ປະຕິຮູບສະພາຄວາມໝັ້ນຄົງຍັງແມ່ນໜ້າທີ່ໜັກໜ່ວງ
(GMT+08:00) 2009-02-20 17:33:23 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນທີ 19 ກຸມພານີ້,ສະມັດຊາໃຫຍ່ສະຫະປະຊາຊາດຄັ້ງທີ 63 ໄດ້ຈັດກອງປະຊຸມຄົບຄະນະບໍ່ເປັນທາງການ,ເລີ່ມການເຈລະຈາລະຫວ່າງລັດຖະບານກ່ຽວກັບບັນຫາປະຕິຮູບສະພາຄວາມໝັ້ນຄົງຢ່າງເປັນທາງການ.ການປຶກສາຫາລືຮອບນີ້ກ່ຽວກັບບັນຫາປະຕິຮູບສະພາຄວາມໝັ້ນຄົງໄດ້ດຳເນີນມາເປັນເວລາ 15 ປີແລ້ວ,ເຖິງວ່າໃນປະຈຸບັນ,ເກືອບທຸກປະເທດລ້ວນແຕ່ເຫັນດີນຳຄວາມຈຳເປັນຂອງການເປີດກວ້າງສະພາຄວາມໝັ້ນຄົງ,ແນວຄຶດແລະແຜນການກ່ຽວກັບການປະຕິຮູບກໍ່ມີ 10 ກວ່າອັນ,ແຕ່ປະຈຸບັນ,ຍັງບໍ່ທັນມີແຜນການໃດໄດ້ຮັບການສະໜັບສະໜູນຈາກສະມາຊິກຕ່າງໆຢ່າງພຽງພໍ,ຝ່າຍຕ່າງໆຍັງມີຄວາມຂັດແຍ່ງກັນອ່າວຫຼາຍ.
ການປະຕິຮູບສະພາຄວາມໝັ້ນຄົງກ່ຽວພັນເຖິງການຢູ່ລອດແລະການພັດທະນາຂອງສະຫະປະຊາຊາດ,ແລະຈະກ່ຽວພັນເຖິງ 3 ບັນຫາທີ່ສຳຄັນຄື ການເປີດກວ້າງອົງການ ສິດຢັບຢັ້ງແລະການຫັນເປັນປະຊາທິປະໄຕ.ປະຈຸບັນ,ສະພາຄວາມໝັ້ນຄົງປະກອບດ້ວຍ 15 ປະເທດສະມາຊິກ,ລວມທັງ 5 ປະເທດສະມາຊິກຖາວອນແລະ 10 ປະເທດສະມາຊິກບໍ່ຖາວອນ.ປະເທດສະມາຊິກບໍ່ຖາວອນແມ່ນເລືອກຕັ້ງໂດຍສະມັດຊາໃຫຍ່ສະຫະປະຊາຊາດ,ທີ່ນັ່ງແມ່ນສັບຊ້ອນຕາມພາກພື້ນ,ມີອາຍຸການ 2 ປີ.
ປີ 2008,ສະມັດຊາໃຫຍ່ສະຫະປະຊາຊາດຄັ້ງທີ 62 ໄດ້ຮັບຮອງມະຕິ,ຕົກລົງກ່ອນວັນທີ 28 ກຸມພາປີ 2009,ໃນໄລຍະກອງປະຊຸມໃຫຍ່ສະຫະປະຊາຊາດຄັ້ງທີ 63,ຈະຈັດກອງປະຊຸມຄົບຄະນະບໍ່ເປັນທາງການ,ເພື່ອເຈລະຈາກັນກ່ຽວກັບບັນຫາຄວາມຕາງໜ້າແລະທ່ຽງທຳ ບັນຫາເພີ່ມປະເທດສະມາຊິກຂອງສະພາຄວາມໝັ້ນຄົງ.ມະຕິດັ່ງກ່າວຮຽກຮ້ອງໃຫ້ປະເທດສະມາຊິກຕ່າງໆຂອງສະມັດຊາດໃຫຍ່ສະຫະປະຊາຊາດສືບຕໍ່ໃຊ້ຮູບການທີ່ເມດຕາ ເຄົາລົບກັນ ເປີດເຜີຍ ເຜື່ອແຜ່ແລະປອດໃສ,ສະແຫວງຫາວິທີແກ້ໄຂທີ່ສາມາດໄດ້ຮັບການສະໜັບສະໜູນດ້ານການເມືອງຢ່າງກວ້າງຂວາງທີ່ສຸດ.
