ກອງປະຊຸມວິສາມັນລັດຖະມົນຕີກະຊວງການເງິນຂອງອາຊຽນ+ຈີນ ຍີ່ປຸ່ນແລະສ.ເກົາຫລີຫາລືມາດຕະການຮັບມືແກ້ໄຂວິກິດການການເງິນ
-----------------------------------------------------------------------------------------------------------------
ຕາມຂ່າວ cri:ວັນທີ 22 ກຸມພານີ້ ກອງປະຊຸມວິສາມັນລະດັບລັດຖະມົນຕີກະຊວງການເງິນອາຊຽນ+ຈີນ ຍີ່ປຸ່ນແລະສາທາລະນະລັດເກົາຫລີຫລື 10+3 ໄດ້ຈັດຂຶ້ນຢູ່ເກາະພູເກັດຂອງໄທ,ກອງປະຊຸມໄດ້ພິຈາລະນາແລະເຜີຍແຜ່ແຜນການດຳເນີນງານເພື່ອໃຫ້ເສດຖະກິດການເງິນອາຊີມີຄວາມຫມັ້ນຄົງ.ລັດຖະມົນຕີການເງິນຂອງປະເທດຕ່າງໆໃນ 10+3 ໄດ້ກ່າວວ່າຈະເພີ່ມທະວີການຮ່ວມມືໃນດ້ານການເງິນຢ່າງຕິດແທດຕົວຈິງ, ພ້ອມກັນປົກປັກຮັກສາຄວາມຫມັ້ນທ່ຽງຂອງຕະຫລາດການເງິນອາຊີ.ຕໍ່ໄປແມ່ນເນື້ອໃນລະອຽດ.
ກອງປະຊຸມທີ່ຈັດຂຶ້ນໃນວັນທີ 22 ກຸມພານີ້ ໄດ້ຫາລືສະຖານະການເສດຖະກິດມະຫາພາກໃນພາກພື້ນ ນະໂຍບາຍມາດຕະການຂອງປະເທດຕ່າງໆໃນການຣັບມືກັບວິກິດການ ການຣ່ວມມືດ້ານການເງິນຂອງອາຊີຕາເວັນອອກແລະບັນຫາສຳຄັນຕ່າງໆ.ຫລັງກອງປະຊຸມ, ລັດຖະມົນຕີການເງິນຂອງປະເທດຕ່າງໆໄດ້ພ້ອມກັນເຂົ້າຮ່ວມກອງປະຊຸມຂ່າວ.ທ່ານກອນຈາຕິກະວານິດ ລັດຖະມົນຕີວ່າການກະຊວງການເງິນໄທທີ່ເປັນປະເທດເຈົ້າພາບໄດ້ຕາງຫນ້າກອງປະຊຸມເຜີຍແຜ່ແຜນການດຳເນີນງານກ່ຽວກັບການໃຫ້ເສດຖະກິດການເງິນອາຊີມີຄວາມຫມັ້ນຄົງ.ທ່ານກ່າວວ່າ:ເພື່ອໃຫ້ຕະຫລາດຢູ່ພາກພື້ນຕົນມີຄວາມຫມັ້ນຄົງແລະຄວາມຫມັ້ນໃຈເພີ່ມຂຶ້ນ,ພວກຂ້າພະເຈົ້າໄດ້ກ່າວເນັ້ນວ່າການໃຫ້ຂໍ້ລິເລີ່ມຊຽງໄຫມ່ຫັນເປັນຫລາຍເຄົ້ານັ້ນຄວນນຳໄປປະຕິບັດໄດ້,ພ້ອມທັງໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບປັດໄຈຕ່າງໆດັ່ງນີ້:ອັນທີຫນຶ່ງ:ກ່ຽວກັບຂະຫນາດຄັງສຳຮອງເງິນຕາຕ່າງປະເທດຂອງພາກພື້ນທີ່ສ້າງຂຶ້ນຕາມຂໍ້ລິເລີ່ມຊຽງໄຫມ່ຫລາຍຝ່າຍຈະຈາກ80ຕື້ໂດລາທີ່ຕົກລົງແຕ່ເດີມເພີ່ມຂຶ້ນຮອດ120ຕື້ໂດລາ,ໃນນັ້ນ ມາດຕາສ່ວນອອກທືນອາຊຽນກວມ20%, ຈີນຍີ່ປຸ່ນແລະສ.ເກົາຫລີກວມ80% ,ອັດຕານີ້ຍັງຄືເກົ່າ.
