ທ່ານອະພິສິດ ເວດຊາຊີວະ ນາຍົກໄທໄປຢ້ຽມຢາມອິນໂດເນເຊຍ
-----------------------------------------------------------------------------------------------------------------
ຕາມຂ່າວcri:ຕອນເຊົ້າວັນທີ20 ກຸມພານີ້,ທ່ານອະພິສິດ ເວດຊາຊີວະ ນາຍົກລັດຖະມົນຕີໄທເດີນທາງໄປຈາກາຕາ,ເພື່ອຢ້ຽມຢາມອິນໂດເນເຊຍຢ່າງເປັນທາງການເປັນເວລາ2ວັນ.
ກ່ອນນີ້,ໃນເວລາກ່າວເຖິງການຢ້ຽມຢາມເທື່ອນີ້,ທ່ານອະພິສິດກ່າວວ່າ,ທ່ານຈະສວຍໃຊ້ການຢ້ຽມຢາມເທື່ອນີ້ເພີ່ມທະວີການພົວພັນໄມຕີຕິດມິດຕະພາບລະຫວ່າງໄທກັບອິນໂດເນເຊຍ,ຊຸກຍູ້ການຮ່ວມມືລະຫວ່າງສອງຝ່າຍໃນຫຼາຍດ້ານຄືເສດຖະກິດ,ການຄ້າ,ການລົງທຶນ,ພະລັງງານ,ການລ້ຽງປາ,ການສຶກສາແລະວິຊາການເປັນຕົ້ນ.ນອກນີ້,ຜູ່ນຳສອງຝ່າຍຍັງຈະຫາລືກັນກ່ຽວກັບບັນຫາຕ່າງໆຄືກອງປະຊຸມຜູ່ນຳສຸດຍອດອາຊຽນ,ສະພາບຄວາມຮຸງແຮງຢູ່ພາກໃຕ້ໄທແລະການເຂົ້າເມືອງຜິດກົດໝາຍເປັນຕົ້ນ.
ອິນໂດເນເຊຍແມ່ນປະເທດສະມາຊິກອາຊຽນທີ2ທີ່ທ່ານອະພິສິດເດີນທາງຢ້ຽມຢາມຫຼັງຂາກຂຶ້ນຮັບຕຳແໜ່ງເປັນນາຍົກລັດຖະມົນຕີໄທເປັນຕົ້ນມາ,ກ່ອນໜ້ານີ້,ທ່ານເຄີຍໄປຍ້ຽມຢາມລາວ.