ວັນທີ 19 ກຸມພານີ້,ໃນເວລາທ່ານຈ່າງເຢ້ຊຸ້ຍ ຜູ້ຕາງໜ້າຖາວອນຂອງຈີນປະຈຳສະຫະປະຊາຊາດກ່າວຄຳປາໄສໃນກອງປະຊຸມຄົບຄະນະບໍ່ເປັນທາງການ,ທ່ານກ່າວວ່າ,ຈີນສະໜັບສະໜູນສະຫະປະຊາຊາດດຳເນີນການປະຕິຮູບທີ່ສົມເຫດສົມຜົນແລະຈຳເປັນ,ແລະເນັ້ນໜັກວ່າຄວນແກ້ໄຂບັນຫາການເພີ່ມຈຳນວນຜູ້ຕາງໜ້າຂອງປະເທດທີ່ພວມພັດທະນາໂດຍສະເພາະແມ່ນປະເທດອາຟຼິກາກ່ອນ,ເພາະວ່າ,ນັບແຕ່ສະຫະປະຊາຊາດໄດ້ສ້າງຕັ້ງຂຶ້ນມານີ້,ຈຳນວນປະເທດສະມາຊິກໄດ້ເພີ່ມຈາກ 51 ປະເທດໃນໄລຍະຕົ້ນຂຶ້ນເປັນ 192 ປະເທດໃນປະຈຸບັນ,ໃນນັ້ນ,ປະເທດສະມາຊິກທີ່ພວມພັດທະນາໄດ້ກວມສ່ວນຫຼາຍ,ສ່ວນໃນປະຈຸບັນ,ການປະກອບຂອງສະພາຄວາມໝັ້ນຄົງໄດ້ບໍ່ສາມາດສ່ອງແສງເຖິງສະພາບຕົວຈິງດ້ານການເມືອງທີ່ປະເທດພວມພັດທະນາກວມສ່ວນຫຼາຍໃນສະຫະປະຊາຊາດ.
ສັງເກດຈາກການປຶກສາຫາລືແລະການກ່າວຄຳປາໄສໃນວັນທີ 19 ກຸມພານີ້ແລ້ວເຫັນວ່າ,ຝ່າຍຕ່າງໆລ້ວນແຕ່ໄດ້ກ່າວຢ້ຳຫຼັກໝັ້ນເກົ່າ,ບໍ່ມີການປ່ຽນແປງໂດຍພື້ນຖານ.ຍ້ອນບັນຫານີ້ທັງສັບສົນແລະອ່ອນໄຫວ,ສະນັ້ນ,ປະຕິຮູບສະພາຄວາມໝັ້ນຄົງຍັງແມ່ນໜ້າທີ່ໜັກໜ່ວງ.
ການປະຕິຮູບສະພາຄວາມໝັ້ນຄົງກ່ຽວພັນເຖິງການຢູ່ລອດແລະການພັດທະນາຂອງສະຫະປະຊາຊາດ,ແລະຈະກ່ຽວພັນເຖິງ 3 ບັນຫາທີ່ສຳຄັນຄື ການເປີດກວ້າງອົງການ ສິດຢັບຢັ້ງແລະການຫັນເປັນປະຊາທິປະໄຕ.ປະຈຸບັນ,ສະພາຄວາມໝັ້ນຄົງປະກອບດ້ວຍ 15 ປະເທດສະມາຊິກ,ລວມທັງ 5 ປະເທດສະມາຊິກຖາວອນແລະ 10 ປະເທດສະມາຊິກບໍ່ຖາວອນ.ປະເທດສະມາຊິກບໍ່ຖາວອນແມ່ນເລືອກຕັ້ງໂດຍສະມັດຊາໃຫຍ່ສະຫະປະຊາຊາດ,ທີ່ນັ່ງແມ່ນສັບຊ້ອນຕາມພາກພື້ນ,ມີອາຍຸການ 2 ປີ.