ກອງປະຊຸມເທື່ອນີ້ແມ່ນກອງປະຊຸມວິສາມັນລັດຖະມົນຕີກະຊວງການເງິນຂອງອາຊຽນກັບ ຈີນ ຍີ່ປຸ່ນແລະສາທາລະນະລັດເກົາຫຼີ ຈັດຂຶ້ນເທື່ອທຳອິດນັບແຕ່ທົ່ວໂລກເກີດວິກິດການການເງິນໃນປີກາຍນີ້ເປັນຕົ້ນມາ.ໃນເວລາທ່ານຢັ່ງ ປີ ແອກາ ອາ ແວກບິເອ ຜູ່ຮັບຜິດຊອບສຳນັກງານທະນາຄານພັດທະນາອາຊີປະຈຳໄທ ໃຫ້ສຳພາດຕໍ່ນັກຂ່າວໃນກອງປະຊຸມເທື່ອນີ້,ທ່ານກ່າວວ່າ,ຜົນສະທ້ອນຂອງວິກິດການການເງິນແລະເສດຖະກິດຊຸດໂຊມລົງທີ່ແຜ່ລາມອອກໃນທົ່ວໂລກນັ້ນ ນັບນື້ນັບພົ້ນເດັ່ນຂຶ້ນຕໍ່ປະເທດຕ່າງໆໃນອາຊີ. ທ່ານກ່າວວ່າ:ໃນອາຊີ,ຍິ່ງເປັນປະເທດທີ່ເປີດປະຕູກໍ່ຍິ່ງຖືກຜົນສະທ້ອນຫຼາຍກວ່າເກົ່າ.ສະນັ້ນ,ຖ້າຖືກຜົນສະທ້ອນຈາກວິກິດການການເງີນ, ເສດຖະກິດໃນພາກພື້ນກໍ່ຈະເຕີບໂຕຊ້າລົງຢ່າງກະທັນຫັນ, ການເຕີບໂຕຂອງເສດຖະກິດປະເທດຕ່າງໆໃນອາຊີຈະຫຼຸດລົງ 2%. ຂ້າພະເຈົ້າບໍ່ສາມາດຄາດຄະເນວ່າ ປະເທດອາຊີໄດ້ຖືກຜົນສະທ້ອນເລິກເຊິ່ງປານໃດ, ເພາະວ່າບໍ່ມີຄົນຮູ້ວ່າວິກິດການການເງິນເທື່ອນີ້ ຍັງຈະຍືດເຍືອເວລາໃດ. ແຕ່ວ່າ, ເວົ້າລວມແລ້ວ, ເສດຖະກິດໃນພາກພື້ນ ຍັງພັດທະນາໄປທາງບວກຢູ່,ນີ້ແມ່ນຍ້ອນວ່າຈີນກັບອິນເດຍ ຍັງສາມາດຮັກສາການເຕີບໂຕຢ່າງໄວສົມຄວນ ເຊິ່ງຈີນສາມາດບັນລຸ6-7%,ອິນເດຍປະມານ5%.
