກກິ່ງເທົ່ານັ້ນ,ຍິ່ງສຳຄັນກວ່ານັ້ນ ແມ່ນເພື່ອເຮັດໃຫ້ຄຸນນະພາບດ້ານຊີວິດການເປັນຢູ່ຂອງປະຊາຊົນປັກກິ່ງມີການປັບປຸງໃຫ້ດີຂຶ້ນຢ່າງຫຼວງຫຼາຍ.
ຕາມການແນະນຳ,ເຖິງວ່າວິກິດການການເງິນທົ່ວໂລກໃນປະຈຸບັນໜັກໜ່ວງຫຼາຍ,ແຕ່ຈີນກໍ່ບໍ່ໄດ້ລືມການອະນຸຣັກສິ່ງແວດລ້ອມແລະການພັດທະນາແບບຍືນຍົງ.ເພື່ອຮັບມືກັບວິກິດການການເງິນ ໃນສອງປີຕໍ່ໜ້າ ລັດຖະບານຈີນຈະໃຊ້ງົບປະມານ4000ຕື້ຢວນ,ເງິນທີ່ໃຊ້ໃນຂົງເຂດອະນຸຣັກສິ່ງແວດລ້ອມກວມຮອດເກືອບ10%,ມີເຖິງ350ຕື້ຢວນ.
ບົດລາຍງານສະບັບນີ້ ມີ135ໜ້າ ແບ່ງເປັນ12ພາກ,ໄດ້ແນະນຳມາດຕະການອະນຸຣັກສິ່ງແວດລ້ອມປັກກິ່ງໃນໄລຍະໂອລິມປິກຢ່າງລະອຽດ.ບົດລາຍງານກ່າວວ່າ ໂອລິມປິກປັກກິ່ງແມ່ນໂອລິມປິກຊີວະພາບຄັ້ງໜຶ່ງ,ແມ່ນການກ້າວກະໂດດອັນຍິ່ງໃຫຍ່ໃນຂົງເຂດການອະນຸຣັກສິ່ງແວດລ້ອມໃນການແຂ່ງຂັນກິລາຂະໜາດໃຫຍ່ສາກົນຫຼາຍຊຸດທີ່ຜ່ານມາ.
ບົດລາຍງານຊີ້ອອກວ່າ,ລັດຖະບານຈີນໄດ້ໃຊ້ງົບປະມານ17ຕື້ກວ່າໂດລາສະຫະລັດເຂົ້າໃນການອະນຸຣັກສິ່ງແວດລ້ອມຂອງໂອລິມສີຂຽວປັກກິ່ງ,ການປະຕິບັດມາດຕະການເຫຼົ່ານີ້ສະດວກຫຼາຍ.ເພື່ອຮັບປະກັນຄຸນນະພາບຂອງ ອາກາດໃນໄລຍະໂອລິມປິກ,ລົດຍົນທີ່ແລ່ນຢູ່ຕາມເສັ້ນທາງທຸກຄັນຕ້ອງປະຕິບັດຕາມລະດັບ4ຂອງເອີລົບ.ເພື່ອຫຼຸດການລະບາຍອາຍເສຍຂອງລົດຍົນ,ອົງການປົກຄອງນະຄອນຫຼວງປັກກິ່ງໄດ້ໃຊ້ທຶນຈຳນວນຫຼວງຫຼາຍເພື່ອອຸດໜູນການຄົມມະນາຄົມສາທາລະນະ.ພ້ອມກັນນັ້ນ,ໃນໄລຍະໂອລິມປິກປັກກິ່ງ,ລົດຍົນຜັນປ່ຽນກັນອອກເດີນທາງຕາມປາຍລົດເລກຄີກແລະເລກຄູ່.ນອກນີ້,ເນື້ອທີ່ຕົ້ນໄມ້ຕົ້ນຫຍ້າແລະປະລິມານທ້ອງຟ້າປອດໂປ່ງຢູ່ປັກກິ່ງກໍ່ໄດ້ມີການປັບປຸງໃຫ້ດີຂຶ້ນ.
ໂອລິມປິກປັກກິ່ງໄດ້ສິ້ນສຸດລົງແລ້ວ,ໝາກຜົນອັນຕັ້ງໜ້າທີ່ໄດ້ຮັບໃນການປະຕິບັດມາດຕະການອະນຸຣັກສິ່ງແວດລ້ອມທີ່ກ່ຽວຂ້ອງ ຈະສາມາດສືບຕໍ່ດຳເນີນຕໍ່ໄປແລະເສີມຂະຫຍາຍບົດບາດກົນໄກທີ່ມີປະສິດທິພາບຍາວນານຫຼືບໍ່?ທ່ານຫຼີກ້ານຈື້ ລັດຖະມົນຕີຊ່ວຍວ່າການກະຊວງອະນຸຣັກສິ່ງແວດລ້ອມຈີນ ທີ່ພວມເຂົ້າຮ່ວມກອງປະຊຸມຄະນະກຳມະການຄັ້ງທີ25ຂອງໂຄງການສິ່ງແວດລ້ອມສະຫະປະຊາຊາດ ແລະເວທີປຶກສາຫາລືລະດັບລັດຖະມົນຕີກ່ຽວກັບສິ່ງແວດລ້ອມທົ່ວໂລກ ໄດ້ຕອບຄຳຖາມດັ່ງກ່າວຢ່າງຈະແຈ້ງ.ທ່ານກ່າວວ່າ,ມາດຕະການເຫຼົ່ານີ້ບໍ່ພຽງແຕ່ໄດ້ຮັບປະກັນໃຫ້ດິນຟ້າອາກາດມີຄຸນນະພາບດີໃນໄລຍະໂອລິມປິກປັກກິ່ງເທົ່ານັ້ນ,ຍິ່ງສຳຄັນກວ່ານັ້ນ ແມ່ນເພື່ອເຮັດໃຫ້ຄຸນນະພາບດ້ານຊີວິດການເປັນຢູ່ຂອງປະຊາຊົນປັກກິ່ງມີການປັບປຸງໃຫ້ດີຂຶ້ນຢ່າງຫຼວງຫຼາຍ.
ຕາມການແນະນຳ,ເຖິງວ່າວິກິດການການເງິນທົ່ວໂລກໃນປະຈຸບັນໜັກໜ່ວງຫຼາຍ,ແຕ່ຈີນກໍ່ບໍ່ໄດ້ລືມການອະນຸຣັກສິ່ງແວດລ້ອມແລະການພັດທະນາແບບຍືນຍົງ.ເພື່ອຮັບມືກັບວິກິດການການເງິນ ໃນສອງປີຕໍ່ໜ້າ ລັດຖະບານຈີນຈະໃຊ້ງົບປະມານ4000ຕື້ຢວນ,ເງິນທີ່ໃຊ້ໃນຂົງເຂດອະນຸຣັກສິ່ງແວດລ້ອມກວມຮອດເກືອບ10%,ມີເຖິງ350ຕື້ຢວນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