ປີ 2008,ສະມັດຊາໃຫຍ່ສະຫະປະຊາຊາດຄັ້ງທີ 62 ໄດ້ຮັບຮອງມະຕິ,ຕົກລົງກ່ອນວັນທີ 28 ກຸມພາປີ 2009,ໃນໄລຍະກອງປະຊຸມໃຫຍ່ສະຫະປະຊາຊາດຄັ້ງທີ 63,ຈະຈັດກອງປະຊຸມຄົບຄະນະບໍ່ເປັນທາງການ,ເພື່ອເຈລະຈາກັນກ່ຽວກັບບັນຫາຄວາມຕາງໜ້າແລະທ່ຽງທຳ ບັນຫາເພີ່ມປະເທດສະມາຊິກຂອງສະພາຄວາມໝັ້ນຄົງ.ມະຕິດັ່ງກ່າວຮຽກຮ້ອງໃຫ້ປະເທດສະມາຊິກຕ່າງໆຂອງສະມັດຊາດໃຫຍ່ສະຫະປະຊາຊາດສືບຕໍ່ໃຊ້ຮູບການທີ່ເມດຕາ ເຄົາລົບກັນ ເປີດເຜີຍ ເຜື່ອແຜ່ແລະປອດໃສ,ສະແຫວງຫາວິທີແກ້ໄຂທີ່ສາມາດໄດ້ຮັບການສະໜັບສະໜູນດ້ານການເມືອງຢ່າງກວ້າງຂວາງທີ່ສຸດ.
ວັນທີ 19 ກຸມພານີ້,ໃນເວລາທ່ານຈ່າງເຢ້ຊຸ້ຍ ຜູ້ຕາງໜ້າຖາວອນຂອງຈີນປະຈຳສະຫະປະຊາຊາດກ່າວຄຳປາໄສໃນກອງປະຊຸມຄົບຄະນະບໍ່ເປັນທາງການ,ທ່ານກ່າວວ່າ,ຈີນສະໜັບສະໜູນສະຫະປະຊາຊາດດຳເນີນການປະຕິຮູບທີ່ສົມເຫດສົມຜົນແລະຈຳເປັນ,ແລະເນັ້ນໜັກວ່າຄວນແກ້ໄຂບັນຫາການເພີ່ມຈຳນວນຜູ້ຕາງໜ້າຂອງປະເທດທີ່ພວມພັດທະນາໂດຍສະເພາະແມ່ນປະເທດອາຟຼິກາກ່ອນ,ເພາະວ່າ,ນັບແຕ່ສະຫະປະຊາຊາດໄດ້ສ້າງຕັ້ງຂຶ້ນມານີ້,ຈຳນວນປະເທດສະມາຊິກໄດ້ເພີ່ມຈາກ 51 ປະເທດໃນໄລຍະຕົ້ນຂຶ້ນເປັນ 192 ປະເທດໃນປະຈຸບັນ,ໃນນັ້ນ,ປະເທດສະມາຊິກທີ່ພວມພັດທະນາໄດ້ກວມສ່ວນຫຼາຍ,ສ່ວນໃນປະຈຸບັນ,ການປະກອບຂອງສະພາຄວາມໝັ້ນຄົງໄດ້ບໍ່ສາມາດສ່ອງແສງເຖິງສະພາບຕົວຈິງດ້ານການເມືອງທີ່ປະເທດພວມພັດທະນາກວມສ່ວນຫຼາຍໃນສະຫະປະຊາຊາດ.
ສັງເກດຈາກການປຶກສາຫາລືແລະການກ່າວຄຳປາໄສໃນວັນທີ 19 ກຸມພານີ້ແລ້ວເຫັນວ່າ,ຝ່າຍຕ່າງໆລ້ວນແຕ່ໄດ້ກ່າວຢ້ຳຫຼັກໝັ້ນເກົ່າ,ບໍ່ມີການປ່ຽນແປງໂດຍພື້ນຖານ.ຍ້ອນບັນຫານີ້ທັງສັບສົນແລະອ່ອນໄຫວ,ສະນັ້ນ,ປະຕິຮູບສະພາຄວາມໝັ້ນຄົງຍັງແມ່ນໜ້າທີ່ໜັກໜ່ວງ.
ຂ່າວ-ບົດທີ່ກ່ຽວຂ້ອງ
ຄຳເຫັນ