ທ່ານເຊ້ຍຊູ້ເຢີນ ລັດຖະມົນຕີກະຊວງການເງິນຈີນໄດ້ນຳພາຄະນະຜູ້ແທນຈີນເຂົ້າຮ່ວມກອງປະຊຸມລັດຖະມົນຕີການເງິນເທື່ອນີ້. ໃນກອງປະຊຸມທ່ານເຊ້ຍຊູ້ເຢີນໄດ້ແນະນຳສະຖານະການເສດຖະກິດມະຫາພາກແລະມາດຕະການຕົ້ນຕໍຂອງລັດຖະບານຈີນເພື່ອຮັບມືກັບວິກິດການການເງິນ. ໃນເວລາໃຫ້ສຳພາດຕໍ່ນັກຂ່າວຈີນ, ທ່ານກ່າວວ່າ:
ໃນການເພີ່ມທະວີການຮ່ວມມືລະຫວ່າງປະເທດອາຊີຕາເວັນອອກ, ການຊຸກຍູ້ໃຫ້"ຂໍ້ລິເລີ່ມຊຽງໃໝ່"ເຫັນເປັນຫຼາຍຝ່າຍແລະສ້າງຄັງສຳຮອງເງິນຕາຕ່າງປະເທດຂອງພາກພື້ນແມ່ນເນື້ອໃນສຳຄັນແລະກໍແມ່ນເວທີທີ່ສຳຄັນ. ໃນກອງປະຊຸມລັດຖະມົນຕີການເງິນວິສາມັນເທື່ອນີ້ກໍໄດ້ຄົ້ນຄວ້າແລະປຶກສາຫາລືບັນຫາດ້ານນີ້ຕື່ມອີກ, ເມື່ອຝ່າຍຕ່າງໆທຳຄວາມພະຍາຍາມແລ້ວກໍໃຫ້ກ້າວເຖິງຄວາມເຫັນເປັນເອກະສັນກັນກ່ຽວກັບປັດໄຈສຳຄັນທີ່ສ້າງຄັງສຳຮອງເງິນຕາຕ່າງປະເທດໂດຍໄວ.ພາຍຫຼັງສ້າງຄັງສຳຮອງເງິນຕາຕ່າງປະເທດແລ້ວ,ກໍຈະສາມາດເສີມຂະຫຍາຍບົດບາດຕໍ່ການເຮັດໃຫ້ຕະຫຼາດການເງິນຂອງພາກພື້ນໝັ້ນທ່ຽງ, ເພີ່ມຄວາມສາມາດການຊ່ອຍເຫຼືອດ້ານເງິນທຶນແລະຊຸກຍູ້ການພັດທະນາເສດຖະກິດຂອງປະເທດຕ່າງໆ."
ໃນມື້ດຽວກັນ,ທ່ານອະພິສິດ ເວດຊາຊີວະ ນາຍົກລັດຖະມົນຕີໄທໄດ້ເດີນທາງໄປຕ້ອນຮັບລັດຖະມົນຕີວ່າການກະຊວງການເງິນຂອງປະເທດຕ່າງໆທີ່ມາເຂົ້າຮ່ວມກອງປະຊຸມຄັ້ງນີ້ໂດຍສະເພາະ.ໃນເວລາໃຫ້ສຳພາດຕໍ່ນັກຂ່າວວິທະຍຸCRI,ທ່ານກ່າວວ່າ:"ຂ້າພະເຈົ້າເຫັນວ່າ,ສິ່ງທີ່ສຳຄັນກວ່າໝູ່ຂອງກອງປະຊຸມຄັ້ງນີ້,ແມ່ນໄດ້ສ່ອງແສງໃຫ້ເຫັນຄວາມປາຖະໜາຂອງບັນດາປະເທດທີ່ຮ່ວມປະຊຸມຢາກເປີດກວ້າງການຮ່ວມມືໂດຍສະເພາະແມ່ນເປີດກວ້າງການຮ່ວມມືດ້ານການເງິນພາຍໃຕ້ສະພາບທີ່ເກິດວິກິດການການເງິນໂລກໃນປະຈຸບັນ.ໃນນັ້ນຕົ້ນຕໍລວມທັງເນື້ອໃນສາມຂໍ້ ຄື ອັນທີໜຶ່ງແມ່ນພ້ອມກັນຮ່ວມມືຕິດຕາມຄວບຄຸມຄວາມສ່ຽງຕ່າງໆ,ອັນທີສອງແມ່ນຊຸກຍູ້ການຮ່ວມມືພາຍໃຕ້ຂໍ້ລິເລີ່ມຊຽງໄໝ່ເພື່ອໃຫ້ກາຍເປັນການຮ່ວມມືຫຼາຍຝ່າຍ,ແລະເພີ່ມມູນຄ່າເງິນສະສົມທີ່ກ່ຽວຂ້ອງ,ຝ່າຍຕ່າງໆລ້ວນແຕ່ຝາກຄວາມຫວັງນຳເລື່ອງນີ້.ອັນສຸດທ້າຍແມ່ນສະແຫວງຫາຊ່ອງທາງເປີດກວ້າງຕະຫຼາດພັນທະບັດຂອງພາກພື້ນແຫ່ງນີ້."
